ପରିବେଶ ସୁରକ୍ଷା ଲାଗି ଦେଶରେ ଯେଭଳି ତପତ୍ରତା ପ୍ରକାଶ ପାଉଛି ତାହା ଆଗାମୀ ଦିନ ପାଇଁ ଏକ ଶୁଭ ସଙ୍କେତ। ବିଶେଷ କରି ଟେକ୍ନୋଲୋଜି କ୍ଷେତ୍ରରେ ଏହା ପାଇଁ କରାଯାଉଥିବା ଅନେକ ପ୍ରୟାସ ମଧ୍ୟେରେ ଆଇଆଇଟି ଖଡ଼ଗପୁରର ଯୋଗଦାନ ସ୍ବୀକାର୍ଯ୍ୟ। ଏହି ଆଇଆଇଟି ଦ୍ୱାରା ନିର୍ମାଣ କରାଯାଇଛି ତିନିଚକିଆ ଅଟୋ । ଏହା ସମ୍ପୂର୍ଣ୍ଣ ପରିବେଶ ଅନୁକୂଳ। ଖଡ଼ଗପୁର ଆଇଆଇଟିର ମେକାନିକାଲ ଇଞ୍ଜିନିୟରିଂ ବିଭାଗ ଆସୋସିଏଟ ପ୍ରଫେସର ବିକ୍ରାନ୍ତ ରଶେର୍ଲାଙ୍କ ନେତୃତ୍ୱରେ ଏହା ନିର୍ମାଣ କରାଯାଇଛି। ୨୦ ଜଣ ଛାତ୍ରଙ୍କ ଟିମ୍ ଏହି କାର୍ଯ୍ୟକୁ ପୂର୍ଣ୍ଣାଙ୍ଗ ରୂପ ଦେଇଛନ୍ତି। ତିନିବର୍ଷ ଗବେଷଣା କରାଯିବା ପରେ ଏହି ଅଟୋରିକ୍ସା ନିର୍ମାଣ କରାଯାଇପାରିଛି। ଆଇଆଇଟିର ଜଣେ ପୂର୍ବତନ ଛାତ୍ର ଡ.ପୂର୍ଣ୍ଣେନ୍ଦୁ ଚାଟାର୍ଜୀ ଉକ୍ତ ପ୍ରୋଜେକ୍ଟ ଲାଗି ୫ ହଜାର ଆମେରିକୀୟ ଡଲାର ଦାନ କରିଥିଲେ। ଏହି ଅଟୋ ପ୍ରତି ଘଣ୍ଟାରେ ୫୫ କି.ମି. ବେଗରେ ଯାଇପାରୁଛି। ଏହାର ପ୍ରୋଟୋଟାଇପ୍ ପ୍ରସ୍ତୁତ ସରିଛି। ଏଥିରେ ଖଞ୍ଜା ଯାଇଥିତ୍ବା ବ୍ୟାଟେରିରେ ୧୫୦ କି.ମି. ଯିବାଭଳି କ୍ଷମତା ରହିଛି। ଏଥିରେ ୮.୮ କି.ମି. ପାଓ୍ବାର ବ୍ୟାଟେରି ପ୍ୟାକ ବ୍ୟବହାର କରାଯାଇଛି। ଏହା ଘରେ ମାତ୍ର ୪ ଘଣ୍ଟାରେ ଚାର୍ଜ ହୋଇପାରିବ।
