ଭାରତର ଉତ୍ତରପୂର୍ବାଞ୍ଚଳରେ ଭୂସ୍ଖଳନ ଜନିତ ଧନ ଜୀବନ ହାନିକୁ ରୋକିବାକୁ ଆଇଆଇଟି(ମଣ୍ଡି)ର ଦୁଇ ଗବେଷକ ଡ. ବରୁଣ ଦତ୍ତ ଏବଂ ଡ.କେ.ଭି.ଉଦୟ ଏକ ଡିଭାଇସ୍ ବା ଯନ୍ତ୍ର ବିକାଶ କରିଛନ୍ତି। ଏହାର ଦାମ କମ୍ ଓ ଭୂସ୍ଖଳନ ହେବା ପୂର୍ବରୁ ଏହା ସଙ୍କେତ ପ୍ରଦାନ କରିପାରୁଛି। ଏବେ ସୁଦ୍ଧା ଏହି ଦୁଇ ବନ୍ଧୁଙ୍କ ଦ୍ୱାରା ନିର୍ମିତ ୧୩ ଟି ଡିଭାଇସ ହିମାଚଳପ୍ରଦେଶର ଭୂସ୍ଖଳନ ପ୍ରବଣ ଅଞ୍ଚଳରେ ଲଗାଯାଇଛି। ଆସନ୍ତା ଦୁଇ ବର୍ଷରେ ଆଉ ୨୦ଟି ଡିଭାଇସ ସ୍ଥାପନ କରାଯିବା ଲାଗି ମଣ୍ଡି ପ୍ରଶାସନ ସହ ଏକ ଚୁକ୍ତି କରାଯାଇଛି। ତେବେ ଏହାକୁ ନିର୍ମାଣ କରିବା ଲାଗି ଏମାନେ ୭ ଜଣିଆ ଟିମ୍ ଗଠନ କରିଛନ୍ତି। ଏଥିତ୍ରେ ଆଇଆଇଟିର ଛାତ୍ର ଓ କର୍ମଚାରୀଙ୍କୁ ସାମିଲ କରିଛନ୍ତି। ସେମାନେ ଭୂସ୍ଖଳନ ପ୍ରବଣ ଅଞ୍ଚଳରେ ଗବେଷଣା କରି ଡିଭାଇସ ଲଗାଇବାରେ ସହଯୋଗ କରୁଛନ୍ତି। ଏଥିରେ ଥିବା ସେନ୍ସର ପାଗର ସ୍ଥିତି, ବର୍ଷାର ତୀବ୍ରତା ଏବଂ ମାଟି ଓ ପଥରର ଗତିକୁ ନିରୂପଣ କରିପାରୁଛି ଓ ଇଣ୍ଟରନେଟ ଅଫ ଥିଙ୍ଗସ (ଆଇଓଟି) ସଂଗୃହୀତ ତଥ୍ୟକୁ ସେଣ୍ଟ୍ରାଲ ସିଷ୍ଟମକୁ ପ୍ରେରଣ କରୁଛି। ୨୦୧୮ରେ ଏହି ଦୁଇ ବନ୍ଧୁ ‘ଇଣ୍ଟିଓଟ ସର୍ଭିିସ’ ଷ୍ଟାର୍ଟଅପ୍ ଗଠନ କରି ପ୍ରଥମ ଡିଭାଇସ ନିର୍ମାଣ କରିବା ପରେ ତାହାକୁ ଘଡପା ହିଲ୍ରେ ଲାଗଇଥିଲେ।
