ଜମ୍ମୁକଶ୍ମୀରରେ ଆର୍ଦ୍ରଭୂମି ଓ ବହିରାଗତ ପକ୍ଷୀଙ୍କ ସୁରକ୍ଷାରେ ଲାଗିପଡ଼ିଛନ୍ତି ଏକ ମହିଳା ଟିମ୍। ଏହି ଟିମ୍ରେ ୧୫ ଜଣ ମହିଳା ଓ ବାଳିକା ରହିଛନ୍ତି। ସେମାନେ ସଲିମ ଅଲି ବାର୍ଡଓ୍ବାଚର୍ସ ନେଟଓ୍ବର୍କ( ଏସ୍ଏବିଏନ୍) ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ପରିବେଶ ଓ ପକ୍ଷୀ ସୁରକ୍ଷା କାର୍ଯ୍ୟ କରିବାରେ ଏହା ହେଉଛି ଜମ୍ମୁକଶ୍ମୀରରେ ପ୍ରଥମ ମହିଳା ନେଟଓ୍ବର୍କ। ଏହି ନେଟଓ୍ବର୍କକୁ ୨୦୨୫ରେ ଆରମ୍ଭ କରାଯାଇଥିଲା। ସେମାନେ ଶ୍ରୀନଗର ନିକଟରେ ଥିବା ଆର୍ଦ୍ରଭୂମିଗୁଡ଼ିକୁ ସଫା କରୁଛନ୍ତି ଏବଂ ସଚେତନ କରିବା ଲାଗି ପ୍ରାଚୀରପତ୍ର ବାଣ୍ଟୁଛନ୍ତି। ଏହା ବ୍ୟତୀତ ଆର୍ଦ୍ରଭୂମି ଚାରିପାଖରେ ଥିବା ବିଭିନ୍ନ ଗାଁ ଓ ସ୍କୁଲକୁ ଯାଇ ପରିବେଶ ସୁରକ୍ଷା ସମ୍ପର୍କରେ ସଚେତନ କରୁଛନ୍ତି। ଏହିସବୁ କାର୍ଯ୍ୟ ମୂଳରେ ରହିଛନ୍ତି ପ୍ରତିଷ୍ଠାତା ସଦସ୍ୟ ସରିତ ଉଲ୍ ନିସାର। ସପ୍ତାହାନ୍ତରେ ସଦସ୍ୟମାନେ ବାଇନାକୁଲାର ଧରି ବାହାରିଯାଇ ପକ୍ଷୀମାନଙ୍କ ଗତିବିଧି ଉପରେ ନଜର ରଖୁଛନ୍ତି ଏବଂ ନୂଆ ପକ୍ଷୀଙ୍କ ଆଗମନକୁ ଠାବ କରୁଛନ୍ତି। ଏହାସହ ଆର୍ଦ୍ରଭୂମିରୁ ପ୍ଲାଷ୍ଟିକ ବର୍ଜ୍ୟ ସଫା କରୁଛନ୍ତି। ଏହି ମହିଳା ଟିମ୍ ଉଦ୍ୟମରେ ଏବେସୁଦ୍ଧା ୧ ଲକ୍ଷ ବହିରାଗତ ପକ୍ଷୀ ଶ୍ରୀନଗର ଆଖପାଖ ଆର୍ଦ୍ରଭୂମିକୁ ଆସିପାରିଛନ୍ତି।
