ପ୍ୟାରିସ ଜଳବାୟୁ ସମ୍ମିଳନୀରେ ବିଶ୍ୱତାପନକୁ ୧.୫ ଡିଗ୍ରୀ ସେଲସିୟସରେ ସୀମିତ ରଖିବା ପାଇଁ ସଙ୍କଳ୍ପ ନିଆଯାଇଥିଲା। ଏହାକୁ ଦୃଷ୍ଟିରେ ରଖି ବିଶ୍ୱ ତାପନ ବୃଦ୍ଧିକୁ ରୋକିବା ପାଇଁ କାର୍ବନ ନିର୍ଗମନ ହ୍ରାସ ସକାଶେ ବିଭିନ୍ନ ପଦକ୍ଷେପ ନିଆଯାଉଛି। ବିଶେଷକରି ସବୁଜ ପଦକ୍ଷେପ ଉପରେ ଅଧିକ ଗୁରୁତ୍ୱ ଦିଆଯାଉଛି। ଏହି କ୍ରମରେ ମହାରାଷ୍ଟ୍ର ବେଲା ଗ୍ରାମର ସରପଞ୍ଚ ସାରଦା ଗେଧାନେଙ୍କ ପ୍ରୟାସ ପ୍ରଶଂସନୀୟ। ଏହି ଗାଁ ବି ଏକ ପଞ୍ଚାୟତ। ସେ ଏଠାରେ ୯୦,୦୦୦ ଗଛ ଲଗାଇ ବାୟୁରେ କାର୍ବନ ନିର୍ଗମନ ସ୍ତର କମାଇ ପାରିଛନ୍ତି। ଏହି ଗାଁ ମଧ୍ୟ ଏକ ସୌରଶକ୍ତିର ଗାଁ ପାଲଟିଛି। ପ୍ରାୟ ସବୁ ଘରେ ସୌରଶକ୍ତି ଉତ୍ପାଦନ ପାଇଁ ସୋଲାରପ୍ୟାନେଲ ଲଗାଇଛନ୍ତି। ଭନ୍ଦରା ଜିଲା ବେଲା ଗ୍ରାମପଞ୍ଚାୟତରେ ସାରଦା ଦୁଇଥର ସରପଞ୍ଚ ଭାବେ ନିର୍ବାଚିତ ହୋଇସାରିଲେଣିି। ସରପଞ୍ଚ ହେବା ପରେ ସେ ବୃକ୍ଷରୋପଣ କାର୍ଯ୍ୟକ୍ରମ ଆରମ୍ଭ କରିଥିଲେ। ଉଲ୍ଲେଖନୀୟ, ବିବାହ କିମ୍ବା ଅନ୍ୟ ଉତ୍ସବରେ ବୃକ୍ଷରୋପଣ କାର୍ଯ୍ୟକ୍ରମକୁ ସାମିଲ କରିପାରିଛନ୍ତି।ଏହି ଗାଁକୁ ବର୍ଜ୍ୟମୁକ୍ତ କରିବା ପାଇଁ ସାରଦା ପ୍ରତି ଘରୁ ବର୍ଜ୍ୟ ସଂଗ୍ରହ କରି ରିସାଇକ୍ଲିିଂ ପାଇଁ ପଠାଉଛନ୍ତି। ଗାଁରେ ଏକକ ବ୍ୟବହାରଯୋଗ୍ୟ ପ୍ଲାଷ୍ଟିକ ସମ୍ପୂର୍ଣ୍ଣ ବନ୍ଦ କରାଯାଇଛି।
