Advertisement

ହକି ପାଇଁ ମାଟିରେ ମିଶୁଛି ଭାତହାଣ୍ଡି

ଭୁବନେଶ୍ୱର, ୨୦।୧୨ (ବ୍ୟୁରୋ):ଜାନୁୟାରୀ ମାସରେ ହକି ବିଶ୍ୱକପ୍‌ ଦେଖିବ ସମଗ୍ର ବିଶ୍ୱ। ରାଜଧାନୀ ଭୁବନେଶ୍ୱର ଏବଂ ରାଉରକେଲାରେ ଖେଳ ଅନୁଷ୍ଠିତ ହେବ। ହକି ଦେଖିବାକୁ ବିଭିନ୍ନ ଦେଶବିଦେଶରୁ ପ୍ରଶଂସକଙ୍କ ସହ ଖେଳାଳିଙ୍କ ସୁଅ ଛୁଟିବ। ତେଣୁ ଅତିଥିମାନଙ୍କୁ ସ୍ବାଗତ କରିବା ପାଇଁ ସଜେଇ ହେଉଛି ରାଜଧାନୀ ଭୁବନେଶ୍ୱର। ଏଠାକୁ ଆସିବା ପରେ ଏହାର ସୌନ୍ଦର୍ଯ୍ୟକରଣ, ପରିମଳ ଏବଂ ସୁବ୍ୟବସ୍ଥିତ ସହରର ଢାଞ୍ଚାକୁ ଦେଖି ଯେପରି ସମସ୍ତେ ଏହାର ପ୍ରଶଂସା କରିବେ ସେଥିପାଇଁ ତତ୍ପର ହୋଇ ଉଠିଛି ବିଏମ୍‌ସି। ମାତ୍ର ସୌନ୍ଦର୍ଯ୍ୟକରଣ ନାମରେ ଶତାଧିକ ଉଠାଦୋକାନୀଙ୍କ ଭାତହାଣ୍ଡିକୁ ଗୋଇଠା ମରାଯାଉଛି। ପ୍ରତିଦିନ ଜବରଦଖଲ ଉଚ୍ଛେଦ ନାମରେ ବ୍ୟବସାୟୀଙ୍କ ଦୋକାନ ଭାଙ୍ଗି ମାଟିରେ ମିଶାଇ ଦିଆଯାଉଛି। ଫଳରେ ହଜାର ହଜାର ଉଠାଦୋକାନୀଙ୍କ ପରିବାର ଏବେ ବେରୋଜଗାର ହୋଇଯାଇଛନ୍ତି। ଦୀର୍ଘ ବର୍ଷ ଧରି ସହରର ବିଭିନ୍ନ ରାସ୍ତାକଡ଼ରେ ଉଠା ଦୋକାନ କରି ପରିବାର ପୋଷଣ କରୁଥିବା ବ୍ୟବସାୟୀମାନେ ହଠାତ୍‌ ଜୀବିକା ହରାଇ ଅସହାୟ ହୋଇପଡିଛନ୍ତି। ଦୋକାନ ଭାଙ୍ଗିଯିବା ଫଳରେ ପିଲାଙ୍କ ସ୍କୁଲ୍‌ ଫି’ ଦେବା ପାଇଁ ସେମାନେ ଅସମର୍ଥ ହୋଇ ପଡିଛନ୍ତି। ଆର୍ଥିକ ଅନଟନ ଦେଇ ଗତି କରୁଥିବାରୁ ପିଲାଙ୍କ ମୁହଁରେ ଦୁଇବେଳା ଦାନା ଯୋଗାଇଦେବା କଷ୍ଟକର ହୋଇପଡିଥିବା କେତେଜଣ ବ୍ୟବସାୟୀ କୋହଭରା କଣ୍ଠରେ ଅଭିଯୋଗ କରିଛନ୍ତି।
ଅପରପକ୍ଷେ ହକି ପାଇଁ ସହରକୁ ସୁନ୍ଦର କରିବା ନାମରେ ପ୍ରାୟ ୫ହଜାର ଉଠାଦୋକାନୀଙ୍କ ପରିବାର ଉପାସରେ ରହିବେ ବୋଲି ନିଖିଳ ଓଡ଼ିଶା ରାସ୍ତାପାର୍ଶ୍ୱ ଉଠାଦୋକାନୀ ମହାସଂଘ ପକ୍ଷରୁ କୁହାଯାଇଛି। ମହାସଂଘ ରାଜ୍ୟ ସଭାପତି ପ୍ରତାପ କୁମାର ସାହୁ କହିଛନ୍ତି, ଦୋକାନ ଉଚ୍ଛେଦ ପରେ ପରିବାର ଚଳାଇବା କଷ୍ଟକର ହୋଇପଡୁଛି। ରୋଜଗାର ନ ଥିବାରୁ ଅନେକ ବ୍ୟକ୍ତି ମାନସିକ ଚିନ୍ତାରେ ଦିନ କାଟୁଛନ୍ତି। ଜୀବିକା ହରାଇଥିବା ବ୍ୟକ୍ତିମାନେ ଭବିଷ୍ୟତରେ ଚୋରି, ଛିନତାଇ କରିବାକୁ ପଛାଇବେ ନାହିଁ। ସେଥିପାଇଁ ରାଜ୍ୟ ସରକାର, ବିଡିଏ, ବିଏମ୍‌ସି, ପୋଲିସ୍‌, ଜିଏ ଅଧିକାରୀମାନେ ଦାୟୀରହିବେ ବୋଲି ସେ କହିଛନ୍ତି। ସେହିପରି ଚନ୍ଦ୍ରଶେଖରପୁରରେ ବ୍ୟବସାୟ କରୁଥିବା ଅନୁ ମିଶ୍ର କହିଛନ୍ତି, ୧୫ ବର୍ଷ ହେବ ଏଠାରେ ବ୍ୟବସାୟ କରୁଛି। ସନ୍ଧ୍ୟା ୫ଟାରୁ ରାତି ୧୦ ପର୍ଯ୍ୟନ୍ତ ରାତ୍ରି ଭୋଜନ ପ୍ରସ୍ତୁତ କରି ବିକିବା ମୋର କାମ। ଏହି ଦୋକାନ ମୋ ରୋଜଗାରର ମାଧ୍ୟମ। ଦୋକାନରୁ ଯାହାକିଛି ମିଳେ ସେଥିରେ ମୁଁ ଏବଂ ମୋ ମା’ ଚଳୁଛୁ। ଏବେ ଖେଳ ପାଇଁ ବିଏମ୍‌ସି, ବିଡିଏ ଆମ ଦୋକାନ ସବୁ ଭାଙ୍ଗି ଦେଉଛି। ଖେଳରେ କ’ଣ ପେଟ ପୂରିବ, ଜଣଙ୍କ ଜୀବନ ଜୀବିକାଠାରୁ ଖେଳ ଏବଂ ସୌନ୍ଦର୍ଯ୍ୟକରଣ କ’ଣ ଏତେ ଜରୁରୀ ବୋଲି ସେ ପ୍ରଶ୍ନ କରିଛନ୍ତି। ସେହିପରି ନୟାପଲ୍ଲୀ ଇସ୍କନ ମନ୍ଦିର ପାଖରେ ଚାଟ୍‌ ଦୋକାନ କରି ପରିବାର ଚଳାଉଥିବା ବ୍ୟବସାୟୀ ପ୍ରଶାନ୍ତ କୁମାର ନାୟକ କହିଛନ୍ତି, ୯ବର୍ଷ ହେବ ଏଠି ଦୋକାନ ଥିଲା। ଏହି ରୋଜଗାର ଉପରେ ମୋ ପରିବାର ନିର୍ଭର କରେ। ମାତ୍ର ଗତ ୨୦ ଦିନ ହେବ ଦୋକାନକୁ ଭାଙ୍ଗି ଦେଇଛନ୍ତି। ଯେତେ ନେହୁରା ହେଲେ ବି କେହି ଶୁଣୁ ନାହାନ୍ତି। ହକି ପାଇଁ ସବୁ ଭଙ୍ଗା ହେଉଛି, ୨ ମାସ ପରେ ଦୋକାନ କରିବ ବୋଲି ଭାଙ୍ଗିବାକୁ ଆସିଥିବା ଅଫିସରମାନେ କହିଥିଲେ। ତେବେ ୨ମାସ ପର୍ଯ୍ୟନ୍ତ ପରିବାର କେମିତି ଚଳିବ ସେ ଚିନ୍ତାରେ ଅଛନ୍ତି ପ୍ରଶାନ୍ତ। ଏମାନଙ୍କ ପରି ଶତାଧିକ ବ୍ୟବସାୟୀ ନିଜ ଉପାର୍ଜନର ମାଧ୍ୟମ ହରାଇବା ପରେ ଏଭଳି ଭୋକ ଉପାସରେ ଦିନ କାଟୁଛନ୍ତି। ହକି ପାଇଁ ରାସ୍ତାଘାଟରେ ଚିତ୍ର ଆଙ୍କିବା ସହ ଗଛ ଲଗାଇ, ବୈଠକ ପରେ ବୈଠକ କରି ବିଏମ୍‌ସି, ବିଡିଏ ଅଧିକାରୀମାନେ ବାହାବା ନେବାରେ ବ୍ୟସ୍ତ ଅଛନ୍ତି।


Enter your email to get our daily news in your inbox.

All Right Reserved By Dharitri.Com

CORONAVIRUS UPDATE: ରାଜ୍ୟରେ ୫୨,୦୦୦ ଟପିଲା ଆକ୍ରାନ୍ତଙ୍କ ସଂଖ୍ୟା, ଆଜି ଚିହ୍ନଟ ହୋଇଛନ୍ତି ୧୯୮୧

ଭୁବନେଶ୍ୱର,୧୩ା୮(ବ୍ୟୁରୋ) : ଗୁରୁବାର ୩୦ ଜିଲାରୁ ସର୍ବାଧିକ ୧୯୮୧ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୫୨,୬୫୩ରେ ପହଞ୍ଚିଥିବା...

ପରଲୋକରେ ସ୍ବାଧୀନତା ସଂଗ୍ରାମୀ ଭବାନୀ ଚରଣ ପଟ୍ଟନାୟକ: ରାଷ୍ଟ୍ରୀୟ ସମ୍ମାନ ସହ ଜନ୍ମସ୍ଥାନରେ ହେବ ଶେଷକୃତ୍ୟ

ଭୁବନେଶ୍ୱର (ବ୍ୟୁରୋ)/ ନିମାପଡ଼ା(ଡି.ଏନ୍‌.ଏ),୧୫।୫: ବିଶିଷ୍ଟ ସ୍ବାଧୀନତା ସଂଗ୍ରାମୀ, ପୂର୍ବତନ ରାଜ୍ୟ ସଭା ସଦସ୍ୟ ତଥା ଗାନ୍ଧିବାଦୀ ନେତା ଭବାନୀ ଚରଣ ପଟ୍ଟନାୟକଙ୍କ ଗୁରୁବାର ରାତିରେ ପରଲୋକ...

୩ ଦିନରେ ଶେଷ ହେବ ମାଟ୍ରିକ ଖାତା ଦେଖା

ଭୁବନେଶ୍ୱର,୨।୮(ବ୍ୟୁରୋ): ଅଗଷ୍ଟ ୧୧ରୁ ଆରମ୍ଭ ହେବ ଅଫ୍‌ଲାଇନ ମାଟ୍ରିକ ପରୀକ୍ଷା ଖାତା ଦେଖା । ଆଉ ୩ ଦିନ ମଧ୍ୟରେ ଶେଷ ହେବ ଏହି କାର୍ଯ୍ୟ।...

CORONAVIRUS UPDATE: ଆଜି ରାଜ୍ୟରେ ୨୬୪ ଆକ୍ରାନ୍ତ ଚିହ୍ନଟ; ମୋଟ ସଂକ୍ରମିତଙ୍କ ସଂଖ୍ୟା ୬,୬୧୪କୁ ବୃଦ୍ଧି

ଭୁବନେଶ୍ୱର,୨୮।୬(ବ୍ୟୁରୋ): ରାଜ୍ୟରେ ରବିବାର ଆଉ ୨୬୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୨୩୪ଜଣ କ୍ୱାରାଣ୍ଟାଇନ୍‌ରେ ଥିବା ବେଳେ ୩୦ ଲୋକାଲ କେସ୍‌ ରହିଛି।...

ଅପହରଣ ପରେ ଯୁବକଙ୍କୁ ଟାୟାର ଜାଳି ହତ୍ୟା: ପୋଲିସର ତଦନ୍ତ ଆରମ୍ଭ

ଖୋର୍ଦ୍ଧା ଅଫିସ/ନିରାକାରପୁର,୫।୭(ଡି.ଏନ୍‌.ଏ.): ଖୋର୍ଦ୍ଧା ଜିଲା ବଡ଼ପୋଖରିଆ ଓ ଉଗ୍ରତାରା ଛକ ନିକଟସ୍ଥ ଏକ ଜଙ୍ଗଲରୁ ଶୁକ୍ରବାର ସକାଳେ ହାଡ଼କଙ୍କାଳ ଜବତ ହୋଇଛି। ଏହା ନୟାଗଡ଼ ଜିଲା...

ସ୍କୁଲ ଖୋଲିବା ପରେ ପାଠପଢ଼ାକୁ ନେଇ ଚିନ୍ତାରେ ସରକାର: ବାତ୍ୟାବିପନ୍ନ ଛାତ୍ରୀଛାତ୍ର ପାଖ ବିଦ୍ୟାଳୟକୁ ଯିବେ

ଭୁବନେଶ୍ୱର,୧୮।୬(ବ୍ୟୁରୋ): ଦିନକ ପରେ ସ୍କୁଲ ଖୋଲିବ। କିନ୍ତୁ ‘ଫନୀ’ ପ୍ରଭାବିତ ଅଞ୍ଚଳରେ ପିଲାମାନେ କେଉଁଠି ପାଠ ପଢ଼ିବେ, ତାକୁ ନେଇ ସରକାର ଚିନ୍ତାରେ ପଡ଼ିଯାଇଛନ୍ତି। ଖରାଛୁଟି...

ଋଷିକୁଲ୍ୟା ମୁହାଣରେ କଇଁଛଙ୍କ ମିଳନ ଆରମ୍ଭ

ଗଞ୍ଜାମ,୨୦-୧୧(ଡି.ଏନ.ଏ.):ଗଞ୍ଜାମ ବ୍ଲକ ପାଳିବନ୍ଧ ପଞ୍ଚାୟତ ପୁରୁଣାବନ୍ଧ ଗ୍ରାମ ନିକଟ ଋଷିକୁଲ୍ୟା ମୁହାଣରେ ଅଲିଭ ରିଡ୍‌ଲେ କଇଁଛଙ୍କ ମିଳନ ପର୍ବ ଆରମ୍ଭ ହୋଇଛି। ପୂର୍ବବର୍ଷ ଅପେକ୍ଷା ଚଳିତ...

ସୀମାନ୍ତରେ ଗୁଳି ବିନିମୟ: ୩ ମାଓବାଦୀ ନିହତ, ଜଣେ ଯବାନ ଆହତ

ମାଲକାନଗିରି,୨୩ା୧୧(ଡି.ଏନ୍‌.ଏ.)-ମାଲକାନଗରି ଜିଲା ସୀମାନ୍ତବର୍ତ୍ତୀ ଛତିଶଗଡରେ ସୋମବାର ପୋଲିସ-ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ୩ଜଣ ମାଓବାଦୀ ନିହତ ହୋଇଛନ୍ତି। ସେମାନଙ୍କ ମଧ୍ୟରେ ଜଣେ ମହିଳା ମାଓବାଦୀ...

Advertisement
Archives

Model This Week