୨୫ ବର୍ଷରେ ତରଳିଛିି ୧୮୦ ଫୁଟ୍‌ ବରଫ

ଓ୍ବାଶିଂଟନ୍‌, ୬ା୨: ବିଶ୍ୱର ଉଚ୍ଚତମ ପର୍ବତ ଏଭରେଷ୍ଟରେ ଜଳବାୟୁ ପରିବର୍ତ୍ତନର ଗମ୍ଭୀର ପ୍ରଭାବ ପଡ଼ିଛି। ଏଭରେଷ୍ଟ ଶିଖରରେ ହଜାର ହଜାର ବର୍ଷ ମଧ୍ୟରେ ଜମିଥିବା ବରଫ ଏବେ ତୀବ୍ରଗତିରେ ତରଳିବାରେ ଲାଗିଛି। ସାଇଣ୍ଟିଫିକ୍‌ ଜର୍ନାଲ ‘ନେଚର’ରେ ପ୍ରକାଶିତ ଏକ ରିପୋର୍ଟ ଅନୁସାରେ, ସାଉଥ୍‌ କୋଲ୍‌ ଗ୍ଲେସିୟର (ଏସ୍‌ସିଜି)ରେ ୨୦୦୦ ବର୍ଷ ସମୟ ନେଇ ଯେଉଁ ବରଫ ଜମିଥିଲା ତାହା ମାତ୍ର ୨୫ ବର୍ଷରେ ତରଳିଯାଇଛି। ଅର୍ଥାତ ପର୍ବତରେ ଗ୍ଲେସିୟର ଜମିବା ତୁଳନାରେ ୮୦ ଗୁଣା ଅଧିକ ବେଗରେ ନଷ୍ଟ ହେଉଛି। ଏପରି ଜାରି ରହିଲେ ଆସନ୍ତା ୨୫ ବର୍ଷ ମଧ୍ୟରେ ଏଭରେଷ୍ଟର ଗ୍ଲେସିୟର ସମ୍ପୂର୍ଣ୍ଣ ଭାବେ ତରଳି ଯିବ ବୋଲି ଆଶଙ୍କା ସୃଷ୍ଟି ହୋଇଛି। ଆଗାମୀ ଦିନରେ ପରିବେଶ ଉପରେ ଏହାର ଘାତକ ପ୍ରଭାବ ଦେଖିବାକୁ ମିଳିପାରେ ବୋଲି ବୈଜ୍ଞାନିକମାନେ ପ୍ରକାଶ କରିଛନ୍ତି।
ଗବେଷଣା ଅନୁଯାୟୀ, ଏଭରେଷ୍ଟରେ ପ୍ରାୟ ୫୫ ମିଟର (୧୮୦ ଫୁଟ)ର ଗ୍ଲେସିୟର ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି। ଏହା ଜମିବାକୁ ପ୍ରାୟ ୨୦୦୦ ବର୍ଷ ଲାଗିଥିଲା। ୟୁନିଭର୍ସିଟି ଅଫ୍‌ ମେନ୍‌ର ବୈଜ୍ଞାନିକଙ୍କ ଆକଳନ ଅନୁସାରେ, ଆସନ୍ତା ୨୫ ବର୍ଷ ମଧ୍ୟରେ ଉକ୍ତ ଗ୍ଲେସିୟର ସମ୍ପୂର୍ଣ୍ଣ ଭାବେ ତରଳି ଯାଇପାରେ। ନ୍ୟାଶନାଲ ଜିଓଗ୍ରାଫିକ୍‌ ଏବଂ ରୋଲେକ୍ସ ପରପେଚୁଆଲ ପ୍ଲାନେଟ ଏଭରେଷ୍ଟ ଏକ୍ସପେଡିଶନ୍‌ର ଆଉ ଏକ ଅଧ୍ୟୟନ ଅନୁଯାୟୀ, ୧୮୦୦ ଦଶକ ମଧ୍ୟଭାଗରେ ଏହି ପର୍ବତ ଶିଖରରେ ଜମିଥିବା ବରଫ ନଷ୍ଟ ହେବା ଆରମ୍ଭ ହୋଇଥିଲା। ୧୯୫୦ ଦଶକ ବେଳକୁ ଗ୍ଲେସିୟର ତରଳିବା ବଢ଼ିଥିବାବେଳେ ୨୦୦୦ ଦଶକରେ ଏହାର ଗତି ତୀବ୍ର ହୋଇଥିଲା। ଅଧ୍ୟୟନ କରୁଥିବା ବୈଜ୍ଞାନିକ ଟିମ୍‌ ଜଳବାୟୁ ପରିବର୍ତ୍ତନର ସର୍ବୋଚ୍ଚ ସ୍ତରରେ ପହଞ୍ଚିଛି କି ନାହିଁ ସେ ଉପରେ ଗବେଷଣା କରିଥିଲେ। ପର୍ବତାରୋହୀ ଏବଂ ଅନୁସନ୍ଧାନକାରୀଙ୍କ ଏକ ଟିମ୍‌ ନେପାଳ ପାର୍ଶ୍ୱରେ ଥିବା ଏସ୍‌ସିଜିଠାରେ ୨୦୧୯ରେ ଏଭରେଷ୍ଟର ପ୍ରାୟ ୧୦୦୦ ମିଟର
(୩୨୦୦ ଫୁଟ) ଉଚ୍ଚରୁ ପ୍ରାୟ ୧୦ ମିଟର ଲମ୍ବ ବରଫ ଖଣ୍ଡରୁ ନମୁନା ସଂଗ୍ରହ କରିଥିଲେ। ରେଡିଓକାର୍ବନ ଡେଟିଂରୁ ବରଫର ଚଟାଣ ୨୦୦୦ ବର୍ଷ ପୁରୁଣା ଜଣାପଡ଼ିଥିଲା। ଦୀର୍ଘ ବର୍ଷ ଧରି ସେଠାରେ ସୃଷ୍ଟି ହୋଇଥିବା ବରଫ କିପରି ତରଳି ଯାଇଛି ତାହା ବୈଜ୍ଞାନିକମାନେ ଜାଣିବାକୁ ପାଇଛନ୍ତି। ଏଭରେଷ୍ଟରେ ଏତେମାତ୍ରାରେ ଗ୍ଲେସିୟର ତରଳିବା ବିଶ୍ୱ ପାଇଁ ବିପଜ୍ଜନକ। ଏହି କାରଣରୁ ହିମସ୍ଖଳନ, ବନ୍ୟା, ବାତ୍ୟା, ମରୁଡ଼ି ପରି ପ୍ରାକୃତିକ ବିପର୍ଯ୍ୟୟ ବଢ଼ୁଛି। ଆଗକୁ ଏହା ଭୟଙ୍କର ରୂପ ନେଇପାରେ ବୋଲି ରିସର୍ଚ୍ଚରମାନେ ଆଶଙ୍କା କରିଛନ୍ତି।
ଅନ୍ୟପକ୍ଷରେ ପର୍ବତାଞ୍ଚଳ ଏବଂ ନଦୀ ଉପକୂଳ ଅଞ୍ଚଳରେ ବସବାସ କରୁଥିବା ପ୍ରାୟ ୨ ଶହ କୋଟି ଲୋକଙ୍କ ପାଇଁ ହିମାଳୟ ଗ୍ଲେସିୟର ଏକ ଗୁରୁତ୍ୱପୂର୍ଣ୍ଣ ଜଳ ଉତ୍ସ। ଏହା ଦୁନିଆର ୧୦ରୁ ଅଧିକ ରିଭର ସିଷ୍ଟମ ବା ନଦୀ ପ୍ରଣାଳୀକୁ ଜଳ ଯୋଗାଇବା ସହ ଶହ ଶହ କୋଟି ଲୋକଙ୍କ ପାଇଁ ଖାଦ୍ୟ ଏବଂ ଶକ୍ତିର ଉତ୍ସ ମଧ୍ୟ। ଏତେ ଦ୍ରୁତବେଗରେ ଏଠାରେ ଥିବା ଗ୍ଲେସିୟର ତରଳିବା ଜାରି ରହିଲେ ଏଭରେଷ୍ଟ ଶିଖର ବରଫ ଶୂନ୍ୟ ହୋଇଯାଇପାରେ। ଏହାର ପ୍ରଭାବ ସିଧାସଳଖ ୨୦୦ କୋଟି ଲୋକଙ୍କ ଉପରେ ପଡ଼ିବ। ଜଳ ଅଭାବରୁ ସେମାନେ ଭୟଙ୍କର ମରୁଡ଼ିର ଶିକାର ହେବେ ବୋଲି ବୈଜ୍ଞାନିକମାନେ ଆଶଙ୍କା ପ୍ରକାଶ କରିଛନ୍ତି। ଜାତିସଂଘ ଜଳବାୟୁ ବୈଜ୍ଞାନିକଙ୍କ ମତରେ ସମ୍ପ୍ରତି ଜୀବଜଗତ ଗ୍ଲେସିୟର ତରଳିବାଜନିତ ପ୍ରାକୃତିକ ବିପର୍ଯ୍ୟୟର ସାମ୍‌ନା କରୁଛି। ଏବେ ମାଉଣ୍ଟ ଏଭରେଷ୍ଟ ଗ୍ଲେସିୟର ଉପରେ ଅଧିକ ଗବେଷଣା କରିବାର ଆବଶ୍ୟକତା ରହିଛି। ଏହାଦ୍ୱାରା ଆଗାମୀ ଦିନରେ ଏଥିଜନିତ ପ୍ରାକୃତିକ ବିପର୍ଯ୍ୟୟର ମୁକାବିଲା କରିବା ପାଇଁ ପ୍ରସ୍ତୁତି କରିହେବ ବୋଲି ବୈଜ୍ଞାନିକମାନେ ମତ ରଖିଛନ୍ତି।


Enter your email to get our daily news in your inbox.

All Right Reserved By Dharitri.Com

ମୋଦି-ବିଲ୍‌ ଗେଟ୍ସ ଆଲୋଚନା: ସବୁ ଗାଁରେ ପହଞ୍ଚିବ ଡିଜିଟାଲ୍‌ ସେବା

ନୂଆଦିଲ୍ଲୀ,୨୯ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସଙ୍କ ମଧ୍ୟରେ ଏକ ବଡ଼ ଆଲୋଚନା ହୋଇଛି। ପ୍ରଧାନମନ୍ତ୍ରୀ ବିଲ୍‌ ଗେଟ୍ସଙ୍କୁ କହିଛନ୍ତି,...

ବ୍ରିଜ୍‌ ଉପରୁ ତଳକୁ ଖସିଲା ବସ୍‌: ଚାଲିଗଲା ୪୫ ଜୀବନ

କେପଟାଉନ୍‌,୨୯।୩: ଦକ୍ଷିଣ ଆଫ୍ରିକାର ଏକ ବସ ବ୍ରିଜ୍‌ ଉପରୁ ତଳକୁ ଖସିପଡିଛି। ଅତି କମରେ ୪୫ ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଆଠ ବର୍ଷର...

ଏହି କଥା ନେଇ ଭାବପ୍ରବଣ ହୋଇଗଲେ ବ୍ରିଟେନ ପ୍ରଧାନମନ୍ତ୍ରୀ: କହିଲେ, ମୋ ୨ ଝିଅ…

ଲଣ୍ଡନ,୨୯।୩: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଭାବପ୍ରବଣ ହୋଇପଡିଛନ୍ତି। ସୁନକ କହିଛନ୍ତି ଯେ, ମୋର ଦୁଇ ଝିଅ ଅଛନ୍ତି, କୃଷ୍ଣା (୧୨) ଏବଂ ଅନୁଷ୍କା (୧୧)...

ସମ୍ପୂର୍ଣ୍ଣ ସେନା ପ୍ରତ୍ୟାହାର ଲାଗି ଭାରତ-ଚାଇନା ମଧ୍ୟରେ ଜୋର୍‌ଦାର ଆଲୋଚନା

ନୂଆଦିଲ୍ଲୀ,୨୮।୩: ପୂର୍ବ ଲଦାଖରେ ଦୀର୍ଘଦିନର ସୀମା ବିବାଦ ପରେ ଭାରତ ଏବଂ ଚାଇନାର ଶୀର୍ଷ କୂଟନୀତିଜ୍ଞମାନଙ୍କ ମଧ୍ୟରେ ସାନି ଆଲୋଚନା ଆରମ୍ଭ ହୋଇଛି। ପ୍ରକୃତ ନିୟନ୍ତ୍ରଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

ରାଜକୁମାରୀଙ୍କୁ କ୍ୟାନସର, ତଥାପି ତୁଟୁନି ରାଜ ପରିବାର କଳି

ଲଣ୍ଡନ,୨୮।୩: ବ୍ରିଟିଶ ରାଜ ପରିବାରର ଦୁଇ ଭାଇଙ୍କ ମଧ୍ୟରେ ମତଭେଦ ବଢିବାରେ ଲାଗିଛି। ରାଜକୁମାରୀ କେଟ ମିଡଲେଟନ କ୍ୟାନସର ରୋଗ ସହ ସଂଗ୍ରାମ କରୁଛନ୍ତି। ଏହି...

୭୦ ହଜାର ସରକାରୀ କର୍ମଚାରୀଙ୍କୁ ଛଟେଇ କରିବେ ସରକାର

ନୂଆଦିଲ୍ଲୀ,୨୭।୩: ଦେଶର ଅର୍ଥନୀତିକୁ ସୁଧାରିବା ପାଇଁ ଆଗାମୀ ସମୟରେ ୭୦ ହଜାର କର୍ମଚାରୀଙ୍କୁ ଛଟେଇ କରିବେ ସରକାର। ମାର୍ଚ୍ଚ ୨୬ ରେ ଏକ କାର୍ୟ୍ୟକ୍ରମରେ ସମ୍ବୋଧନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri