୧୩ ଦିନରେ ସହରରୁ ୨୪ ଡେଙ୍ଗୁ ସଂକ୍ରମିତ ଚିହ୍ନଟ

ଭୁବନେଶ୍ୱର,୧୪।୬ (ବନ୍ଦନା ସେଠୀ): ବର୍ଷାଋତୁ ଆରମ୍ଭ ନ ହେଉଣୁ ରାଜ୍ୟରେ ଡେଙ୍ଗୁ ସଂକ୍ରମଣ ବୃଦ୍ଧି ପାଇଛି। ରାଜ୍ୟରେ ଡେଙ୍ଗୁ ସଂକ୍ରମଣରେ ଖୋର୍ଦ୍ଧା ଜିଲା ସର୍ବଦା ଆଗରେ ରହୁଥିବାବେଳେ ଭୁବନେଶ୍ୱର ହଟ୍‌ସ୍ପଟ୍‌ ପାଲଟୁଛି। ଗତ ୨/୩ବର୍ଷ ଧରି ଏହି ଧାରା ବଜାୟ ରହିଛି। ସ୍ମାର୍ଟସିଟି ହୋଇ ମଧ୍ୟ ରାଜଧାନୀ ଭୁବନେଶ୍ୱରରେ ଡେଙ୍ଗୁ ରୋଗୀଙ୍କ ସଂଖ୍ୟା ସର୍ବାଧିକ ରହୁଥିବେଳେ, ପ୍ରତ୍ୟେକ ବର୍ଷ ବିଏମ୍‌ସି ଡେଙ୍ଗୁ ନିୟନ୍ତ୍ରଣ କରିବାରେ ବିଫଳ ହେଉଛି। ଚଳିତ ଥର ମଧ୍ୟ ସମାନ ସ୍ଥିତି ଉପୁଜିବା ଆଶଙ୍କା ଦେଖାଦେଇଛି। ଜୁନ୍‌ ଆରମ୍ଭରୁ ୧୩ ତାରିଖ ସୁଦ୍ଧା ସହରରୁ ମୋଟ୍‌ ୨୪ଜଣ ଡେଙ୍ଗୁ ସଂକ୍ରମିତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ବୁଦ୍ଧ ବିହାର ଏବଂ ପଟିଆ ଅଞ୍ଚଳରୁ ସର୍ବାଧିକ ୪ଜଣ ଲେଖାଏ ସଂକ୍ରମିତ ରହିଥିବା ବିଏମ୍‌ସି କମିଶନର ରାଜେଶ ପ୍ରଭାକର ପାଟିଲ ସୂଚନା ଦେଇଛନ୍ତି। ମାତ୍ର ୧୩ ଦିନରେ ସହରରୁ ଏତେ ମାତ୍ରାରେ ସଂକ୍ରମିତ ଚିହ୍ନଟ ହେବା ପରେ ଏହାକୁ କିପରି ମୁକାବିଲା କରିବ ସେ ନେଇ ବିଏମ୍‌ସିର ମୁଣ୍ଡବିନ୍ଧା ଆରମ୍ଭ ହୋଇଛି। ତେବେ ଏହି ସଂଖ୍ୟା କେବଳ ସରକାରୀ ଡାକ୍ତରଖାନାରେ ଡେଙ୍ଗୁ ଟେଷ୍ଟର ତଥ୍ୟ ହୋଇଥିବାବେଳେ ବେସରକାରୀ ସ୍ତରରେ ସଂକ୍ରମିତଙ୍କ ସଂଖ୍ୟା ଆହୁରି ଅଧିକ ରହିଥିବା ଜଣାଯାଇଛି। ଅପରପକ୍ଷେ ଏଥର ମଧ୍ୟ ବର୍ଷାଦିନ ପୂର୍ବରୁ ନାଳ, ରାସ୍ତାକଡ଼, ସ୍ଥିର ଜଳଉତ୍ସ ଓ ଅନ୍ୟ ଅଞ୍ଚଳରେ ସଫେଇ କାର୍ଯ୍ୟ ଶେଷ ହୋଇ ନ ଥିବାରୁ ଜୁନ୍‌ ମାସ ଶେଷ ନ ହେଉଣୁ ମଶାଙ୍କ ଉପଦ୍ରବ ଆରମ୍ଭ ହୋଇଯାଇଛି। ବିଏମ୍‌ସିର ଖାମଖିଆଲ ନୀତି ପାଇଁ ପ୍ରତିବର୍ଷ ସହରରେ ଡେଙ୍ଗୁ ସଂକ୍ରମଣ ରେକର୍ଡ ଛୁଇଁବାରେ ଲାଗିଛି। ଗତବର୍ଷ ସହରରୁ ପ୍ରାୟ ୫ହଜାର ଡେଙ୍ଗୁ ରୋଗୀ ଚିହ୍ନଟ ହୋଇଥିବାବେଳେ ଏଥିରେ ୫ଜଣ ମୃତ୍ୟୁବରଣ କରିଥିଲେ। ଏନେଇ ବିଏମ୍‌ସିର ସ୍ବାସ୍ଥ୍ୟ ଅଧିକାରୀ ଡା. ଦୀପକ ବିଶୋଇ କହିଛନ୍ତି, ଏଲିସା ପଦ୍ଧତି ହିଁ ଡେଙ୍ଗୁ ରୋଗୀଙ୍କୁ ଚିହ୍ନଟ କରିବାର ଠିକ୍‌ ମାଧ୍ୟମ। କ୍ୟାପିଟାଲ ହସ୍ପିଟାଲ, ଆର୍‌ଏମ୍‌ଆର୍‌ସି, ପଟିଆ ଏବଂ ଆଇଆର୍‌ସି ଭିଲେଜ୍‌ ହସ୍ପିଟାଲରେ ହେଉଥିବା ଟେଷ୍ଟିଂକୁ ହିସାବରେ ନିଆଯାଉଛି। ଘରୋଇ ହସ୍ପିଟାଲରେ ହେଉଥିବା ଟେଷ୍ଟରେ ଅନେକ ସମୟରେ ରିପୋର୍ଟ ଠିକ୍‌ ଆସେ ନାହିଁ। ତେଣୁ ସେଗୁଡିକୁ ହିସାବକୁ ନିଆଯାଏ ନାହିଁ। ଏବେସୁଦ୍ଧା ସହରରେ ସ୍ଥିତି ଭଲ ରହିଛି। ବୁଦ୍ଧବିହାର ଏବଂ ପଟିଆ ଅଞ୍ଚଳରେ ଏକାଧିକ ସଂକ୍ରମିତ ଚିହ୍ନଟ ହୋଇଛନ୍ତି। କେହି ହସ୍ପିଟାଲରେ ଚିକିତ୍ସିତ ହେଉନାହାନ୍ତି। ସଂକ୍ରମିତ ଚିହ୍ନଟ ହେଉଥିବା ସ୍ଥାନକୁ ଟିମ୍‌ ଯାଇ ଲୋକଙ୍କୁ ସଚେତନ କରୁଛନ୍ତି। ଏହାବାଦ୍‌ ବିଏମସି ପକ୍ଷରୁ ନିୟମିତ କାର୍ଯ୍ୟ କରାଯାଉଛି। ୧୮ ତାରିଖ ଠାରୁ ଗଠନ ହୋଇଥିବା ସ୍ବତନ୍ତ୍ର ଟିମ୍‌ ଘରକୁ ଘର ବୁଲି ସର୍ଭେ କରିବେ। ଏବେ ପ୍ରବଳ ଗରମ ହେଉଥିବାରୁ ମଶାଧୂଆଁ ଦେବା ସମ୍ଭବ ନୁହେଁ। ତେବେ ମଶା ଲାର୍ଭା ନଷ୍ଟ କରିବା ପାଇଁ ସତ୍ୟନଗର ଓ ଶହୀଦନଗର ନାଳରେ ଗମ୍ବୁସିଆ ମାଛ ଛଡ଼ାଯାଇଥିବା ଡା. ବିଶୋୟୀ କହିଛନ୍ତି।

ଫେଲ୍‌ ମାରୁଛି ରଣନୀତି

ସହରରେ ଡେଙ୍ଗୁ ସଂକ୍ରମଣ କମାଇବା ପାଇଁ ବିଏମ୍‌ସି ବିଭିନ୍ନ ସମୟରେ ଭିନ୍ନଭିନ୍ନ ରଣନୀତି ଆପଣାଉଛି। କେତେବେଳେ ଡ୍ରାଏ ପାଳନ ତ ଆଉ କେତେବେଳେ ଗଣ ସଫେଇ କାର୍ଯ୍ୟକ୍ରମ ହାତକୁ ନେଉଛି। ସେହିପରି ଘରକୁ ଘର ବୁଲି ସର୍ଭେ କରିବା, ଫଗିଂ କରିବା, ନାଳରେ ଗମ୍ବୁସିଆ ମାଛ ଛାଡିବା ଭଳି ବିଭିନ୍ନ ପଦକ୍ଷେପ ନେଉଛି। ମାତ୍ର ଏତେ ପରେ ବି ସବୁ ଚେଷ୍ଟା ଫେଲ୍‌ ମାରୁଛି। କାରଣ ଡେଙ୍ଗୁ ମଶା ସାଧାରଣତଃ ସ୍ଥିର ଜଳରେ ଅଣ୍ଡା ଦେଉଛନ୍ତି, ଯାହା ଉପରେ ବିଏମ୍‌ସି ଦୃଷ୍ଟି ଦେଉନାହିଁ। ସେହିପରି ଗମ୍ବୁସିଆ ଏବଂ ଗପି ମାଛକୁ ବୋହିଯାଉଥିବା ଜଳ ଉତ୍ସ ବା ନାଳରେ ପକାଯାଉଛି। ଫଳରେ ଏହି ମାଛମାନେ ମଶାଙ୍କ ଲାର୍ଭା ଖାଇବାରେ ସଫଳ ହେଉଛନ୍ତି। ମାତ୍ର ଡେଙ୍ଗୁ ବାହାକ ମଶାଙ୍କ କ୍ଷେତ୍ରରେ ତାହା ଲାଭଦାୟକ ହେଉନାହିଁ। ସେହିପରି ନାଳ ନର୍ଦ୍ଦମାରେ କରାଯାଉଥିବା ଫଗିଂ ମଧ୍ୟ କାମ କରୁନାହିଁ। ଅପରପକ୍ଷେ ଡେଙ୍ଗୁ ମଶା ସାଧାରଣତଃ ଦିନବେଳା କାମୁଡୁଥିବାବେଳେ ବିଏମ୍‌ସି ସନ୍ଧ୍ୟାରେ ମଶାଧୂଆଁ ଛାଡ଼ିଥାଏ। ତେଣୁ ଡେଙ୍ଗୁ ସଂକ୍ରମଣକୁ ରୋକିବା ଦିଗରେ ବିଏମ୍‌ସି ସଫଳ ହେଉନାହିଁ।


Enter your email to get our daily news in your inbox.

All Right Reserved By Dharitri.Com

କୋରାପୁଟରେ ପ୍ରବଳ ବର୍ଷା: ଦୁଇ ଦିନରେ ଭାଙ୍ଗିଲା ୨୯ ଘର

କୋରାପୁଟ,୨୧।୭(ଅମିତାଭ ବେହେରା ): ଲଘୁଚାପ ଯୋଗୁ କୋରାପୁଟ ଜିଲାରେ ପ୍ରବଳ ବର୍ଷା ଜାରି ରହିଥିବା ବେଳେ ବହୁ ଗଛ ଓ ଘର ଭାଙ୍ଗି ବ୍ୟାପକ କ୍ଷୟକ୍ଷତି...

ମାଓବାଦୀ ଶିବିର ଧ୍ୱଂସ, ବିପୁଳ ସାମଗ୍ରୀ ଜବତ

ମାଲକାନଗିରି,୨୧ା୭(ଦୁର୍ଯ୍ୟୋଧନ ପାତ୍ର): ଛତିଶଗଡ଼ କୋଣ୍ଡାଗାଓଁ ଅଞ୍ଚଳରେ ରବିବାର ଯବାନମାନେ ମାଓବାଦୀ ଶିବିର ଧ୍ୱଂସ କରିବା ସହ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛନ୍ତି। ଛତିଶଗଡ଼...

ଏଣିକି ଯାଞ୍ଚ ହେବ ସ୍କୁଲ ବସ୍‌, ଖିଲାପ ଥିଲେ କଡ଼ା କାର୍ଯ୍ୟାନୁଷ୍ଠାନ

ଭୁବନେଶ୍ୱର,୨୧ା୭: ଏଣିକି ସ୍କୁଲ ବସ୍‌ରେ ନିୟମିତ ଯାଞ୍ଚ ହେବ। ସ୍କୁଲ ବସ୍‌ରେ ଅଗ୍ନି ନିରାପତ୍ତା ନିୟମ ପାଳନକୁ ସୁନିଶ୍ଚିତ କରିବା ଦିଗରେ ରାଜ୍ୟ ପରିବହନ ପ୍ରାଧିକରଣ...

୩ ଜଣଙ୍କୁ ଚାପିଦେଲା ଟ୍ରକ

ଟେନସା,୨୧।୭(ସମୀର କୁମାର ପାଢ଼ୀ): ସୁନ୍ଦରଗଡ଼ ଜିଲା ୫୨୦ ନମ୍ବର ଜାତୀୟ ରାଜପଥ କାଲଟା ଫାଣ୍ଡି ବେଞ୍ଜାଢ଼ି ବ୍ରିଜ୍‌ରେ ରବିବାର ସନ୍ଧ୍ୟାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି।...

ଡ୍ୟାମକୁ ମାଛ ଧରିବାକୁ ଯାଇଥିଲେ: ଚାଲିଗଲା ୨ ଯୁବକଙ୍କ ଜୀବନ

ସୁନ୍ଦରଗଡ଼,୨୧।୭: ସୁନ୍ଦରଗଡ଼ ଜିଲା ବୀରମିତ୍ରପୁର ମନ୍ଦିରା ଡ୍ୟାମରେ ରବିବାର ଏକ ଅଘଟଣ ଘଟିଛି। ମାଛ ଧରିବାକୁ ଯାଇ ପାଣିରେ ବୁଡ଼ି ୨ଜଣ ଯୁବକଙ୍କ ମୃତ୍ୟୁ ଘଟିଛି।...

ସାଙ୍ଗମାନଙ୍କ ସହ ପାହାଡ଼ ଉପରକୁ ବୁଲିବା ପାଇଁ ଯାଇଥିଲେ ଯୁବକ, ଖସିପଡ଼ି ଚାଲିଗଲା ଜୀବନ

ରାଇକିଆ,୨୧ା୭(ପ୍ରଦୀପ ବେହେରା): କନ୍ଧମାଳ ଜିଲା ରାଇକିଆ ଥାନା ମଣ୍ଡାସରଠାରୁ ୫ କିମି ଦୂର ମଣ୍ଡକୁଟି ପାହାଡ଼ ଉପରୁ ଖସିପଡ଼ି ଯୁବକଙ୍କ ଜୀବନ ଯାଇଛି। ମୃତ ଯୁବକ...

ଆସନ୍ତାକାଲି ବନ୍ଦ ରହିବ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି

ଭୁବନେଶ୍ୱର,୨୧ା୭: ମୁଖ୍ୟମନ୍ତ୍ରୀ ମୋହନ ଚରଣ ମାଝି ପ୍ରତି ସୋମବାରରେ ଜନସାଧାରଣଙ୍କ ଅଭିଯୋଗ ଶୁଣୁଥିଲେ। ତେବେ ଆସନ୍ତାକାଲି ଏହି ଜନଶୁଣାଣି ବନ୍ଦ ରହିବ ବୋଲି ଆଜି  ସାଧାରଣ...

ପାରାଦୀପ-କୁଜଙ୍ଗ ଅଞ୍ଚଳରେ ବ୍ୟାପୁଛି ଡାଇରିଆ

ପାରାଦୀପ,୨୧।୭: ଜଗତସିଂହପୁର ଜିଲା ପାରାଦୀପ-କୁଜଙ୍ଗ ଅଞ୍ଚଳରେ ଡାଇରିଆ ଆତଙ୍କ ଦେଖାଦେଇଛି। ଅଞ୍ଚଳରେ ଦିନକୁ ଦିନ ଝାଡ଼ାବାନ୍ତି ବ୍ୟାପିବାରେ ଲାଗିଛି। ପାରାଦୀପଗଡ଼ ଗାଁରେ ଝାଡ଼ାବାନ୍ତିରେ ଗୋଟିଏ ପରିବାରର...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri