ଇସଲାମାବାଦ,୧୧ ।୪: ପାକିସ୍ତାନରେ ଇମ୍ରାନ ଖାଁଙ୍କ ସରକାର ଭାଙ୍ଗିବା ପରେ ଏବେ ନୂଆ ପ୍ରଧାନମନ୍ତ୍ରୀ ନିର୍ବାଚନକୁ ନେଇ ପ୍ରକ୍ରିୟା ଆରମ୍ଭ ହୋଇ ସାରିଛି । ପାକିସ୍ତାନୀ ସଂସଦରେ ନୂଆ ପ୍ରଧାନମନ୍ତ୍ରୀ ନର୍ବାଚନ ପ୍ରକ୍ରିୟା ଚାଲିଥିବା ବେଳେ ଠିକ୍ ଏହା ପୂର୍ବରୁ ଇମ୍ରାନ ଖାଁ ଓ ତାଙ୍କ ସାଥି ସଦସ୍ୟ ସଂସଦରୁ ବାହାରକୁ ଚାଲି ଆସିଛନ୍ତି । ଅର୍ଥାତ୍ ଇମ୍ରାନ୍ ନୂଆ ପ୍ରଧାନମନ୍ତ୍ରୀ ନିର୍ବାଚନରେ ଭାଗ ନେବେ ନାହିଁ ବୋଲି ଜଣାପଡିଛି । କେବଳ ସେ ନୁହେଁ ତାଙ୍କ ଦଳର କୌଣସି ସଦସ୍ୟ ଏଥିରେ ଭାଗ ନେବେ ନାହିଁ ବୋଲି କୁହାଯାଉଛି ।
ସୂଚନାଯୋଗ୍ୟ, ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁ ସୋମବାର ସଂସଦ ତ ପହଞ୍ଚିଲେ, ହେଲେ ମାତ୍ର କିଛି ସମୟ ମଧ୍ୟରେ ସେ ସେଠାରୁ ବାହାରକୁ ଚାଲି ଆସିଲେ । ଏହାପରେ ତାଙ୍କର ବାକି ସମର୍ଥକ ସଦସ୍ୟ ମଧ୍ୟ ସଂସଦ ବାହାରକୁ ଚାଲିଆସିଲେ । ବାହାରକୁ ଆସି ଏମାନେ କହିଲେ ଯେ ନୂଆ ପ୍ରଧାନମନ୍ତ୍ରୀ ନିର୍ବାଚନ ପ୍ରକ୍ରିୟାକୁ ଆମେ ବହିଷ୍କାର କରୁଛୁ । ଏହାବ୍ୟତୀତ ବାକି ସମସ୍ତ ବିରୋଧୀ ସଦସ୍ୟ ସଂସଦରେ ଉପସ୍ଥିତ ରହିଥିଲେ । ସୂଚନାଯୋଗ୍ୟ, ଇମ୍ରାନଙ୍କ ଦଳ ପିଟିଆଇର କେତେଜଣ ସଦସ୍ୟ ଇସ୍ତଫା ଦେଇଥିବା ବେଳେ ବାକି ସଦସ୍ୟ ବି ଇସ୍ତଫା ଦେଉଛନ୍ତି, ନିଜେ ଇମ୍ରାନ ଏହି ସୂଚନା ଦେଇଛନ୍ତି ।
