ସଂସ୍କୃତି ବିଭାଗକୁ ଅଣଦେଖା

ଢେଙ୍କାନାଳ ଅଫିସ,୧୩ା୪ ଐତିହ୍ୟ, କଳା, ସ୍ଥାପତ୍ୟ, ସଂସ୍କୃତି ପାଇଁ ଢେଙ୍କାନାଳ ଜିଲା ରାଜ୍ୟ ଓ ଜାତୀୟସ୍ତରରେ ବେଶ୍‌ ପରିଚିତ। କିନ୍ତୁ ଗତ ୬ବର୍ଷ ହେଲା ଜିଲା ସଂସ୍କୃତି ବିଭାଗକୁ ଅଣଦେଖା କରି ରଖାଯାଇଛି। ଫଳରେ ଜିଲା ସଂସ୍କୃତି ପରିଷଦ ଗଠନ ହୋଇପାରୁ ନ ଥିବାରୁ ଢେଙ୍କାନାଳ ମହୋତ୍ସବ ଭଳି ସାଂସ୍କୃତିକ ଉତ୍ସବର ଆୟୋଜନ ହୋଇପାରୁନାହିଁ। ଦେଢବର୍ଷ ହେବ କରୋନା ସଂକ୍ରମଣ ଏ କ୍ଷେତ୍ରରେ ଆଉ ଏକ ପ୍ରତିବନ୍ଧକ ସାଜିଛି।
ସଂସ୍କୃତି ପରିଷଦ ଗଠନ ନ ହେବାରୁ ଜିଲାର ସାଂସ୍କୃତିକ ବିକାଶ ପାଇଁ କେଉଁ ସୂତ୍ରରୁ କେତେ ଅର୍ଥ ଅନୁଦାନ ମିଳିଲା ଏବଂ ତାହା କିପରି ଭାବରେ ବ୍ୟୟ ହେଲା ତାହା ସାଧାରଣ ନାଗରିକଙ୍କ ପକ୍ଷେ ଜାଣିବା ମଧ୍ୟ ସମ୍ଭବପର ହେଉନାହିଁ। ସେହିପରି ପରିଷଦର କୌଣସି ବୈଠକ ଅନୁଷ୍ଠିତ ହେଉନାହିଁ। ଏହାକୁ ନେଇ ଢେଙ୍କାନାଳ ଜିଲାର ବିଭିନ୍ନ ସାହିତ୍ୟ ଓ ସାଂସ୍କୃତିକ ସଙ୍ଗଠନ ପକ୍ଷରୁ ତୀବ୍ର ଅସନ୍ତୋଷ ପ୍ରକାଶ ପାଉଛି। ଜିଲାର ବିଭିନ୍ନ ସାଂସ୍କୃତିକ ଅନୁଷ୍ଠାନ କର୍ମକର୍ତ୍ତାମାନେ ତୁରନ୍ତ ସଂସ୍କୃତି ପରିଷଦ ଗଠନ ପାଇଁ ସୋମବାର ଜିଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ପ୍ରତ୍ୟେକ ଜିଲାରେ ଜିଲା ସଂସ୍କୃତି ବିଭାଗ ଆନୁକୂଲ୍ୟରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ ଜିଲା ସଂସ୍କୃତି ପରିଷଦ ରହିଛି। ଜିଲା ସଂସ୍କୃତି ପରିଷଦର କାର୍ଯ୍ୟକାଳ ୩ବର୍ଷ। ପ୍ରତି ୩ ମାସରେ ଥରେ ପରିଷଦ ବୈଠକ ବସିବା କଥା। କିନ୍ତୁ ୨୦୧୬ ମସିହାରୁ ଗୋଟିଏ ବି ବୈଠକ ବସିନାହିଁଁ। ଜିଲାପାଳ ସଂସ୍କୃତି ପରିଷଦ ଅଧ୍ୟକ୍ଷ ଥିବାବେଳେ ଅତିରିକ୍ତ ଜିଲାପାଳ ଏହାର ଉପାଧ୍ୟକ୍ଷ। କିନ୍ତୁ ଢେଙ୍କାନାଳ ଭଳି ସଂସ୍କୃତି ସମ୍ପନ୍ନ ଜିଲାରେ ଏଥିରେ ବ୍ୟତିକ୍ରମ କେଉଁ ସ୍ବାର୍ଥରେ ବୋଲି ସାଧାରଣରେ ଆଲୋଚନାର ବିଷୟ ହୋଇଛି। ଢେଙ୍କାନାଳ ମହୋତ୍ସବ କୋରାପୁଟ ଜିଲାର ପରବ, ନବରଙ୍ଗପୁର ଜିଲାର ମଣ୍ଡେଇ ମହୋତ୍ସବ ଭଳି ବହୁ ପୁରୁଣା। ଢେଙ୍କାନାଳ ମହୋତ୍ସବରେ ରାଜ୍ୟର ବିଭିନ୍ନ ସଂସ୍କୃତି ସମ୍ପନ୍ନ ଜିଲାର କଳାକାରମାନେ ଲୋକନୃତ୍ୟ ପରିବେଷଣ କରିଥାନ୍ତି। କୋରାପୁଟ, କଳାହାଣ୍ଡି, ମାଲକାନଗିରି, ନବରଙ୍ଗପୁର, ବରଗଡ, ସମ୍ବଲପୁର, ପୁରୀ ସମେତ ଢେଙ୍କାନାଳ ଜିଲାର ପ୍ରସିଦ୍ଧ ଲୋକନୃତ୍ୟ ପରିବେଷଣ ଦର୍ଶକମାନଙ୍କୁ ବେଶ୍‌ ଆକର୍ଷିତ କରିଥାଏ। କିନ୍ତୁ ସଂସ୍କୃତି ପରିଷଦ ଗଠନ ନ ହେବା ଯୋଗୁ ଢେଙ୍କାନାଳ ମହୋତ୍ସବ ହୋଇପାରୁ ନାହିଁ। ଜଣେ ଅଧିକାରୀ ଓ ଦୁଇଜଣ କର୍ମଚାରୀଙ୍କୁ ନେଇ ସଂସ୍କୃତି ବିଭାଗ ଚାଲିଥିବାରୁ କୌଣସି ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ହୋଇପାରୁ ନାହିଁ। ତେଣୁ ଜିଲା ସଂସ୍କୃତି ପରିଷଦ ତୁରନ୍ତ ଗଠନ ପାଇଁ ବିଭିନ୍ନ ସାଂସ୍କୃତିକ ସଙ୍ଗଠନ ପକ୍ଷରୁ ଜିଲାପାଳଙ୍କ ନିକଟରେ ଦାବି କରାଯାଇଛି। ଏ ସଂକ୍ରାନ୍ତରେ ଜିଲାପାଳ ଭୂମେଶ ଚନ୍ଦ୍ର ବେହେରା କୁହନ୍ତି, କରୋନା ସ୍ଥିତି ସୁଧୁରିବା ପରେ ଜିଲା ସଂସ୍କୃତି ପରିଷଦର ପୁନର୍ଗଠନ ପାଇଁ ପଦକ୍ଷେପ ନିଆଯିବ।

ଅନିୟମିତତା ସହ ସମାନ
୬ବର୍ଷ ହେଲା ସଂସ୍କୃତି ପରିଷଦ ନ ଥାଇ ସଂସ୍କୃତି ବିଭାଗରେ ଅନୁଦାନ କିଭଳି ଖର୍ଚ୍ଚ ହେଉଛି, ତାହା ଜଣାପଡୁନି। ଏହା ଅନିୟମିତତା ସହିତ ସମାନ। ଢେଙ୍କାନାଳ ମହୋତ୍ସବ ଭଳି ରାଜ୍ୟର ଏକ ପ୍ରସିଦ୍ଧ ସାଂସ୍କୃତିକ ମହୋତ୍ସବ ବନ୍ଦ ରହିଛି। ଜିଲାର ଲୋକ ପ୍ରତିନିଧି ଓ ଜିଲାପାଳ ଦୃଷ୍ଟି ନ ଦେବା ଦୁର୍ଭାଗ୍ୟଜନକ।
-କୃଷ୍ଣ କୁମାର ମିଶ୍ର, ସଭାପତି, ନଟରାଜ ସଙ୍ଗୀତ ମହାବିଦ୍ୟାଳୟ

ପୂର୍ବ ଗୌରବ ବଜାୟ ରଖାଯାଉ
କରୋନା କଟକଣା ପାଇଁ ନୁହେଁ, ସଂସ୍କୃତି ପରିଷଦ ଗଠନ ନ ହେବା ଯୋଗୁ ଦୀର୍ଘବର୍ଷ ହେଲା ଜିଲାରେ ସାଂସ୍କୃତିକ କାର୍ଯ୍ୟକ୍ରମ ହୋଇପାରୁନାହିଁ। ସଂସ୍କୃତି ପରିଷଦ ଜିଲାରେ ସାଂସ୍କୃତିକ କାର୍ଯ୍ୟକ୍ରମ କରିବା କଥା। ତେଣୁ ଏହାକୁ ପୁନର୍ଗଠନ କରି ଢେଙ୍କାନାଳର ପୂର୍ବ ଗୌରବକୁ ବଜାୟ ରଖାଯାଉ।
-ଶତ୍ରୁଘ୍ନ ମାଟି, ସଦସ୍ୟ, କଳା ପରିଷଦ
ପ୍ରତିଭାଙ୍କୁ ସମ୍ମାନ ଦିଆଯାଇପାରୁନି
ଢେଙ୍କାନାଳ ମହୋତ୍ସବର ଗରିମା ରହିଛି। ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ପ୍ରତିଭାମାନଙ୍କୁ ଏଥିରେ ରାଜ୍ୟସ୍ତରୀୟ କପିଳାସ ସମ୍ମାନ ପ୍ରଦାନ କରାଯାଇଥାଏ। କିନ୍ତୁ ୬ବର୍ଷ ହେବ ଢେଙ୍କାନାଳ ଜିଲା ସଂସ୍କୃତି ପରିଷଦକୁ ଅଣଦେଖା କରାଯାଉଛି। ଏହାର କାରଣ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
-ପରେଶ ଚନ୍ଦ୍ର ପଟ୍ଟନାୟକ, ସମ୍ପାଦକ, ଶିଳ୍ପୀ, କବିଭୂଷଣ ସ୍ମୃତି ସଂସଦ
ସାଂସ୍କୃତିକ କାର୍ଯ୍ୟକ୍ରମ ହୋଇପାରୁନି
ଜିଲା ସଂସ୍କୃତି ପରିଷଦ ଗଠନ ନ ହେବା ଦୁଃଖର ବିଷୟ। ଏହାଦ୍ୱାରା ସାହିତ୍ୟ ଓ ସାଂସ୍କୃତିକ କାର୍ଯ୍ୟକ୍ରମ କରାଯାଇପାରୁ ନାହିଁ। ତୁରନ୍ତ ଏ ନେଇ କିପରି ପଦକ୍ଷେପ ନିଆଯାଇପାରିବ ସେ ଦିଗରେ ଜିଲାପାଳ ପଦକ୍ଷେପ ନେଲେ ଢେଙ୍କାନାଳ ଜିଲାବାସୀ ଉପକୃତ ହୋଇପାରିବେ।
-କବି ମନୋରଞ୍ଜନ ନନ୍ଦ, ପୂର୍ବତନ ଜିଲା ସାହିତ୍ୟ ଏକାଡେମୀ ସଦସ୍ୟ


Enter your email to get our daily news in your inbox.

All Right Reserved By Dharitri.Com

ବେଆଇନ ଗଞ୍ଜେଇ ଚାଷ ବନ୍ଦ କର: ମୁଖ୍ୟ ଶାସନ ସଚିବ

ଭୁବନେଶ୍ୱର,୭।୧୦(ବ୍ୟୁରୋ): ରାଜ୍ୟରେ ବେଆଇନ ଗଞ୍ଜେଇ ଚାଷ ବନ୍ଦ କରିବା ପାଇଁ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ନିର୍ଦ୍ଦେଶ ଦେଇଛନ୍ତି। ରାଜ୍ୟ ଲୋକସେବା ଭବନରେ...

ଏସଆଇଟିର ମୁଖ୍ୟ ହେଲେ ଅରୁଣ ବୋଥ୍ରା

ଭୁବନେଶ୍ୱର,୨୮।୧୧।(ବ୍ୟୁରୋ)-ନୟାଗଡ ’ପରୀ’ ହତ୍ୟା ମାମଲାର ତଦନ୍ତ ପାଇଁ ଏସଆଇଟି ଟିମ ଗଠନ କରିଛନ୍ତି ରାଜ୍ୟ ସରକାର । ଏସଆଇଟି ମୁଖ୍ୟ ଭାବେ ଆଇଜି ଅରୁଣ ବୋଥ୍ରାଙ୍କୁ...

ବେକରେ ରଶି ଲଗାଇ ଗାଁରେ ବୁଲାଇଲା କଙ୍ଗାରୁ କୋର୍ଟ

ଝାରସୁଗୁଡ଼ା ଅଫିସ,୧୬ା୬: ଦୋଷୀଙ୍କୁ ଦଣ୍ଡ ବିଧାନ ପାଇଁ ଥାନା, କୋର୍ଟ ଆଦିର ବ୍ୟବସ୍ଥା ରହିଛି। କିନ୍ତୁ ଲୋକେ ଏହା ନ କରି ଆଇନ ହାତକୁ ନେଇ...

କାର୍ଯ୍ୟରେ ଅବହେଳା: ନିଲମ୍ବିତ ହେଲେ କାର୍ଯ୍ୟନିର୍ବାହୀ ଅଧିକାରୀ, କନିଷ୍ଠ ଯନ୍ତ୍ରୀ

ପଦ୍ମପୁର,୫।୧୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ମ୍ୟୁନିସପାଲିଟିର କାର୍ଯ୍ୟନିର୍ବାହୀ ଅଧିକାରି ତାପସ ରଞ୍ଜନ ଜେନା ଓ କନିଷ୍ଠ ଯନ୍ତ୍ରୀ ଦେବକାନ୍ତ ନାୟକଙ୍କୁ ଶନିବାର କାର୍ଯ୍ୟରୁ ନିଲମ୍ବିତ କରାଯାଇଛି।...

ସ୍ବାଭାବିକ ହେଉଛି, ଭିଡ଼ ବି ବଢୁଛି

ଭୁବନେଶ୍ୱର,୧୨ା୫(ବ୍ୟୁରୋ): ତୃତୀୟ ପର୍ଯ୍ୟାୟ ଲକ୍‌ଡାଉନ୍‌ ଜାରି ରହିଥିବାବେଳେ ରାଜଧାନୀ ଭୁବନେଶ୍ୱର ଏବେ ବି ରେଡ୍‌ ଜୋନ୍‌ରେ ରହିଛି। ସଂକ୍ରମଣକୁ ଯଥାସମ୍ଭବ ରୋକିବା ପାଇଁ ପୋଲିସ ଓ...

ଆସନ୍ତା ୨୪ ଘଣ୍ଟା ମଧ୍ୟରେ ଝଡ଼ବର୍ଷା ସମ୍ଭାବନା: ୧୨ ଜିଲାକୁ ୟେଲୋ ଓ୍ବାର୍ଣ୍ଣିଂ ଜାରି

ଭୁବନେଶ୍ୱର, ୧୨।୫(ବ୍ୟୁରୋ): ବିହାର ଓ ଛତିଶଗଡ଼ ଉପରେ ଏକ ଘୂର୍ଣ୍ଣିବଳୟ ରହିଛି। ଏହାର ପ୍ରଭାବରେ ଆସନ୍ତା ୨୪ ଘଣ୍ଟା ମଧ୍ୟରେ ସୁନ୍ଦରଗଡ଼, ଖୋର୍ଦ୍ଧା, ମୟୂରଭଞ୍ଜ, କୋରାପୁଟ,...

ମୋ ସରକାର ଯୋଜନାରେ ୩ଜିଲା ଡାକ୍ତରଖାନା ପାଇଁ ମୁଖ୍ୟମନ୍ତ୍ରୀଙ୍କ ଘୋଷଣା

ଭୁବନେଶ୍ୱର,୨୯ା୧୦(ବ୍ୟୁରୋ): ମୋ ସରକାର ପ୍ରତିନିଧି ଦଳ ନିକଟରେ ୫ ଜିଲା ଗସ୍ତ କରି ତୃତୀୟ ରିପୋର୍ଟ ପ୍ରଦାନ କରିଥିଲେ। ସେହି ରିପୋର୍ଟ ଆଧାରରେ ସୋମବାର ମୁଖ୍ୟମନ୍ତ୍ରୀ...

ଗଞ୍ଜାମରେ ପୁଣି କରୋନାର ଆତଙ୍କ

ଛତ୍ରପୁର,୪।୪: ଗଞ୍ଜାମ ଜିଲାରେ ଦୈନିକ କରୋନା ସଂକ୍ରମିତଙ୍କ ସଂଖ୍ୟା ପୁଣି ବୃଦ୍ଧି ପାଇଲାଣି। କିଛି ଦିନର ବ୍ୟବଧାନ ପରେ ଦୈନିକ ସଂକ୍ରମଣ ଦୁଇ ଅଙ୍କ ଛୁଇଁଲାଣି।...

Advertisement
Archives

Model This Week