ଖ୍ରୀଷ୍ଟଚର୍ଚ୍ଚ,୩୦।୩: ନ୍ୟୁଜିଲାଣ୍ଡରେ ଖେଳାଯାଉଥିବା ବିଶ୍ୱକପ ଫାଇନାଲରେ ଅଷ୍ଟ୍ରେଲିଆର ମହିଳା କ୍ରିକେଟ ଦଳ ଫାଇନାଲରେ ପହଞ୍ଚିଛି। ପ୍ରଥମ ସେମିଫାଇନାଲରେ ଅଷ୍ଟ୍ରେଲିଆ ୱେଷ୍ଟଇଣ୍ଡିଜକୁ ୧୫୭ ରନରେ ପରାସ୍ତ କରିଛି। ଏହି ଟୁର୍ନାମେଣ୍ଟରେ ଅଷ୍ଟ୍ରେଲିଆର କ୍ରମାଗତ ଅଷ୍ଟମ ବିଜୟ। ଦଳ ଲିଗ ପର୍ଯ୍ୟାୟର ସମସ୍ତ ୭ଟି ମ୍ୟାଚ ଜିତିଛି। ଏହି ମ୍ୟାଚ୍ରେ ୱେଷ୍ଟଇଣ୍ଡିଜ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ବର୍ଷା ହେତୁ ମ୍ୟାଚ ୪୫-୪୫ ଓଭରକୁ ହ୍ରାସ କରାଯାଇଥିଲା।
ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ୪୫ ଓଭରରେ ୩ ଉଇକେଟ ହରାଇ ୩୦୫ ରନ ସ୍କୋର କରିଥିଲା। ଅଷ୍ଟ୍ରେଲିଆ ପାଇଁ ଅଧିନାୟକ ଆଲିସା ହେଲି ୧୦୭ ବଲରେ ୧୨୯ ରନର ସର୍ବାଧିକ ଇନିଂସ ଖେଳିଥିଲେ। ତାଙ୍କ ବ୍ୟତୀତ ରାହୁଲ ହେନ୍ସ ମଧ୍ୟ ୧୦୦ ବଲରେ ୮୫ ରନ ସଂଗ୍ରହ କରିଥିଲେ। ଉଭୟଙ୍କ ମଧ୍ୟରେ ପ୍ରଥମ ଉଇକେଟ ପାଇଁ ୨୧୬ ରନ ଭାଗିଦାରୀ ହୋଇଥିଲା।
ୱେଷ୍ଟଇଣ୍ଡିଜକୁ ୪୫ ଓଭରରେ ୩୦୬ ରନ ସଂଗ୍ରହ କରିଥିଲା। ଏହାକୁ ପିଛା କରି କାରିବିଆନ ଦଳ ୩୭ ଓଭରରେ ୧୪୮ ରନ ପାଇଁ ଅଲଆଉଟ୍ ହୋଇଯାଇଥିଲା। ଅଧିନାୟକ ଷ୍ଟିଫାନି ଟେଲର (୪୮) କୁ ଛାଡି କୌଣସି ବ୍ୟାଟ୍ସମ୍ୟାନ କ୍ରିଜରେ ତିଷ୍ଠି ପାରି ନ ଥିଲେ। ଦଳର ୬ ଜଣ ବ୍ୟାଟ୍ସମ୍ୟାନ ଡବଲ ଫିଗର ମଧ୍ୟ ଅତିକ୍ରମ କରିପାରି ନ ଥିଲେ। ଫଳରେ ଅଷ୍ଟ୍ରେଲିଆ ଏହି ମ୍ୟାଚ୍ ଜିତି ୯ମ ଥର ପାଇଁ ଫାଇନାଲରେ ପହଞ୍ଚିଛି।
