ଦୁବାଇ, ୨୫।୩(ପି.ଟି.)- ବୁଧବାର ପ୍ରକାଶିତ ଆଇସିସି ଟି୨୦ ର଼୍ୟାଙ୍କିଙ୍ଗ୍ରେ ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି ଓ ଉପ ଅଧିନାୟକ ରୋହିତ ଶର୍ମାଙ୍କ ଉନ୍ନତି ହୋଇଛି। କୋହଲି ଗୋଟିଏ ସ୍ଥାନ ଉପରକୁ ଉଠି ୪ର୍ଥରେ ପହଞ୍ଚତ୍ଥିବାବେଳେ ରୋହିତ ୩ ସ୍ଥାନ ଫାଇଦାରେ ରହି ୧୪ରେ ପହଞ୍ଚତ୍ଛନ୍ତି। ଇଂଲଣ୍ଡ ବିପକ୍ଷ ସିରିଜର ଶେଷ ଟି୨୦ ମ୍ୟାଚରେ ଇନିଂସ ଓପନିଂ କରିବାକୁ ଆସିଥିବା କୋହଲି ୫୨ ବଲ୍ରୁ ୮୦ ରନ କରି ଅପରାଜିତ ରହିଥିଲେ। ରୋହିତ ସେହି ମ୍ୟାଚରେ ୩୪ ବଲ୍ରୁ ୬୪ ରନ କରିଥିଲେ। ଅନ୍ୟ ଭାରତୀୟ ବ୍ୟାଟ୍ସମ୍ୟାନଙ୍କ ମଧ୍ୟରେ ଲୋକେଶ ରାହୁଲ ୫ମ ସ୍ଥାନକୁ ଖସିଛନ୍ତି। ଶ୍ରେୟାସ ଆୟାର ୫ ସ୍ଥାନ ଉପରକୁ ଉଠି କ୍ୟାରିୟର ଶ୍ରେଷ୍ଠ ୨୬ତମ ସ୍ଥାନରେ ପହଞ୍ଚତ୍ଥିବାବେଳେ ସୂର୍ଯ୍ୟକୁମାର ଯାଦବ ଓ ରିଷଭ ପନ୍ତ ମଧ୍ୟ ଫାଇଦାରେ ରହିଛନ୍ତି। ପଦାର୍ପଣ ମ୍ୟାଚରେ ବ୍ୟାଟିଂ ସୁଯୋଗ ପାଇ ନ ଥିବାରୁ ପଏଣ୍ଟ ଶୂନ୍ୟ ରହିଥିବା ସୂର୍ଯ୍ୟକୁମାର ପରବର୍ତ୍ତୀ ୨ ମ୍ୟାଚରେ ଯଥାକ୍ରମେ ୫୭ ଓ ୩୨ ରନ କରି ୬୬ତମ ସ୍ଥାନରେ ପହଞ୍ଚତ୍ ଯାଇଛନ୍ତି। ସେହିପରି ପନ୍ତ ୧୧ ସ୍ଥାନ ଲମ୍ଫମାରି ୬୯ତମ ସ୍ଥାନରେ ପହଞ୍ଚତ୍ଛନ୍ତି। ଭାରତୀୟ ବୋଲରଙ୍କ ମଧ୍ୟରେ ଭୁବନେଶ୍ୱର କୁମାର ଓ ହାର୍ଦ୍ଦିକ ପାଣ୍ଡ୍ୟା ବଡ଼ ଫାଇଦା ପାଇଛନ୍ତି। ଇଂଲଣ୍ଡ ବିପକ୍ଷ ଶେଷ ଟି୨୦ରେ ୧୫ ରନ ଦେଇ ୨ଟି ଉଇକେଟ ନେଇଥିବା ଭୁବନେଶ୍ୱର ୨୧ଟି ସ୍ଥାନ ଉପରକୁ ଉଠି ୨୪ ଏବଂ ହାର୍ଦ୍ଦିକ ୭୮ରୁ ଉପରକୁ ଉଠି ୪୭ତମ ସ୍ଥାନରେ ପହଞ୍ଚତ୍ ଯାଇଛନ୍ତି। ଦିନିକିଆ ର଼୍ୟାଙ୍କିଙ୍ଗ୍ରେ ବିରାଟ କୋହଲି ଶୀର୍ଷସ୍ଥାନ ବଜାୟ ରଖିଛନ୍ତି। ରୋହିତ ଶର୍ମା ୩ୟ ସ୍ଥାନରେ ରହିଛନ୍ତି। ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ମ୍ୟାଚ ବିଜୟୀ ୯୮ ରନର ଇନିଂସ ଖେଳିଥିବା ଶିଖର ଧାଓ୍ବନ ୨ଟି ସ୍ଥାନ ଉପରକୁ ଉଠି ୧୫ରେ ପହଞ୍ଚତ୍ଥିବାବେଳେ ବୋଲର ଭୁବନେଶ୍ୱର କୁମାର ୫ ସ୍ଥାନ ଫାଇଦାରେ ରହି ଟପ୍-୨୦ରେ ପ୍ରବେଶ କରିଛନ୍ତି। ଭାରତୀୟ ବୋଲରଙ୍କ ମଧ୍ୟରେ ଏକମାତ୍ର ଯଶପ୍ରୀତ ବୁମ୍ରା ଟପ୍-୧୦ ଅର୍ଥାତ୍ ତୃତୀୟ ସ୍ଥାନରେ ରହିଛନ୍ତି।
