ଯେତେ ଖୋଜିଲେ ସେତେ ମିଳୁଛି

କଟକ ଅଫିସ,୨୭ା୧୨: ଗ୍ୟାଙ୍ଗଷ୍ଟାର ଧଳସାମନ୍ତ ଭ୍ରାତାଙ୍କ ଘରେ ପୋଲିସ ଯେତେ ଖୋଜୁଛି ସେତେ ମିଳୁଛି ବନ୍ଧୁକ, ଗୁଳି ଓ ଟଙ୍କା। ଦୁଇଦିନର ତନାଘନା ପରେ କମିଶନରେଟ ପୋଲିସ ୩ ବନ୍ଧୁକ, ୫ ମାଗାଜିନ, ୧୭୫ ଗୁଳି ଓ ୧୬ ଲକ୍ଷ ୫୦ ହଜାର ଟଙ୍କା ଜବତ କରିଛି । ସୁଶାନ୍ତ ଓ ସୁଶୀଲ ଜେଲ୍‌ରେ ଥିଲେ ମଧ୍ୟ ସହଯୋଗୀଙ୍କ ସହାୟତାରେ ଆପରାଧିକ କାର୍ଯ୍ୟକଳାପ ଚାଲୁ ରଖିଥିଲେ। ବନ୍ଧୁକ ଚୋରାକାରବାର ସହ ବାଲିଘାଟ ଓ ମଦ ଦୋକାନରୁ ନିୟମିତ ଦାଦାବଟି ଆଦାୟ କରୁଥିଲେ। ନିଜ ପତିଆରା ବୃଦ୍ଧି କରିବା ପାଇଁ ଏହି ସବୁ ଆପରାଧିକ କାର୍ଯ୍ୟ କରୁଥିଲେ ଜଣାପଡ଼ିଛି। ଜାମିନରେ ଫେରିଥିବା ସହଯୋଗୀ ଓ ନୂଆ କରି ଅପରାଧ ଦୁନିଆରେ ପାଦ ଥାପୁଥିବା ଯୁବପିଢିଙ୍କୁ ଗ୍ୟାଙ୍ଗରେ ସାମିଲ କରାଯାଉଥିଲା। ସେମାନଙ୍କ ହାତରେ ବନ୍ଧୁକ, ଗୁଳି ଧରାଇ ଦେଇ ବିଭିନ୍ନ ସଂଗଠିତ ଅପରାଧ ଘଟା ଯାଉଥିଲା। ଖାସ କରି ବାଲିଘାଟ ଓ ମଦ ଦୋକାନରୁ ମାସିକିଆ ବଟି ଆଦାୟ କରିବା ମୁଖ୍ୟ କାମ ଥିଲା। ଗ୍ୟାଙ୍ଗଷ୍ଟର ସୁଶୀଲ ଓ ସୁଶାନ୍ତ ଧଳସାମନ୍ତ ଭ୍ରାତାଙ୍କୁ ୨ଦିନିଆ ରିମାଣ୍ଡରେ ଆଣି ଖୋଳତାଡ଼ କରିବା ପରେ ଏଭଳି ତଥ୍ୟ ପୋଲିସ ଜାଣିବାକୁ ପାଇଛି। ଶୁକ୍ରବାର ଓ ଶନିବାର ୨ଦିନ ଧରି ଚଢ଼ାଉ କରିବା ପରେ ରିମାଣ୍ଡର ଶେଷ ଦିନରେ ପୁଣି ତାଙ୍କ ଘରୁ ୩ବନ୍ଧୁକ, ୫ ମାଗାଜିନ ଓ ୧୭୫ ରାଉଣ୍ଡ ଜୀବନ୍ତ ଗୁଳି ଜବତ ହୋଇଛି। ସେହିପରି ଦାଦାବଟି ବାବଦରେ ଆଦାୟ ହୋଇଥିବା ନଗଦ ୧୬ ଲକ୍ଷ ୫୦ ହଜାର ଟଙ୍କା ମଧ୍ୟ ଜବତ ହୋଇଥିବା ଶନିବାର ଅନୁଷ୍ଠିତ ଏକ ଖବରଦାତା ସମ୍ମିଳନୀରେ ଡିସିପି ପ୍ରତୀକ ସିଂହ ସୂଚନା ଦେଇଛନ୍ତି।

ଗତ ୯ ତାରିଖରେ ପ୍ରକାଶ ବେହେରା ଧରାପଡ଼ିବା ପରେ ଧଳସାମନ୍ତ ଭ୍ରାତାଙ୍କ ବନ୍ଧୁକ, ଗୁଳି କାରବାର ଘଟଣା ସାମ୍ନାକୁ ଆସିଥିଲା। ପ୍ରକାଶଙ୍କ ସୂଚନା ଆଧାରରେ ପୋଲିସ ମର୍କତନଗରସ୍ଥିତ ଧଳସାମନ୍ତ ଭ୍ରାତାଙ୍କ ଘରେ ଚଢ଼ାଉ କରିଥିଲା। ଏହି ସମୟରେ ଘରେ ବିଭିନ୍ନ ଗୁପ୍ତସ୍ଥାନରେ ଲୁଚାଇ ରଖାଯାଇଥିବା ୧୬ ବନ୍ଧୁକ, ୧୦୯୫ ଜୀବନ୍ତ ଗୁଳି ଓ ୨୪ ମାଗାଜିନ ଜବତ କରାଯାଇଥିଲା । ଏହି ଲିଙ୍କ୍‌ରେ କଟକ ପୋଲିସ ଗତ ୧୬ରେ ଜିଲା ବାହାରୁ ପୁଣି ୭ଟି ବନ୍ଧୁକ, ୩୫ ଜୀବନ୍ତ ଗୁଳି ଜବତ କରିଥିଲା। ସମସ୍ତ ଅସ୍ତ୍ରଶସ୍ତ୍ର କାରବାରର ମୂଳଉତ୍ସ ଜେଲ୍‌ରେ ଥିବା ଡି-ବ୍ରଦର୍ସ ବୋଲି ତଦନ୍ତରୁ ଜଣାପଡ଼ିଥିଲା। କାରବାରର ଚେର ଖୋଜିବା ଲାଗି ପୋଲିସ ସୁଶାନ୍ତ ଓ ସୁଶୀଲକୁ ୨ଦିନିଆ ରିମାଣ୍ଡରେ ଆଣି ମାରାଥନ ଜେରା କରିଥିଲା । ଏମିତିକି ଦୁଇ ଭାଇଙ୍କୁ ପୃଥକ ପୃଥକ ଭାବେ କଡ଼ା ସୁରକ୍ଷା ବଳୟ ମଧ୍ୟରେ ସିଡିଏ ମର୍କତନଗରସ୍ଥିତ ଘରକୁ ନିଆଯାଇଥିଲା। ଘର ଭିତରେ ଥିବା କାଚ ଶୋ’ କେସ୍‌, ଛାତ ଉପର ସିଲିଂ, ଫର୍ନିଚର ର଼୍ୟାକ ଆଦିକୁ ଭାଙ୍ଗିବା ପରେ ସେଠାରୁ ପୁଳାପୁଳା ଗୁଳି ମିଳିଥିଲା। ସେହିପରି ଛାତ ଉପରେ ଥିବା ପାଣି ଟାଙ୍କି ଓ ଅଣ୍ଡର ଗ୍ରାଉଣ୍ଡ ଗ୍ୟାରେଜରେ ଥିବା ଏକ ସିକ୍ରେଟ ଚାମ୍ବରରୁ ୩ଟି ବନ୍ଧୁକ ମିଳିଥିଲା। ମୋଟାମୋଟି ଭାବେ ଘରର ୫୦ ପ୍ରତିଶତ କାନ୍ଥ ଓ ଛାତର ଇଣ୍ଟରିଅର ଡେକୋରେଶନକୁ ଭାଙ୍ଗିବା ପରେ

ଏହିସବୁ ଅସ୍ତ୍ରଶସ୍ତ୍ର ପୋଲିସ ହାତକୁ ଲାଗିଥିଲା। ଏହାଛଡ଼ା ସୁଶୀଲଙ୍କ ବେଡ୍‌ରୁମରୁ ନଗଦ ୧୬ ଲକ୍ଷ ୫୦ ହଜାର ଟଙ୍କା ମିଳିଥିଲା, ଯାହାକି ଦାଦାବଟି ବାବଦରେ ଆଦାୟ କରାଯାଇଥିବା ଜଣାପଡ଼ିଛି। ମୁଖ୍ୟ କଥା ହେଉଛି ଜେଲରେ ଥିଲେ ମଧ୍ୟ ଧଳସାମନ୍ତ ଭ୍ରାତା ସେମାନଙ୍କ ସହଯୋଗୀଙ୍କ ସହାୟତାରେ ତାଙ୍କ ଅପରାଧିକ କାର୍ଯ୍ୟକଳାପ ଚାଲୁ ରଖିଥିଲେ ବୋଲି ଖୋଦ୍‌ ଡିସିପି ସିଂ ସ୍ବୀକାର କରିଛନ୍ତି । ଆବଶ୍ୟକ ହେଲେ ଆଗାମୀ ଦିନରେ ଦୁଇ ଭାଇଙ୍କୁ ରିମାଣ୍ଡରେ ଅଣାଯିବ ବୋଲି ଡିସିପି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଜି ଆଣ୍ଡାମାନ ଫେରିଯିବେ ଅମ୍ରିତ

ପୁରୀ ଅଫିସ, ୩୦ା୧୦:୨୬ ଦିନ ଧରି ଲୁଣି ପାଣି ପିଇ ଜୀବନ ସହ ସଂଘର୍ଷ କରି କୃଷ୍ଣପ୍ରସାଦ ବ୍ଲକ ଖିରିସାହି ସମୁଦ୍ରରେ ଲାଗିଥିଲେ ଆଣ୍ଡାମାନ ନାବିକ...

ବୈତରଣୀ ସେତୁ ମରାମତି କାର୍ଯ୍ୟ ଆରମ୍ଭ: ୧୨ରୁ ସେତୁ ଉପରେ ଯାତାୟାତ ବନ୍ଦ

ଆନନ୍ଦପୁର,୧୧।୬(ସ୍ବ.ପ୍ର.): ଦୀର୍ଘଦିନର ଅପେକ୍ଷା ପରେ କେନ୍ଦୁଝର ଜିଲା ଆନନ୍ଦପୁର ବୈତରଣୀ ନଦୀ ସେତୁର ମରାମତି କାର୍ଯ୍ୟ ଆରମ୍ଭ ପାଇଁ ପ୍ରଶାସନିକ ତପତ୍ରତା ପ୍ରକାଶ ପାଇଛି। ଏ...

ବିନା ଷ୍ଟାର୍‌ କ୍ୟାମ୍ପେନରରେ ପ୍ରଚାର

ଭୁବନେଶ୍ୱର, ୧୬।୩(ବ୍ୟୁରୋ): ରାଜ୍ୟରେ ପୌର ଭୋଟ୍‌ ଆସନ୍ତା ୨୪ ତାରିଖରେ ଅନୁଷ୍ଠିତ ହେବ। ୧୪ ତାରିଖରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇସାରିଛି। ପ୍ରଚାର ପାଇଁ...

କାର ଭିତରୁ ୩୬ କେଜି ୫ଶହ ଗ୍ରାମ ଗଞ୍ଜେଇ ଜବତ: ୨ ଗିରଫ

ଖୋର୍ଦ୍ଧା ଅଫିସ,୯।୭: ଖୋର୍ଦ୍ଧା ଜିଲା ଟାଉନ ପୋଲିସ ମୁକୁନ୍ଦପ୍ରସାଦ ଜଟଣୀ ବାଇପାସ ନିକଟରୁ ଗୁରୁବାର ରାତିରେ ଏକ କାର ଭିତରୁ ୩୬କେଜି ୫୦୦ଗ୍ରାମ ଗଞ୍ଜେଇ ଜବତ...

ହାତୀଗୋଠରେ୨ ନୂଆ ଅତିଥି

ଚମ୍ପୁଆ,୨୪।୯(ଡି.ଏନ.ଏ.): କେନ୍ଦୁଝର ଜିଲା ଚମ୍ପୁଆ ରେଞ୍ଜ ଅନ୍ତର୍ଗତ ଜାମୁଦଲକ ଜଙ୍ଗଲରେ ରହିଥିବା ହାତୀପଲ ମଧ୍ୟରେ ଗୁରୁବାର ସକାଳୁ ୨ ଶାବକ ଜନ୍ମ ନେଇଛନ୍ତି। ଗୋଟିଏ ମାଈହାତୀ...

ସମିତିସଭ୍ୟଙ୍କ ଶପଥପାଠର ଭିଡିଓ ଭାଇରାଲ : ବ୍ଲକ ଅଧ୍ୟକ୍ଷ ପଦ ପାଇଁ ନିର୍ବାଚନ ୧୭ରେ

ଦାରିଙ୍ଗବାଡ଼ି,୧୬ା୬(ଡି.ଏନ୍‌.ଏ.)-କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଧ୍ୟକ୍ଷା ସୁବେନ୍ତ୍ରୀ ପ୍ରଧାନଙ୍କ ନିର୍ବାଚନ ମାମଲାରେ ତାଙ୍କ ପଦବୀ ଅସିଦ୍ଧ ଘୋଷିତ ହୋଇଛି। ଗତ କିଛି ଦିନ ହେଲା ଉପାଧ୍ୟକ୍ଷ...

ବିଧାୟକଙ୍କ କରୋନା ସମୀକ୍ଷା

ଢେଙ୍କାନାଳ ଅଫିସ, ୧୭।୪ – ଢେଙ୍କାନାଳ ଜିଲାରେ କୋଭିଡ୍‌-୧୯ ସଂକ୍ରମଣ ମୁକାବିଲା ଲାଗି ପ୍ରଶାସନ ପକ୍ଷରୁ ନିଆଯାଇଥିବା ବିଭିନ୍ନ ପ୍ରତିଷେଧକ ବ୍ୟବସ୍ଥା ସମ୍ପର୍କରେ ଗୁରୁବାର ବିଧାୟକ...

ସୁଇସାଇଡ ନୋଟ୍‌ ଲେଖି ନାବାଳକଙ୍କ ଆତ୍ମହତ୍ୟା

ଚୌଦ୍ୱାର,୨୬ା୮(ଡି.ଏନ୍‌.ଏ.): କଟକ ଜିଲା ଚୌଦ୍ୱାର ପୌରପାଳିକା ୧୭ ନମ୍ବର ୱାର୍ଡ କପାଳେଶ୍ୱର ନୂଆସାହିରୁ ଜଣେ ନାବାଳକର ଝୁଲନ୍ତା ମୃତଦେହକୁ ଚୌଦ୍ୱାର ପୋଲିସ ବୁଧବାର ସକାଳେ ଉଦ୍ଧାର...

Advertisement
Archives

Model This Week