ଜଗା ଦର୍ଶନ କଲେ ପୁରୀବାସୀ: ଶୃଙ୍ଖଳିତ ଦର୍ଶନ, ଭାବବିହ୍ବଳ ପରିବେଶ

ପୁରୀ ଅଫିସ,୨୭ା୧୨: ଶ୍ରୀମନ୍ଦିର ଖୋଲିବାର ୩ଦିନ ପରେ ଶନିବାର ସ୍ଥାନୀୟ ଲୋକେ ଦର୍ଶନ କରିବାର ସୁଯୋଗ ପାଇଛନ୍ତି। ପ୍ରଥମ ଦିନରେ ୩ଟି ପର୍ଯ୍ୟାୟରେ ପୁରୀବାସୀ ଶ୍ରୀଜଗନ୍ନାଥଙ୍କ ଦର୍ଶନ କରିଛନ୍ତି। ସକାଳ ବେଳା ୬ ଓ ୯ ନମ୍ବର, ଅପରାହ୍ନରେ ୧୨ ଓ ୧୫ ନମ୍ବର ଓ ସନ୍ଧ୍ୟାରେ ୧୧,୨ ଓ ୩ ନମ୍ବର ୱାର୍ଡର ଲୋକଙ୍କୁ ଏହି ଦର୍ଶନ ସୁବିଧା ମିଳିଥିଲା। ରାତ୍ର ସାଢ଼େ ୯ଟାରେ ପହଡ଼ ଶେଷ ହୋଇଥିଲା। ପ୍ରଥମ ଦିନରେ ୯,୮୩୨ଜଣ ଭକ୍ତ ଦର୍ଶନ କରିଛନ୍ତି। ସକାଳ ୭.୩୦ରେ ପୂର୍ବରୁ ନିର୍ଦ୍ଧାରିତ ୱାର୍ଡର ଲୋକେ ବହୁ ସଂଖ୍ୟାରେ ଏକାଠି ହୋଇଥିଲେ। ପ୍ରଥମେ ଜଗନ୍ନାଥ ବଲ୍ଲଭଠାରୁ ଆରମ୍ଭ ହୋଇଥିବା ବ୍ୟାରିକେଡରେ ନିଜ ପରିଚୟ ପତ୍ର ଓ ଟୋକନ୍‌ ଦେଖାଇ କରିଡର ମଧ୍ୟରେ ପ୍ରବେଶ କରିଥିଲେ। ଯେଉଁ ବ୍ୟକ୍ତିମାନଙ୍କୁ ପୌରସଂସ୍ଥା ପକ୍ଷରୁ ଟୋକନ୍‌ ମିଳି ନ ଥିଲା, ସେମାନେ ନିର୍ଦ୍ଧାରିତ ସମୟ ପୂର୍ବରୁ ଆସି ଜଗନ୍ନାଥ ବଲ୍ଲଭ ଟୋକନ୍‌ କାଉଣ୍ଟରରୁ ନିଜ ନିଜ ଟୋକନ୍‌ ସଂଗ୍ରହ କରିଥିଲେ। କରିଡର ଶେଷ କରିବା ପରେ ଭକ୍ତମାନେ ଶ୍ରୀମନ୍ଦିର ମୁଖ୍ୟ ବ୍ୟାରିକେଡ୍‌ରେ ପ୍ରବେଶ କରିବା ପୂର୍ବରୁ କିଓସ୍କ ପାଖରେ ପହଞ୍ଚତ୍ଥିଲେ। ସେଠାରେ ପ୍ରଥମେ ଫଟୋ ଉତ୍ତୋଳନ କରାଯିବା ସହ ଆଧାର କାର୍ଡ ଓ ଟୋକନ୍‌ ଯାଞ୍ଚ କରାଯାଇଥିଲା। ଆଧାରକାର୍ଡର ଏକ ଫଟୋ କପି ମଧ୍ୟ ପ୍ରଶାସନ ପଞ୍ଜୀକରଣ ଉଦ୍ଦେଶ୍ୟରେ ନିଜ ପାଖରେ ରଖିଥିଲା। ଏହାପରେ ମୁଖ୍ୟ ବ୍ୟାରିକେଡ୍‌ ମଧ୍ୟ ଦେଇ ସହରବାସୀ ଜଗନ୍ନାଥ ଦର୍ଶନ ପାଇଁ ଯାଇଥିଲେ। ଜଗନ୍ନାଥ ମନ୍ଦିର ପାଖରେ ପହଞ୍ଚତ୍ବାପରେ ସ୍ଥାନୀୟ ଲୋକେ ଏତେ ଭାବବିହ୍ବଳ ହୋଇପଡ଼ିଥିଲେ ଯେ, ତାହା ସେମାନଙ୍କ କାର୍ଯ୍ୟକଳାପରେ ଦେଖିବାକୁ ମିଳିଥିଲା। ସକାଳ ୮ଟାରୁ ୮.୩୦ରେ ଦର୍ଶନ ଆରମ୍ଭ ହୋଇଥିଲା। ସିଂହଦ୍ୱାର ଭିତରକୁ ଅନୁମତି ମିଳିବା ପରେ ପ୍ରଥମ ପର୍ଯ୍ୟାୟରେ ଆସିଥିବା ଭକ୍ତମାନେ ଦୌଡ଼ାଦୌଡ଼ି ହୋଇ ମନ୍ଦିର ଭିତରକୁ ପ୍ରବେଶ କରିଥିବା ଦେଖିବାକୁ ମିଳିଥିଲା। ପ୍ରଶାସନ ଭକ୍ତଙ୍କ ଏଭଳି ବ୍ୟବହାରରେ ଅପ୍ରସ୍ତୁତ ହୋଇପଡ଼ିଥିଲେ ମଧ୍ୟ ଏଭଳି ପରିସ୍ଥିତି କମ୍‌ ସମୟ ପାଇଁ ରହିଥିଲା। ଏହାପରେ ଦର୍ଶନ ସ୍ବାଭାବିକ ହୋଇଥିଲା। ଲୋକେ କ୍ରମାଗତ ଭାବେ ଶ୍ରୀମନ୍ଦିରରେ ପ୍ରବେଶ କରୁଥିବାବେଳେ ଉତ୍ତର ଦ୍ୱାରରେ ପ୍ରସ୍ଥାନ ମଧ୍ୟ ସ୍ବାଭାବିକ ହୋଇଥିଲା। ସେହିଭଳି ପୋଲିସ ପ୍ରଶାସନ ଦର୍ଶନ ପାଇଁ ବ୍ୟାପକ ବ୍ୟବସ୍ଥା କରିଥିଲା। ୧୮ପ୍ଲାଟୁନରୁ ଅଧିକ ଫୋର୍ସ ସୁରକ୍ଷା ବ୍ୟବସ୍ଥା ଦାୟିତ୍ୱରେ ଥିବାବେଳେ ଶୃଙ୍ଖଳିତ ଭାବେ ଦର୍ଶନ ଶେଷ ହୋଇଛି। ପୁରୀ ଏସ୍‌ପି, ୨ ଜଣ ଅତିରିକ୍ତ ଏସପି, ୬ ଜଣ ଡିଏସ୍‌ପି ତତ୍ତ୍ବାବଧାନ ଦାୟିତ୍ୱରେ ରହିଥିଲେ। ତେବେ ସକାଳ ଓ ସନ୍ଧ୍ୟା ଦର୍ଶନ ସମୟରେ ସବୁଠାରୁ ଅଧିକ ଲୋକ ହୋଇଥିବା ଦେଖିବାକୁ ମିଳିଥିଲା। ଉତ୍ତର ଦ୍ୱାର ଦେଇ ପୁରୀବାସୀ ଅବଢ଼ା ଧରି ଘରକୁ ଫେରିଥିଲେ। ଜିଲାପାଳ ବଲୱନ୍ତ ସିଂ କହିଛନ୍ତିି, କୋଭିଡ୍‌ କଟକଣା ମଧ୍ୟରେ ପ୍ରଶାସନ ଦର୍ଶନକୁ ସରଳ କରିବା ପାଇଁ ସବୁ ପ୍ରକାର ପ୍ରଚେଷ୍ଟା କରିଛି। ପ୍ରଥମ ଦିନରେ ସାଧାରଣ ଲୋକଙ୍କୁ ନେଇ କୌଣସି ବଡ଼ ଧରଣର ଅବ୍ୟବସ୍ଥା ସାମ୍ନାକୁ ଆସିନାହିଁ। ପ୍ରଶାସନ ସୁରୁଖୁରୁରେ କାର୍ଯ୍ୟ ସମ୍ପାଦନ କରିଛି। କିଓସ୍କରେ ଫଟୋ ଉଠା ଓ ନାମ ପଞ୍ଜୀକରଣ, ସାମାଜିକ ଦୂରତା ରକ୍ଷା କରି ଦର୍ଶନ, ମନ୍ଦିର ଭିତରେ ଶୃଙ୍ଖଳିତ ଦର୍ଶନ ଓ ଟ୍ରାଫିକ ବ୍ୟବସ୍ଥାର ସୁପରିଚାଳନା ଭଳି ଦିଗରେ ପ୍ରଶାସନ ଯଥାସମ୍ଭବ ପ୍ରୟାସ କରିଛି। ପରୀକ୍ଷାମୂଳକ ଭାବେ ଏହି ଦର୍ଶନ ଚାଲୁ ରହିଛି। ଆଗାମୀ ଦିନରେ ପ୍ରତିଦିନ ଦର୍ଶନ ବ୍ୟବସ୍ଥାରେ ଯେପରି କୌଣସି ତ୍ରୁଟି ନ ରହିବ, ସେନେଇ ଜିଲା ପ୍ରଶାସନ ତତ୍ପର ରହିଛି ବୋଲି ଜିଲାପାଳ ସିଂ କହିଛନ୍ତି। ସେହିଭଳି ସେବାୟତଙ୍କଠାରୁ ଯେଉଁ ସହଯୋଗ ଆଶା କରିଥିଲୁ ତାହାଠାରୁ ଅଧିକ ସହଯୋଗ ଆମକୁ ମିଳିଛି। ପ୍ରତିହାରୀ ନିଯୋଗର ସେବାୟତମାନେ ଅତି ଶୃଙ୍ଖଳିତ ଭାବେ ପ୍ରଶାସନକୁ ସହଯୋଗ କରିଛନ୍ତି ବୋଲି ଜିଲାପାଳ କହିଛନ୍ତି। ପ୍ରକାଶ ଯେ ଆସନ୍ତା ୩୧ ତାରିଖ ପର୍ଯ୍ୟନ୍ତ କେବଳ ପୁରୀବାସୀ ଜଗନ୍ନାଥଙ୍କ ଦର୍ଶନ ସୁବିଧା ପାଇବେ। ୩ତାରିଖରୁ ସର୍ବସାଧାରଣ ଦର୍ଶନ ବ୍ୟବସ୍ଥା ଆରମ୍ଭ ହେବ।

 


Enter your email to get our daily news in your inbox.

All Right Reserved By Dharitri.Com

ବନ୍ଧୁ ହତ୍ୟାକାରୀଙ୍କୁ ଆଜୀବନ ଜେଲ୍‌

ଜୟପୁର,୧୭ା୧୨(ଡି.ଏନ୍‌.ଏ.): କୋରାପୁଟ ଜିଲା ଜୟପୁରସ୍ଥିତ ଜିଲା ଦୌରାଜଜ୍‌ ବିମଳ ଚାନ୍ଦ ମଙ୍ଗଳବାର ଏକ ହତ୍ୟା ମାମଲାର ଶୁଣାଣି କରି ବନ୍ଧୁ ହତ୍ୟାକାରୀଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି।...

ଡାକ୍ତର ନିଯୁକ୍ତି ପାଇଁ ୪୦ କି.ମି. ଚାଲିଲେ

ଭଦ୍ରକ ଅଫିସ, ୧୬।୧- ଭଦ୍ରକ ଜିଲା ଚାନ୍ଦବାଲି ବ୍ଲକ ଘଣ୍ଟେଶ୍ୱର ଅଞ୍ଚଳର କେତେକ ଯୁବଗୋଷ୍ଠୀ ସ୍ଥାନୀୟ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ସ୍ଥାୟୀ ଡାକ୍ତର ନିଯୁକ୍ତି ପାଇଁ ଗୁରୁବାର...

ଡେକାନ ୱାରିୟର୍ସ ଚାମ୍ପିୟନ, ସି ଟାଇଗର୍ସ ରନର୍ସଅପ୍‌: ବାଲେଶ୍ୱର ପ୍ରିମିୟର ଲିଗ୍‌ ୧୧ ଉଦ୍‌ଯାପିତ

ବାଲେଶ୍ୱର ଅଫିସ,୧୧।୩- ବାଲେଶ୍ୱର ପ୍ରିମିୟର ଲିଗ୍‌-୧୧ର ଫାଇନାଲ ମ୍ୟାଚ୍‌ ଡେକାନ ୱାରିୟର୍ସ ଓ ସି ଟାଇଗର୍ସ ମଧ୍ୟରେ ସ୍ଥାନୀୟ ପରମିିଟ୍‌ ପଡ଼ିଆରେ ଅନୁଷ୍ଠିତ ହୋଇଥିଲା। ନିର୍ଦ୍ଧାରିତ...

ବିଳମ୍ବରେ ପହଞ୍ଚିଲା ସହାୟତା

ଚିତ୍ରଡ଼ା,୨୮ା୪(ଡି.ଏନ୍‌.ଏ.)- କରୋନା ପାଇଁ ଗରିବ ଓ ଅସହାୟ ଲୋକଙ୍କୁ ସରକାର ୩ ମାସର ଆଗୁଆ ସହାୟତା ଯୋଗାଇ ଦେଇଥିତ୍ବା ବେଳେ ମୟୂରଭଞ୍ଜ ଜିଲା ମୋରଡା ବ୍ଲକ...

ମା’ଙ୍କ ରୋଗ ଉପଶମ କରିବାକୁ ଯାଇ ପୁଅ ତିଆରି କଲେ ଅଣ୍ଡାରୁ ଚିଆଁ ଫୁଟା ଯନ୍ତ୍ର

ଖୋର୍ଦ୍ଧା ଅଫିସ,୧୬।୧୦:ମା’ଙ୍କ ରୋଗ ଉପଶମର ପଥ ଦେଖାଇଲା ନୂଆ ଉପାୟ। ପୁଅ ତିଆରି କରି ପକାଇଲେ ଅଣ୍ଡାରୁ ଚିଆଁ ଫୁଟା ଯନ୍ତ୍ର। ତାହା କୁକୁଡ଼ା ଅଣ୍ଡାରୁ...

ଜୀବନବିନ୍ଦୁ କାର୍ଯ୍ୟକ୍ରମ ମାଧ୍ୟମରେ ୩୧ ୟୁନିଟ୍‌ ରକ୍ତ ସଂଗୃହୀତ

ପାଟଣା,୨୯।୪(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ଥାନା ସାହାରପଡା ବ୍ଲକ ମୁଖ୍ୟାଳୟ ସ୍ଥିତ ପଞ୍ଚାୟତ ସମିତି ମହାବିଦ୍ୟାଳୟରେ ବୁଧବାର ସାହାରପଡା ବ୍ଲକ ବିଜେଡି ତରଫରୁ ‘ଜୀବନ ବିନ୍ଦୁ’ କାର୍ଯ୍ୟକ୍ରମ...

ମନ୍ଦିରକୁ ବିଦ୍ୟୁତ୍‌ ସଂଯୋଗ କରିବାକୁ ଯାଇଥିଲେ: ଜୀବନ ଗଲା

ବରଗଡ଼ ଅଫିସ୍‌,୨୩।୪: ବରଗଡ଼ ବ୍ଲକ ଖଣ୍ଡହଥା ନିକଟ ନୂଆଗଡ଼ ଗ୍ରାମରେ ବିଦ୍ୟୁତ ଆଘାତରେ ଗୁରୁବାର ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତକ ହେଲେ ଏହି...

ମହାପ୍ରୟାଣ ଗାଡି ମିଳିଲାନି: ଅଟୋରେ ବୁହାହେଲା ମୃତଦେହ

ରାଇକିଆ,୨ା୮(ଡି.ଏନ୍‌.ଏ.)-କନ୍ଧମାଳ ଜିଲା ରାଇକିଆ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପୁଣି ଅବ୍ୟବସ୍ଥା ଦେଖିବାକୁ ମିଳିଛି। ଶନିବାର ସକାଳେ ଜଣେ ଯୁବକଙ୍କ ମୃତ୍ୟୁପରେ ମହାପ୍ରୟାଣ ଗାଡି ନ ମିଳିବାରୁ ଅଟୋରେ...

Play 250+ Trending Games
Archives

Model This Week

Why Dharitri