ରାୟଗଡ଼ା,୨୪ା୨(ସ୍ବ.ପ୍ର.): ଗାଡ଼ିଗୁଡ଼ିକର ସୁରକ୍ଷା ଏବଂ ଚୋରି ରୋକିବା ପାଇଁ ପରିବହନ ବିଭାଗ ପକ୍ଷରୁ ହାଇ ସିକ୍ୟୁରିଟି ରେଜିଷ୍ଟ୍ରେଶନ ପ୍ଲେଟ(ଏଚ୍ଏସ୍ଆର୍ପି) ବ୍ୟବସ୍ଥା କରାଯାଇଛି। ଏହି ନମ୍ବର ପ୍ଲେଟରେ ପ୍ରି-ଡିଜାଇନ ହଲୋଗ୍ରାମ ଏବଂ ୟୁନିଫର୍ମାଲ ସିରିଏଲ ନମ୍ବର ରହିଛି। ଏହାଦ୍ୱାରା ସହଜରେ ଗାଡ଼ିର ତଥ୍ୟ ମିଳିପାରିବ। ନମ୍ବର ପ୍ଲେଟ ଯେଭଳି ସୁରକ୍ଷିତ ରଖିବା ପାଇଁ ମେଶିନ୍ ସାହାର୍ଯ୍ୟରେ ରିବିଟ୍ ଦେଇ ଲକ୍ କରାଯାଏ। ଉକ୍ତ ରିବିଟ ଲକ ଏବଂ ନମ୍ବର ପ୍ଲେଟର ସିରିଏଲ ନମ୍ବରକୁ କେହି ଟ୍ୟାମ୍ପରିଂ କରିବାକୁ ଚେଷ୍ଟା କଲେ ତାହା ଭାଙ୍ଗିଯିବ। ଆଉ କାମରେ ବ୍ୟବହାର ହୋଇପାରିବନି। ଗାଡ଼ି ମାଲିକ ପୁଣି ଥରେ ଏଚଏସଆରପି ନମ୍ବର ପ୍ଲେଟ ପାଇଁ ଆବେଦନ କରିବାକୁ ପଡ଼ିବ। ତେବେ ପୋଲିସ ଓ ପରିବହନ ବିଭାଗ ବିଭିନ୍ନ ସ୍ଥାନରେ ହେଲମେଟ୍, ସିଟ ବେଲ୍ଟ, ଓଭର ସ୍ପିଡ଼ ଆଦି ଉପରେ ନଜର ରଖି ଜରିମାନା କରୁଥିଲେ ମଧ୍ୟ ଗାଡ଼ିଗୁଡ଼ିକର ନମ୍ବର ପ୍ଲେଟ ଯାଞ୍ଚ କରୁ ନ ଥିବା ଦେଖାଯାଉଛି। ଏହାର ସୁଯୋଗ ନେଇ ଦୁର୍ବୃତ୍ତ ଗାଡ଼ିରେ ଫେକ ନମ୍ବର ପ୍ଲେଟ ଲଗାଇ ନିର୍ଭୟରେ ଚୋରି, ଛିନତାଇ ଆଦି କରୁଛନ୍ତି। ଯଦି କେବେ ଧରାପଡ଼େ ଫେକ୍ ନମ୍ବର ପ୍ଲେଟର ଅସଲ ମାଲିକଙ୍କ ନାମରେ ଇ-ଚାଲାଣ କଟାଯାଉଛି।ତାଙ୍କ ପାଖକୁ ମୋବାଇଲରେ ମେସେଜ ଚାଲିଯାଉଛି। ଯାହାଫଳରେ ଗାଡ଼ିମାଲିକ ଭୂଲ ନ କରି ମଧ୍ୟ ଜରିମାନା ଗଣିବାକୁ ପଡ଼ୁଛି। ଅନ୍ୟପକ୍ଷରେ ରାୟଗଡ଼ା ଆର୍ଟିଓ ଅଫିସ ପରିସରରେ ରହିଥିବା ଏଚଏସଆରପି ଫିଟମେଣ୍ଟ ସେଣ୍ଟରରେ ନମ୍ବର ପ୍ଲେଟ ଖଞ୍ଜିବା ପାଇଁ କୌଣସି କର୍ମଚାରୀ ନ ଥିବା ଦେଖାଇ ସମ୍ପୃକ୍ତ ଏଜେନ୍ସି ଲୋକଙ୍କୁ ନମ୍ବର ପ୍ଲେଟ ବାହାରେ ଲଗାଇବା ପାଇଁ କହୁଥିବା ଅଭିଯୋଗ ହେଉଛି।
ରାୟଗଡ଼ା ଜିଲା ପରିବହନ ଅଧିକାରୀ ଶିବଶଙ୍କର ଚୌଧୁରୀ କହିଛନ୍ତି, ଏଚଏସଆରପି ନମ୍ବର ପ୍ଲେଟରେ ରହିଥିବା ହଲୋଗ୍ରାମ ଏବଂ ୟୁନିଫର୍ମାଲ ସିରିଏଲ ନମ୍ବର ଯୋଗୁ ଏହା ସ୍କାନିଂ କରି ଗାଡ଼ିର ଚେସିସ ଓ ଇଞ୍ଜିନ୍ ନମ୍ବର ସହିତ ସମସ୍ତ ତଥ୍ୟ ସହଜରେ ଯାଞ୍ଚ କରିହେବ। ଉକ୍ତ ସ୍କାନିଂ ସିଷ୍ଟମ ଖୁବଶୀଘ୍ର ପରିବହନ ଓ ପୋଲିସ ବିଭାଗକୁ ମିଳିଯିବ ବୋଲି କହିଛନ୍ତି। ଉକ୍ତ ନମ୍ବର ପ୍ଲେଟର ରିବିଟିଂ ଲକ ସିଷ୍ଟମ ଯୋଗୁ ଏହାକୁ କେହି ଟାମ୍ପରିଂ କରିପାରିବେ ନାହିଁ ବୋଲି ସୂଚନା ଦେଇଛନ୍ତି। ରାୟଗଡ଼ା ଏମଭିଆଇ ରାଜକୁମାର ବେହେରା କହିଛନ୍ତି, ପରିବହନ ବିଭାଗ ପକ୍ଷରୁ ସ୍ବୀକୃତିପ୍ରାପ୍ତ ଫିଟମେଣ୍ଟ ସେଣ୍ଟରରେ ଏଚଏସଆରପି ନମ୍ବର ପ୍ଲେଟ ଖଞ୍ଜିବା ନିୟମ ରହିଛି। ଯଦି ଏହି ନିୟମ କୌଣସି ଫିଟମେଣ୍ଟ ସେଣ୍ଟର ଉଲ୍ଲଂଘନ କରନ୍ତି ତେବେ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
ଉକ୍ତ ସ୍କାନିଂ ସିଷ୍ଟମ ଖୁବଶୀଘ୍ର ପରିବହନ ଓ ପୋଲିସ ବିଭାଗକୁ ମିଳିଯିବ ବୋଲି କହିଛନ୍ତି। ଉକ୍ତ ନମ୍ବର ପ୍ଲେଟର ରିବିଟିଂ ଲକ ସିଷ୍ଟମ ଯୋଗୁ ଏହାକୁ କେହି ଟାମ୍ପରିଂ କରିପାରିବେ ନାହିଁ ବୋଲି ସୂଚନା ଦେଇଛନ୍ତି। ରାୟଗଡ଼ା ଏମଭିଆଇ ରାଜକୁମାର ବେହେରା କହିଛନ୍ତି, ପରିବହନ ବିଭାଗ ପକ୍ଷରୁ ସ୍ବୀକୃତିପ୍ରାପ୍ତ ଫିଟମେଣ୍ଟ ସେଣ୍ଟରରେ ଏଚଏସଆରପି ନମ୍ବର ପ୍ଲେଟ ଖଞ୍ଜିବା ନିୟମ ରହିଛି। ଯଦି ଏହି ନିୟମ କୌଣସି ଫିଟମେଣ୍ଟ ସେଣ୍ଟର ଉଲ୍ଲଂଘନ କରନ୍ତି ତେବେ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
