ମୁମ୍ବାଇ: ବଲିଉଡ ଅଭିନେତା ହ୍ରିତିକ ରୋଶନ ଆଜିକାଲି ତାଙ୍କ ଅଭିନୟକୁ ନେଇ ଯେତିକି ଚର୍ଚ୍ଚାକୁ ଆସୁ ନାହାନ୍ତି ତା’ଠାରୁ ଅଧିକ ଚର୍ଚ୍ଚାକୁ ଆସୁଛନ୍ତି ତାଙ୍କ ପର୍ସନାଲ ଲାଇଫକୁ ନେଇ । ହ୍ରିତିକ କୁଆଡେ ଏବେ ପ୍ରେମରେ ପଡିଛନ୍ତି ବୋଲି ଆଲୋଚନା ହେଉଛି । ହ୍ରିତିକ ଏବେ ଅଭିନେତ୍ରୀ ସବା ଆଜାଦଙ୍କ ସହ ରିଲେସନଶିପରେ ଥିବା କୁହାଯାଉଛି । ଆଉ ସେ ଖୁବଶୀଘ୍ର ସବାଙ୍କୁ ବିବାହ ବି କରି ପାରନ୍ତି । ହେଲେ ଏ ନେଇ ଉଭୟ ଅଫିସିୟାଲି କିଛି ଘୋଷଣା କରି ନାହାନ୍ତି ।
ନିକଟରେ ହ୍ରିତିକ ସୋସସିଆଲ ମିଡିଆରେ ଏମିତି ଏକ ପୋଷ୍ଟ ଶେୟାର କରିଛନ୍ତି ଯାହାକୁ ଦେଖି ପ୍ରଶଂସକମାନେ ଅନୁମାନ ଲଗାଉଛନ୍ତି କି ହ୍ରିତିକ ନିଶ୍ଚିତ ଭାବେ ସବାଙ୍କୁ ବିବାହ କରିବେ । ଏଥର ହ୍ରିତିକ ସବାଙ୍କ ଉଦ୍ଦେଶ୍ୟରେ ଏକ ଖାସ ପୋଷ୍ଟ ଶେୟାର କରିଛନ୍ତି । ଏଥିରେ ସବା ଅଭିନେତା ନସିରୁଦ୍ଦ ଶାହଙ୍କ ପୁଅ ଇମାଦ ଶାହଙ୍କ ସହ ନଜର ଆସିଛନ୍ତି । ଏହି ପୋଷ୍ଟର କ୍ୟାପଶନରେ ହ୍ରିତିକ ଲେଖିଛନ୍ତି ‘କିଲ ଇଟ ୟୁ ଗାୟଜ’ । ସୂଚନାଯୋଗ୍ୟ, ଏହି ପୋଷ୍ଟ ତାଙ୍କ ଇଲେକ୍ଟ୍ରୋ-ଫଙ୍କ ବ୍ୟାଣ୍ଡ ମ୍ୟାଡବୟ/ମିଙ୍କର ହୋଇଥିବା ବେଳେ ଏହା ତା’ର କନସର୍ଟ ଥିଲା । ଏଥିରେ ସବା ପରଫର୍ମ କରିଥିଲେ । କିଛିଦିନ ତଳେ ସବା ହ୍ରିତିକଙ୍କ ପରିବାର ସଦସ୍ୟଙ୍କ ସହ ଲଞ୍ଚ କରୁଥିବା ଦେଖାଯାଇଥିଲା । ତେବେ ସୁଜୈନଙ୍କଠାରୁ ଅଲଗା ହେବା ପରେ ଯଦି ହ୍ରିତକି ସବାଙ୍କୁ ବିବାହ କରନ୍ତି ତେବେ ଏହା ତାଙ୍କର ଦ୍ୱିତୀୟ ବିବାହ ହେବ ।
