ଅହମ୍ମଦାବାଦ,୧୪।୧୦ : ୨୦୨୩ କ୍ରିକେଟ ବିଶ୍ୱକପ ଆରମ୍ଭ ହୋଇଛି। ତେବେ କ୍ରିକେଟ ପ୍ରେମୀ ଆଜିର ଭାରତ-ପାକିସ୍ତାନକୁ ମ୍ୟାଚକୁ ନେଇ ବହୁତ ଉତ୍ସାହିତ ଅଛନ୍ତି। ବିଶେଷକରି ସମସ୍ତଙ୍କର ବିଶ୍ୱକପ ସମୟରେ ଉତ୍ସାହ ଦ୍ୱିଗୁଣିତ ହୁଏ। ଏହି ରୋମାଞ୍ଚକର ମ୍ୟାଚକୁ ଦେଖିବାକୁ ସମସ୍ତେ ଚାହିଁ ରହିଛନ୍ତି। ଗୁଜୁରାଟର ଅହମ୍ମଦାବାଦ ନରେନ୍ଦ୍ର ମୋଦି କ୍ରିକେଟ ଷ୍ଟାଡିୟମରେ ଭାରତ-ପାକିସ୍ତାନ ମୁହାଁମୁହିଁ ହେବେ । ତେବେ ନରେନ୍ଦ୍ର ମୋଦି କ୍ରିକେଟ ଷ୍ଟାଡିୟମରେ ଭାରତର ପୂର୍ବ ରେକର୍ଡ କିପରି ରହିଛି ତାହା ଜାଣନ୍ତୁ।
ଅହମ୍ମଦାବାଦସ୍ଥିତ ନରେନ୍ଦ୍ର ମୋଦି କ୍ରିକେଟ ଷ୍ଟାଡିୟମରେ ବର୍ତ୍ତମାନ ଯାଏ ଭାରତୀୟ ଟିମ ୧୮ଟି ମ୍ୟାଚ ଖେଳିଛି । ଯେଉଁଥିରେ ୧୦ଟି ମ୍ୟାଚରେ ବିଜୟୀ ହୋଇଥିବା ବେଳେ ୮ଟି ମ୍ୟାଚରେ ପରାସ୍ତ ହୋଇଛି । ଅନ୍ୟପଟେ ପାକିସ୍ତାନ ମଧ୍ୟ ଏହି ଷ୍ଟାଡିୟମରେ ଗୋଟିଏ ମାତ୍ର ଦିନିକିଆ ମ୍ୟାଚ ଖେଳିଛି ଯେଉଁଥିରେ ପାକିସ୍ତାନୀ ଟିମ ବିଜୟ ହାସଲ କରିଛି।
