ରିଆମାଳ, ୧୪।୧୨(ଡି.ଏନ.ଏ)-ଦେବଗଡ଼ ଜିଲା ରିଆମାଳ ଥାନା ଅନ୍ତର୍ଗତ କିର୍ତ୍ତନପାଲି ଗ୍ରାମ(ବାଲିନାଳ) ନିକଟସ୍ଥ ୫୩ ନମ୍ବର ଜାତୀୟ ରାଜପଥରେ ରବିବାର ସନ୍ଧ୍ୟାରେ ଏକ ବାଇକ ଧକ୍କାରେ ଜଣେ ହକି ଖେଳାଳିଙ୍କର ମୃତ୍ୟୁ ଘଟିଛି ା ସେ ହେଲେ ଆଦାମ ଡାଙ୍ଗ(୧୬)। ସେହିପରି ସମ୍ପୃକ୍ତ ବାଇକ ଆରୋହୀଙ୍କ ସମେତ ୪ଜଣ ଆହତ ହୋଇ ଛତାବର ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡିଛି। ରବିବାର ସନ୍ଧ୍ୟା ପ୍ରାୟ ୬ଟାରେ ଚିଙ୍ଗୁଡିଝରଣ ଗ୍ରାମର ଆଦାମ ଡାଙ୍ଗ(୧୬), ସନ୍ତୋଷ କୁଜୁର(୧୯), ପ୍ରତାପ ହସ(୧୭) ଓ କାଳିଆ ହସ(୧୮) ନାମକ ୪ ଜଣ ହକି ଖେଳାଳୀ କିତ୍ତର୍ର୍ନପାଲି ପଡିଆରେ ହକି ଖେଳିସାରି ୫୩ ନମ୍ବର ଜାତୀୟ ରାଜପଥ ଦେଇ ନିଜ ଘରକୁ ଫେରୁଥିଲେ ା ଏହି ସମୟରେ ପଛପଟୁ ଏକ ବାଇକ (ନଂ.ଓଆର୍ ୨୩-୪୨୬୯)ରେ ଆସୁଥିବା ଖଣ୍ଡାଧୁଅଁା ଗ୍ରାମର ସୁଶାନ୍ତ ପ୍ରଧାନ(୨୨)ନାମକ ଜଣେ ଯୁବକ ସେମାନଙ୍କୁ ପଛପଟୁ ଧକ୍କା ଦେବାରୁ ହକି ଖେଳାଳି ଆଦାମ,ସନ୍ତୋଷ,ପ୍ରତାପ ଓ କାଳିଆ ଗୁରୁତର ଆହତ ହୋଇଥିଲେ। ସେହିପରି ବାଇକ ଆରୋହୀ ସୁଶାନ୍ତ ମଧ୍ୟ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ଆହତମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିବାସହ ଚିକିତ୍ସା ନିମନ୍ତେ ଆମ୍ବୁଲାନ୍ସରେ ନିକଟସ୍ଥ ଛତାବର ଡାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ସେଠାରେ ଆଦାମଙ୍କୁ ଡାକ୍ତର ମୃତ ଘୋଷଣା କରିଥିଲେ ା ରିଆମାଳ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବାଇକକୁ ଜବତ କରିଛି। ଏଥିସହ ଏକ ମାମଲା ରୁଜୁକରି ମୃତଦେହ ଜବତ କରିଥିବା ଜଣାପଡିଛି।
