ଧର୍ମଶାଳା,୧୯ ।୧୦: ହିମାଚଳ ପ୍ରଦେଶ ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି(ଭାଜପା) ତା’ର ପ୍ରଥମ ପ୍ରାର୍ଥି ତାଲିକା ଜାରି କରିଛି । ଭାଜପା ପକ୍ଷରୁ ଏହି ପ୍ରାର୍ଥି ତାଲିକାରେ ୬୨ ଜଣଙ୍କ ନାମ ରହିଛି । ମୁଖ୍ୟମନ୍ତ୍ରୀ ଜୟରାମ ଠାକୁର ସିରାଜ ଆସନରୁ ନିର୍ବାଚନ ଲଢିବେ । ଏହି ଆସନରେ ପ୍ରତିଦ୍ୱନ୍ଦିତା ଖୁବ ଗୁରୁତ୍ୱପୂର୍ଣ୍ଣ ହେବ ବୋଲି କୁହାଯାଉଛି । କାରଣ କଂଗ୍ରେସ ବହୁ ପୂର୍ବରୁ ଏଠାରୁ ଚେତରାମ ଠାକୁରଙ୍କୁ ତା’ର ପ୍ରାର୍ଥି ଘୋଷଣା କରି ସାରିଛି । ଏହାପରେ ଏବେ ଭାଜପା ଜୟରାମ ଠାକୁରଙ୍କ ନାମ ଔପଚାରିକ ଭାବେ ଘୋଷଣା କରିଛି । ଭାଜପାର ପ୍ରଥମ ୬୨ ଜଣ ପ୍ରାର୍ଥିଙ୍କ ମଧ୍ୟରେ ୫ ମହିଳା ପ୍ରାର୍ଥୀ ରହିଛନ୍ତି । ଏହାସହ ଅନିଲ ଶର୍ମାଙ୍କୁ ଭାଜପା ମଣ୍ଡି ଆସନରୁ ଟିକେଟ ଦେଇଛି । କାଂଗଡାରୁ ପୱନ କାଜଲଙ୍କୁ ପ୍ରାର୍ଥି କରାଯାଇଛି ।
ସୂଚନାଯୋଗ, କିଛିଦିନ ପୂର୍ବରୁ ହିମାଚଳ ପ୍ରଦେଶ ବିଧାନସଭା ନିର୍ବାଚନ ଲାଗି ତାରିଖ ଘୋଷଣା କରାଯାଇଥିଲା । ଏଠାରେ ୧୨ ନଭେମ୍ବରରେ ଭୋଟ ଗ୍ରହଣ କରାଯିବ ଓ ୮ ଡିସେମ୍ବରରେ ଫଳାଫଳ ଆସିବ ।
