ଶ୍ରୀନଗର,୧୯ ।୧୦: ଜମ୍ମୁ-କଶ୍ମୀର ଶୋପିଆନରେ ସୋମବାର ୨ ଜଣ ଅଣ କଶ୍ମୀର ଶ୍ରମିକଙ୍କୁ ଗ୍ରେନେଡ ପକାଇ ହତ୍ୟା କରାଯାଇଥିଲା । ଏହି ହତ୍ୟା କରିଥିବା ଆତଙ୍କବାଦୀ ଇମରାନ ବଶିର ଗନି ସର୍ଚ୍ଚ ଅପରେଶନ ସମୟରେ ଆତଙ୍କବାଦୀଙ୍କ ଗୁଳିରେ ନିହତ ହୋଇଥିବା ଜଣାପଡିଛି । ଶ୍ରମିକଙ୍କ ହତ୍ୟା ଘଟଣାରେ ସୁରକ୍ଷାକର୍ମୀ ସୋମବାର ରାତିରେ ଇମରାନ ଗନିଙ୍କୁ ଧରିଥିଲେ । ଏହାପରେ ତାଙ୍କୁ ପଚରା ଉଚରା କରାଯିବା ପରେ ଅନ୍ୟ ଆତଙ୍କବାଦୀ ଶିବିର ଉପରେ ରେଡ କରାଯାଇଥିଲା । ତେବେ ପୋଲିସ ଆତଙ୍କବାଦୀଙ୍କ ମଧ୍ୟରେ ହୋଇଥିବା ସଂଘର୍ଷରେ ଅନ୍ୟଜଣେ ଆତଙ୍କବାଦୀଙ୍କ ଗୁଳିରେ ଇମରାନଙ୍କ ମୃତ୍ୟୁ ହୋଇଯାଇଛି ।
ଜମ୍ମୁ-କଶ୍ମୀର ପୋଲିସ ଆତଙ୍କବାଦୀ ଇମରାନଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛି । ପୋଲିସ କହିଛି, ସୁରକ୍ଷାକର୍ମୀଙ୍କ ଏକ ଟିମ ଆତଙ୍କବାଦୀ ଇମରାନଙ୍କୁ ନେଇ ନୌଗାମ ଯାଇଥିଲା ଯେଉଁଠାରେ ଆତଙ୍କବାଦୀଙ୍କ ସହ ସଂଘର୍ଷ ହୋଇଥିଲା । ଏହି ସମୟରେ ଆତଙ୍କବାଦୀଙ୍କ ଗୁଳିରେ ଶ୍ରମିକଙ୍କୁ ଗ୍ରେନେଡ ପକାଇ ହତ୍ୟା କରିଥିବା ଆତଙ୍କବାଦୀ ଇମରାନଙ୍କ ମୃତ୍ୟୁ ହୋଇଥିଲା ।
