ନୂଆଦିଲ୍ଲୀ, ୧୩।୮ : ଦେଶ ଚଳିତ ବର୍ଷ ସ୍ବାଧୀନତାର ୭୫ ତମ ବାର୍ଷିକୀ ପାଳନ କରୁଛି। ତେବେ ଆତଙ୍କବାଦୀମାନେ ଏଥିରେ ବାଧା ସୃଷ୍ଟି କରିବା ଲାଗି ବଡ଼ ଧରଣର ଆକ୍ରମଣ ଷଡ଼ଯନ୍ତ୍ର କରିଥିବା ଗୁପ୍ତଚର ବିଭାଗ ପକ୍ଷରୁ ଇନପୁଟ ମିଳିଛି। ଅଗଷ୍ଟ ୧୫ ପାଇଁ ଗୁପ୍ତଚର ଏଜେନ୍ସିଙ୍କ ପକ୍ଷରୁ ଦିଲ୍ଲୀରେ ଆତଙ୍କବାଦୀ ଆକ୍ରମଣର ହାଇ ଆଲର୍ଟ ଜାରି କରାଯାଇଛି।
ଆଇବି କହିଛି ଯେ ପାକିସ୍ତାନ ସୀମା ଦେଇ ପଞ୍ଜାବ ବାଟେ ଡ୍ରୋନ ମାଧ୍ୟମରେ ବହୁ ଆଇଇଡ଼ି ଭାରତର ବିଭିନ୍ନ ସହରରେ ପହଞ୍ଚିଛି। ନିକଟରେ ପଞ୍ଜାବ ଏବଂ ବିଭିନ୍ନ ରାଜ୍ୟରେ ଗିରଫ ହୋଇଥିବା ଆତଙ୍କବାଦୀମାନେ ପଚରାଉଚରା ବେଳେ କହିଛନ୍ତି ଯେ ଆତଙ୍କବାଦୀ ସଂଗଠନ ଡ୍ରୋନ ମାଧ୍ୟମରେ ଭାରତକୁ ଏସବୁ ପଠାଇଛନ୍ତି।
ଗୁପ୍ତଚର ଏଜେନ୍ସି ଅନୁଯାୟୀ, ଏକେ-୪୭ ସମେତ ଅସ୍ତ୍ରଶସ୍ତ୍ରକୁ ପାକିସ୍ତାନ ଦେଇ ଭାରତର କେତେକ ସ୍ଥାନକୁ ଡ୍ରୋନ ମାଧ୍ୟମରେ ପରିବହନ କରାଯାଇଛି। ଏହା ବ୍ୟତୀତ ଲୋନ ଓ୍ବଲଫ ଆଟାକର ଇନପୁଟ ମଧ୍ୟ ସୁରକ୍ଷା ଏଜେନ୍ସି ଦ୍ୱାରା ଦିଲ୍ଲୀ ପୋଲିସକୁ ଦିଆଯାଇଛି। ଆଇବି ଅନୁଯାୟୀ, ଭିଡ଼ ଭିତରେ ଯେକେହି ଆକ୍ରମଣ କରିପାରନ୍ତି। ଏଭଳି ପରିସ୍ଥିତିରେ ସ୍କ୍ରିନିଂ କରିବା ଏବଂ ଯାଞ୍ଚ ବ୍ୟବସ୍ଥାକୁ କଡ଼ାକଡ଼ି କରିବାକୁ କୁହାଯାଇଛି।
ଗୁଡ଼ି ମାଧ୍ୟମରେ ଆକ୍ରମଣ ହେବା ନେଇ ଆଇବି ଏକ ସତର୍କ ସୂଚନା ଦେଇଛି। ଏହା ସହିତ ଲାଲ କତଲ୍ଲା ଚାରିପାଖରେ ଗୁଡ଼ି ଉଡ଼ା ଉପରେ ସମ୍ପୂର୍ଣ୍ଣ ନିଷେଧାଦେଶ ଏବଂ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି। କୌଣସି ପ୍ରକାରର ଆକ୍ରମଣର ଇନପୁଟ ମଧ୍ୟ ଆଶା ବାଡ଼ି ମାଧ୍ୟମରେ ଦିଆଯାଇଛି। ଗୁପ୍ତଚର ଏଜେନ୍ସି କହିଛି ଯେ କିଛି ସନ୍ଦେହଜନକ ଜିନିଷକୁ ଆଶା ବାଡ଼ିରେ ରଖି କେହି ଆକ୍ରମଣ କରିପାରନ୍ତି, ତେଣୁ ସ୍କ୍ରିନିଂ ବହୁତ ଶକ୍ତିଶାଳୀ ହେବା ଉଚିତ ବୋଲୀ ଇନପୁଟରେ ଉଲ୍ଲେଖ କରାଯାଇଛି।
