ଫୁଲବାଣୀ ଅଫିସ/ତୁମୁଡିବନ୍ଧ, ୨୬।୬: ତୁମୁଡିବନ୍ଧ ବ୍ଲକ ବେଲଘର ପଞ୍ଚାୟତ ବେଲଘର ଉଚ୍ଚ ପ୍ରାଥମିକ ବିଦ୍ୟାଳୟରେ ଗ୍ରାମବାସୀ ଶନିବାର ଶିକ୍ଷୟିତ୍ରୀ ଶିକ୍ଷକଙ୍କୁ ତାଲା ପକାଇଛନ୍ତି। ପ୍ରଧାନଶିକ୍ଷକଙ୍କ ମନମୁଖି କାର୍ଯ୍ୟକଳାପ, ବିଦ୍ୟାଳୟରେ ପିଲମାନଙ୍କୁ ପାଠ ନ ପଢ଼ାଇବା, ବିଦ୍ୟାଳୟକୁ ଠିକ ଭାବେ ନ ଯିବା ଆଦିକୁ ବିରୋଧ କରି ଗ୍ରାମବାସୀ ଏପରି କରିଛନ୍ତି। ପୂର୍ବାହ୍ନ ୧୦ଟାରୁ ସନ୍ଧ୍ୟା ୬ଟା ଯାଏ ଗ୍ରାମବାସୀ ତାଲା ଖୋଲି ନ ଥିଲେ। ବ୍ଲକ ଶିକ୍ଷାଧିକାରୀ ଘଟଣାସ୍ଥଳର ପହଞ୍ଚତ୍ ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେବା ପରେ ଗ୍ରାମବାସୀ ସେମାନଙ୍କୁ ଛାଡ଼ିଥିଲେ ା
ଏହି ବିଦ୍ୟାଳୟରେ ପ୍ରଥମରୁ ୮ମ ପର୍ଯ୍ୟନ୍ତ ଶ୍ରେଣୀ ରହିଛି ା ପାଠ ପଢ଼ିବା ପାଇଁ ୨ଟି ଶ୍ରେଣୀ ଗୃହ ଅଛି ା ଅନେକ ସମୟରେ ପ୍ରଧାନଶିକ୍ଷକ ଦିଲୀପ କୁମାର ମଲ୍ଲିକ ଏବଂ ଅନ୍ୟ ଶିକ୍ଷୟିତ୍ରୀ ଶିକ୍ଷକମାନେ ବିଦ୍ୟାଳୟକୁ ଠିକ୍ ଭାବେ ଆସନ୍ତି ନାହିଁ ା ପିଲାମାନଙ୍କୁ ମଧ୍ୟ ଭଲ ଭାବରେ ପଢ଼ାନ୍ତି ନାହିଁ ା ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଥିଲା ା ଗ୍ରାମବାସୀ ପ୍ରଧାନଶିକ୍ଷଙ୍କ ସମେତ ସମସ୍ତ ଶିକ୍ଷୟିତ୍ରୀ ଶିକ୍ଷକଙ୍କ ବଦଳୀ ଦାବି କରି ଆସୁଥିଲେ ା ହେଲେ ଶିକ୍ଷା ବିଭାଗ ଏହା ଉପରେ କର୍ଣ୍ଣପାତ କଲାନାହିଁ ା ଫଳରେ ବାଧ୍ୟ ହୋଇ ସ୍କୁଲରେ ତାଲା ପକାଇଲୁ ବୋଲି ଗ୍ରାମବାସୀ ତଥା ସରପଞ୍ଚ ଗୋବିନ୍ଦ ମାଝି ପ୍ରକାଶ କରିଛନ୍ତି ା ତୁମୁଡିବନ୍ଧ ବ୍ଲକ ଶିକ୍ଷାଧିକାରୀ ଜଗନ୍ନାଥ ସାହୁ ୫ଦିନ ମଧ୍ୟରେ ଶିକ୍ଷକ ମାନଙ୍କୁ ବଦଳି କରାଯାଇ ନୂତନ ଶିକ୍ଷକଙ୍କୁ ନିଯୁକ୍ତି ଦିଆଯିବ ବୋଲି ଗ୍ରାମବାସୀଙ୍କୁ ପ୍ରତିଶ୍ରୁତି ଦେଇଛନ୍ତି।
