ଝିଅକୁ ବାଜି ଲଗାଇ ବଳାତ୍କାରୀଙ୍କୁ ଧରିଲେ

ଇସ୍‌ଲାମାବାଦ,୧୬ା୧୧: ପାକିସ୍ତାନରୁ ଅଧିକାଂଶ ସମୟରେ ନକାରାମତ୍କ ଖବର ଆସିଥାଏ। ପଡ଼ୋଶୀ ଦେଶର ଆତଙ୍କବାଦ, ବିପର୍ଯ୍ୟସ୍ତ ଆଇନ ଶୃଙ୍ଖଳା ଓ ଦରଦାମ ବୃଦ୍ଧି ଆଦି ଖବର ଭାରତୀୟ ଗଣମାଧ୍ୟମରେ ଶିରୋନାମା ମଣ୍ଡନ କରୁଥିବାବେଳେ ଏବେ ଜଣେ ପୋଲିସ ଅଧିକାରୀଙ୍କ ସାହସିକତା ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି। ଆସିଷ୍ଟାଣ୍ଟ ସବ୍‌ଇନ୍‌ସ୍ପେକ୍ଟର (ଏଏସ୍‌ଆଇ) ଜଣକ ନିଜ ଝିଅକୁ ବାଜି ଲଗାଇ ବଳାତ୍କାରୀମାନଙ୍କୁ ଧରିବାରେ ସଫଳ ହୋଇଛନ୍ତି। ଗତ ୧୦ ତାରିଖରେ ପାକିସ୍ତାନର ସିନ୍ଧ୍‌ ପ୍ରଦେଶରେ ଏହି ବିରଳ ଘଟଣା ଦେଖିବାକୁ ମିଳିଛି।
କେତେଜଣ ଅପରାଧୀ ଜଣେ ମହିଳାଙ୍କୁ ଚାକିରି ପ୍ରଲୋଭନ ଦେଖାଇ କରାଚୀରୁ କାଶ୍‌ମୋରକୁ ଡକାଇଥିଲେ। ମହିଳା ନିଜ ୫ ବର୍ଷର ଝିଅକୁ ଧରି ସେମାନଙ୍କ ପାଖରେ ପହଞ୍ଚତ୍ବା ପରେ ଅସାମାଜିକ ବ୍ୟକ୍ତିମାନେ ଦୁହିଁଙ୍କୁ ଅନେକ ଦିନ ଧରି ଗଣବଳାତ୍କାର କରିଥିଲେ। ସେମାନେ ଧରା ନ ପଡ଼ିବା ପାଇଁ ବାରମ୍ବାର ସ୍ଥାନ ବଦଳାଉଥିଲେ ଓ ମା’ଝିଅଙ୍କୁ ବଳାତ୍କାର କରିଚାଲିଥିଲେ। ବଳାତ୍କାରୀଙ୍କ ବର୍ବରତା ଏତିକିରେ ଥମି ନ ଥିଲା। ସେମାନେ ଝିଅକୁ ଛାଡ଼ିବା ପାଇଁ ବିଚିତ୍ର ସର୍ତ୍ତ ବାଢ଼ିଥିଲେ। ନିଜ ଯୌନ ପିପାସା ମେଣ୍ଟାଇବା ଲାଗି ଅନ୍ୟ ଜଣେ ଝିଅକୁ ଆଣିବା ଲାଗି ମହିଳାଙ୍କ ଉପରେ ଚାପ ପକାଇଥିଲେ। ବଳାତ୍କାର ପୀଡ଼ିତା ଝିଅକୁ ସେମାନେ ବନ୍ଧକ ରଖି ଅନ୍ୟ ଜଣେ ଝିଅକୁ ଆଣିବା ଲାଗି ମହିଳାଙ୍କୁ ଛାଡ଼ିଦେଇଥିଲେ। ମହିଳା ସାହସ ବାନ୍ଧି ସ୍ଥାନୀୟ ଥାନାରେ ପହଞ୍ଚତ୍ବା ପରେ କାନ୍ଦି କାନ୍ଦି ସବୁ କଥା ପୋଲିସକୁ ଜଣାଇଥିଲେ। ଥାନାରେ ଅବସ୍ଥାପିତ ଏଏସ୍‌ଆଇ ମହମ୍ମଦ ବକ୍ସ ବୁରିରୋ ତାଙ୍କ ଦୁଃଖ ଶୁଣିବା ପରେ ଝିଅକୁ ଛଡ଼ାଇବା ପାଇଁ ଉପାୟ ପାଞ୍ଚତ୍ଥିଲେ। ପ୍ରଥମେ ସେ ମହିଳା ପୋଲିସ ସହାୟତାରେ ଅପରାଧୀଙ୍କୁ ଧରିବା ପାଇଁ ଯୋଜନା କରିଥିଲେ। ହେଲେ ମହିଳା ପୋଲିସଙ୍କୁ ନ ପାଇବାରୁ ବଳାତ୍କୃତା ମହିଳାଙ୍କ ସହ ନିଜ ଝିଅକୁ ଛାଡ଼ିବାକୁ ନିଷ୍ପତ୍ତି ନେଲେ। ମହିଳାଙ୍କଠାରୁ ଅପରାଧୀଙ୍କ ଫୋନ୍‌ ନମ୍ବର ନେଇ ନିଜ ଝିଅକୁ ଦେଲେ। ତାଙ୍କ ଝିଅ ବଳାତ୍କାରୀମାନଙ୍କୁ ଫୋନ୍‌ କରି ସେମାନଙ୍କ ନିକଟରେ ଚାକିରି କରିବାକୁ ଚାହୁଁଥିବା କହିଥିଲେ। ଏଥିରେ ବଳାତ୍କାରୀମାନେ ଖୁସିରେ ରାଜି ହୋଇଗଲେ। ଏଏସ୍‌ଆଇ ମହମ୍ମଦ ବକ୍ସଙ୍କ ଝିଅ ସେମାନଙ୍କୁ ଏକ ପାର୍କକୁ ଡାକିଥିଲେ। ରଫିକ୍‌ ମଲକ୍‌ ନାମକ ଜଣେ ଅପରାଧୀ ୫ ବର୍ଷୀୟା ଝିଅକୁ ସାଙ୍ଗରେ ଧରି ସେହି ପାର୍କରେ ପହଞ୍ଚତ୍ଥିଲେ। ପୂର୍ବ ଯୋଜନା ମୁତାବକ କାଶ୍‌ମୋର ଏସ୍‌ପିଙ୍କ ନେତୃତ୍ୱରେ ପୋଲିସ କର୍ମଚାରୀମାନେ ତାଙ୍କୁ ଘେରିଯାଇ କାବୁକରି ନେଇଥିଲେ। ରଫିକ୍‌ଙ୍କ ଗିରଫଦାରି ପରେ ତାଙ୍କଠାରୁ ମିଳିଥିବା ସୂଚନା ଆଧାରରେ ପୋଲିସ ବୁଗ୍‌ତି ନାମକ ଅପରାଧୀଙ୍କୁ ଧରିବା ପାଇଁ ଚଢ଼ାଉ କରିଥିଲା। ଚଢ଼ାଉ ବେଳେ ବୁଗ୍‌ତି ସେମାନଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ। ଗୁଳିମାଡ଼ରେ ରଫିକ୍‌ ମଲକ୍‌ଙ୍କ ମୃତ୍ୟୁ ଘଟିଲା। ହେଲେ ଶେଷରେ ପୋଲିସ ବୁଗ୍‌ତିଙ୍କୁ ଧରିବାରେ ସକ୍ଷମ ହୋଇଥିଲା।
ଏହି ଘଟଣା ପରେ ଏଏସ୍‌ଆଇ ମହମ୍ମଦ ବକ୍ସ ଓ ତାଙ୍କ ଝିଅଙ୍କ ସାହସିକ କାର୍ଯ୍ୟକୁ ସବୁଠି ପ୍ରଶଂସା କରାଯାଉଛି। ସାହସୀ ଏଏସ୍‌ଆଇଙ୍କୁ କ୍ୱାଏଦ୍‌-ଇଆଜମ ପୋଲିସ ମେଡାଲ ଓ ତାଙ୍କ ଝିଅଙ୍କୁ ସର୍ବୋଚ୍ଚ ବେସାମରିକ ସମ୍ମାନ ଦେବା ପାଇଁ ସିନ୍ଧ୍‌ ପ୍ରଦେଶ ଇମ୍ରାନ୍‌ ସରକାରଙ୍କ ନିକଟକୁ ପତ୍ର ଲେଖି ସୁପାରିସ କରିଛି। ସେମାନଙ୍କ ଧୈର୍ଯ୍ୟ ଓ ସାହସକୁ ପ୍ରଶଂସା କରିବା ପାଇଁ ଆମ ପାଖରେ ଭାଷା ନାହିଁ ବୋଲି ସିନ୍ଧ୍‌ ସରକାରଙ୍କ ମୁଖପାତ୍ର ମୁର୍ତାଜା ଓ୍ବାହବ୍‌ କହିଛନ୍ତି। ବଳାତ୍କାର ପୀଡ଼ିତା ମା’ଝିଅଙ୍କୁ ଲର୍କାନାସ୍ଥିତ ସିଭିଲ ହସ୍ପିଟାଲରେ ଚିକିତ୍ସା କରାଯାଉଛି। ନାବାଳିକାଙ୍କ ଚିକିତ୍ସା ଓ ପାଠପଢ଼ା ଖର୍ଚ୍ଚ ବହନ କରିବା ପାଇଁ ସିନ୍ଧ୍‌ ସରକାରଙ୍କ ପକ୍ଷରୁ ବ୍ୟବସ୍ଥା କରାଯାଉଛି। ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଏଏସ୍‌ଆଇ ମହମ୍ମଦ ବକ୍ସଙ୍କୁ ଫୋନ୍‌ କରି ଅପରାଧୀଙ୍କୁ ଧରିବାରେ ବାପ-ଝିଅଙ୍କ ଭୂମିକାକୁ ପ୍ରଶଂସା କରିଛନ୍ତି। ପୋଲିସ କର୍ମଚାରୀଙ୍କ ଉଲ୍ଲେଖନୀୟ ପଦକ୍ଷେପକୁ ନେଇ ସାରା ଦେଶ ଗର୍ବିତ ବୋଲି ଇମ୍ରାନ୍‌ କହିଛନ୍ତି। ଏହାସହ ଖୁବ୍‌ଶୀଘ୍ର ବଳାତ୍କାର ନିରୋଧୀ କଠୋର ଆଇନ ପ୍ରଣୟନ କରାଯିବ ବୋଲି ପ୍ରଧାନମନ୍ତ୍ରୀ ସୂଚନା ଦେଇଛନ୍ତି। ମହମ୍ମଦ ବକ୍ସଙ୍କ ଉପସ୍ଥିତ ବୁଦ୍ଧି ଓ ସାହସିକ କାର୍ଯ୍ୟ କେବଳ ପାକିସ୍ତାନ ନୁହେଁ, ଅନ୍ୟ ରାଷ୍ଟ୍ରର ପୋଲିସ ଅଧିକାରୀମାନଙ୍କ ପାଇଁ ପ୍ରେରଣାଦାୟକ ହୋଇଛି।


Enter your email to get our daily news in your inbox.

All Right Reserved By Dharitri.Com

ମୋଦି-ବିଲ୍‌ ଗେଟ୍ସ ଆଲୋଚନା: ସବୁ ଗାଁରେ ପହଞ୍ଚିବ ଡିଜିଟାଲ୍‌ ସେବା

ନୂଆଦିଲ୍ଲୀ,୨୯ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସଙ୍କ ମଧ୍ୟରେ ଏକ ବଡ଼ ଆଲୋଚନା ହୋଇଛି। ପ୍ରଧାନମନ୍ତ୍ରୀ ବିଲ୍‌ ଗେଟ୍ସଙ୍କୁ କହିଛନ୍ତି,...

ବ୍ରିଜ୍‌ ଉପରୁ ତଳକୁ ଖସିଲା ବସ୍‌: ଚାଲିଗଲା ୪୫ ଜୀବନ

କେପଟାଉନ୍‌,୨୯।୩: ଦକ୍ଷିଣ ଆଫ୍ରିକାର ଏକ ବସ ବ୍ରିଜ୍‌ ଉପରୁ ତଳକୁ ଖସିପଡିଛି। ଅତି କମରେ ୪୫ ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଆଠ ବର୍ଷର...

ଏହି କଥା ନେଇ ଭାବପ୍ରବଣ ହୋଇଗଲେ ବ୍ରିଟେନ ପ୍ରଧାନମନ୍ତ୍ରୀ: କହିଲେ, ମୋ ୨ ଝିଅ…

ଲଣ୍ଡନ,୨୯।୩: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଭାବପ୍ରବଣ ହୋଇପଡିଛନ୍ତି। ସୁନକ କହିଛନ୍ତି ଯେ, ମୋର ଦୁଇ ଝିଅ ଅଛନ୍ତି, କୃଷ୍ଣା (୧୨) ଏବଂ ଅନୁଷ୍କା (୧୧)...

ସମ୍ପୂର୍ଣ୍ଣ ସେନା ପ୍ରତ୍ୟାହାର ଲାଗି ଭାରତ-ଚାଇନା ମଧ୍ୟରେ ଜୋର୍‌ଦାର ଆଲୋଚନା

ନୂଆଦିଲ୍ଲୀ,୨୮।୩: ପୂର୍ବ ଲଦାଖରେ ଦୀର୍ଘଦିନର ସୀମା ବିବାଦ ପରେ ଭାରତ ଏବଂ ଚାଇନାର ଶୀର୍ଷ କୂଟନୀତିଜ୍ଞମାନଙ୍କ ମଧ୍ୟରେ ସାନି ଆଲୋଚନା ଆରମ୍ଭ ହୋଇଛି। ପ୍ରକୃତ ନିୟନ୍ତ୍ରଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

ରାଜକୁମାରୀଙ୍କୁ କ୍ୟାନସର, ତଥାପି ତୁଟୁନି ରାଜ ପରିବାର କଳି

ଲଣ୍ଡନ,୨୮।୩: ବ୍ରିଟିଶ ରାଜ ପରିବାରର ଦୁଇ ଭାଇଙ୍କ ମଧ୍ୟରେ ମତଭେଦ ବଢିବାରେ ଲାଗିଛି। ରାଜକୁମାରୀ କେଟ ମିଡଲେଟନ କ୍ୟାନସର ରୋଗ ସହ ସଂଗ୍ରାମ କରୁଛନ୍ତି। ଏହି...

୭୦ ହଜାର ସରକାରୀ କର୍ମଚାରୀଙ୍କୁ ଛଟେଇ କରିବେ ସରକାର

ନୂଆଦିଲ୍ଲୀ,୨୭।୩: ଦେଶର ଅର୍ଥନୀତିକୁ ସୁଧାରିବା ପାଇଁ ଆଗାମୀ ସମୟରେ ୭୦ ହଜାର କର୍ମଚାରୀଙ୍କୁ ଛଟେଇ କରିବେ ସରକାର। ମାର୍ଚ୍ଚ ୨୬ ରେ ଏକ କାର୍ୟ୍ୟକ୍ରମରେ ସମ୍ବୋଧନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri