ନୂଆଦିଲ୍ଲୀ,୧୦।୧୨: ଭାରତୀୟ ଉଇକେଟକିପର-ବ୍ୟାଟ୍ସମ୍ୟାନ ପାର୍ଥିବ ପଟେଲ କ୍ରିକେଟର ସମସ୍ତ ଫର୍ମାଟରୁ ଅବସର ନେଇଛନ୍ତି। ସେ ଶେଷ ଥର ପାଇଁ ୨୦୧୮ରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ମ୍ୟାଚରେ ଭାରତ ପାଇଁ ଖେଳିଥିଲେ। ପାର୍ଥିବ କ୍ରିକେଟ ବିଦାୟ ଦେବା ପରେ ବୁଧବାର ୨୦୦୩ ବିଶ୍ୱକପ ଭାରତୀୟ ଦଳରୁ ଅବସର ନେଇଥିବା ଶେଷ ଦ୍ୱିତୀୟ ଖେଳାଳି ହୋଇପାରିଛି। ସେହି ଦଳରୁ କେବଳ ଜଣେ ଖେଳାଳି ବାକି ଅଛନ୍ତି, ଯିଏ ଏପର୍ଯ୍ୟନ୍ତ ଅବସର ନେଇ ନାହାଁନ୍ତି ଏବଂ ସେ ହେଉଛନ୍ତି ବୋଲର ହରଭଜନ ସିଂ। ୨୦୦୩ ବିଶ୍ୱକପରେ ହରଭଜନ ସିଂ ଭାରତର ସବୁଠୁ ଭଲ ବୋଲର ବୋଲି ପ୍ରମାଣିତ କରିଥିଲେ। ସେ ୧୦ଟି ମ୍ୟାଚରେ ୧୧ଟି ଉଇକେଟ ନେଇଥିଲେ। ତେବେ ସେ ଦୀର୍ଘ ଦିନ ଧରି ଭାରତ ପାଇଁ ଖେଳି ନାହାଁନ୍ତି ଏବଂ ଏବେ ଖେଳିବାର ସମ୍ଭାବନା ପ୍ରାୟ ସରିଯାଇଛି। ୨୦୧୬ରେ ୟୁଏଇ ବିପକ୍ଷ ଟି -୨୦ ମ୍ୟାଚରେ ହରଭଜନ ଶେଷ ଥର ପାଇଁ ଟିମ ଇଣ୍ଡିଆର ଏକାଦଶ ଖେଳିବାରେ ସ୍ଥାନ ପାଇବାରେ ସକ୍ଷମ ହୋଇଥିଲେ। ସେ ଶେଷ ଥର ପାଇଁ ୨୦୧୫ରେ ଏକଦିବସୀୟ ଏବଂ ଟେଷ୍ଟ ମ୍ୟାଚ ଖେଳିଥିଲେ। ଏହି ଭାରତୀୟ ତାରକା ବୋଲର ୧୦୩ଟି ଟେଷ୍ଟ, ୨୩୬ଟି ଦିନିକିଆ ଏବଂ ୨୮ଟି -୨୦ ମ୍ୟାଚରେ ଭାରତର ପ୍ରତିନିଧିତ୍ୱ କରିଛନ୍ତି। ତାଙ୍କ ପାଖରେ ୪୧୭ଟେଷ୍ଟ ୱିକେଟ, ୨୬୯ଟି ଏକଦିବସୀୟ ଉଇକେଟ ଏବଂ ୨୫ ଟି -୨୦ ଉଇକେଟ ରହିଛି।
ହରଭଜନ ସିଂ ଆଇପିଏଲରେ ଖେଳିବା ଜାରି ରଖିଥିଲେ। ସେ ମୁମ୍ବାଇ ଇଣ୍ଡିଆନ୍ସକୁ ମଧ୍ୟ ପ୍ରତିନିଧିତ୍ୱ କରିଥିଲେ ଏବଂ ୨୦୧୮ ପରଠାରୁ ସେ ଚେନ୍ନାଇ ସୁପର କିଙ୍ଗ୍ସର ଅଂଶ ଅଛନ୍ତି। ତେବେ କରୋନା କାରଣରୁ ସେ ଆଇପିଏଲର ୧୩ ତମ ସିଜିନରୁ ତାଙ୍କ ନାମ ପ୍ରତ୍ୟାହାର କରି ନେଇଥିଲେ। ୨୦୦୩ ବିଶ୍ୱକପ ଦଳର ସମସ୍ତ ଖେଳାଳି ଅବସର ନେଇଛନ୍ତି। ସେହି ଦଳର ଅଧିନାୟକ ସୌରଭ ଗାଙ୍ଗୁଲି ଏବେ ବିସିସିଆଇ ସଭାପତି ହୋଇଥିବାବେଳେ ରାହୁଲ ଦ୍ରାବିଡ ଜାତୀୟ କ୍ରିକେଟ ଏକାଡେମୀର ମୁଖ୍ୟ ଅଟନ୍ତି। ହରଭଜନ ସିଂଙ୍କ ଭବିଷ୍ୟତ ବିଷୟରେ କହିବାକୁ ଗଲେ ସେ ଆଇପିଏଲର ପରବର୍ତ୍ତୀ ସିଜନରେ ଅଂଶଗ୍ରହଣ କରିବେ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
