ନୂଆଦିଲ୍ଲୀ,୭।୧୨: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର ଆଗାମୀ ସଂସ୍କରଣରୁ ଭିନ୍ନ ଅବତାରରେ ନଜର ଆସିବେ ପୂର୍ବତନ ଭାରତୀୟ ଅଫ୍ ସ୍ପିନର ହରଭଜନ ସିଂ। ତାଙ୍କୁ ସପୋର୍ଟ (କୋଚିଂ) ଷ୍ଟାଫ ସଦସ୍ୟ ଭାବେ ଦଳରେ ସାମିଲ କରିବା ପାଇଁ କିଛି ପ୍ରାଞ୍ଚାଇଜ ପକ୍ଷରୁ ପ୍ରସ୍ତାବ ଦିଆଯାଇଛି।
୪୧ ବର୍ଷୀୟ ଭଜି ଗତ ଆଇପିଏଲ ସିଜନରେ କୋଲକାତା ନାଇଟ୍ ରାଇଡର୍ସ (କେକେଆର) ପାଇଁ ପ୍ରାରମ୍ଭିକ ପର୍ଯ୍ୟାୟରେ ଖେଳିଥିଲେ। କିନ୍ତୁ ୟୁଏଇ ଲିଗ୍ରେ ତାଙ୍କୁ ଖେଳିବାକୁ ସୁଯୋଗ ମିଳି ନ ଥିଲା। ଏଣୁ ଆଶା କରାଯାଉଛି, ଆସନ୍ତା ସପ୍ତାହରେ ଭଜି ପ୍ରତିଦ୍ୱନ୍ଦ୍ୱିତା ମୂଳକ କ୍ରିକେଟରୁ ଅବସର ଘୋଷଣା କରି ପାରନ୍ତି। ଏହାପରେ ତାଙ୍କୁ ମିଳିଥିବା ପ୍ରସ୍ତାବ ଉପରେ ବିଚାର କରିବେ।
ତାଙ୍କୁ ପରାମର୍ଶଦାତା, ମେଣ୍ଟର କିମ୍ବା ଉପଦେଷ୍ଟା କମିଟିର ସଦସ୍ୟ ଭାବେ ଫ୍ରାଞ୍ଚାଇଜରେ ସାମିଲ କରାଯାଇପାରେ। ତାଙ୍କ ଅଭିଜ୍ଞତାକୁ ଫ୍ରାଞ୍ଚାଇଜଗୁଡ଼ିକ ଅକଶନରେ ଖେଳାଳିଙ୍କୁ ବାଛିବା ଓ ଦଳ ଚୟନରେ ବ୍ୟବହାର କରିପାରନ୍ତି ବୋଲି ଆଇପିଏଲ ସୂତ୍ରରୁ କୁହାଯାଇଛି।
