ହାଟଡିହୀ,୧୨।୮(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ହାଟଡିହୀ ବ୍ଲକ ଶାଳଣିଆଁ ମଣ୍ଡଳ ଭାଜପା ପକ୍ଷରୁ ବୁଧବାର ‘ହରଘର ତ୍ରିରଙ୍ଗା’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଏକ ବିଶାଳ ବାଇକ୍ ରାଲି ଷଡ଼ଙ୍ଗ ପଞ୍ଚାୟତ କାର୍ଯ୍ୟାଳୟ ନିକଟରୁ ବାହାରି ଗେଡ଼ମା ପଞ୍ଚାୟତ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା। ରାଲିରେ ଅଂଶଗ୍ରହଣକାରୀମାନେ ହାତରେ ତ୍ରିରଙ୍ଗା ପତାକା ଧରି “ଭାରତ ମାତା କି ଜୟ” ସ୍ଲୋଗାନ ଦେଇ ପରିବେଶକୁ ଉତ୍ସାହମୟ କରିଥିଲେ।
ଏହି କାର୍ଯ୍ୟକ୍ରମରେ ଆନନ୍ଦପୁର ବିଧାନସଭା କ୍ଷେତ୍ରର ଭାଜପା ନେତା ଆଲୋକ ସେଠୀ ଯୋଗଦେଇ ତ୍ରିରଙ୍ଗା ଆମ ଦେଶର ଗର୍ବ ଓ ଏକତାର ପ୍ରତୀକ ବୋଲି ଉଦ୍ବୋଧନ ଦେଇଥିଲେ। ଜାତୀୟ ପତାକା ପ୍ରତି ସମ୍ମାନ ଏବଂ ପ୍ରତି ଘରେ ଦେଶଭକ୍ତିର ଭାବନା ସୃଷ୍ଟି କରିବା ହେଉଛି ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ବୋଲି ସେ ମତବ୍ୟକ୍ତ କରିଥିଲେ।
ଏହି କାର୍ଯ୍ୟକ୍ରମରେ ମଣ୍ଡଳ ପ୍ରଭାରୀ ଯୁଧିଷ୍ଠିର ମଲ୍ଲିକ, ମଣ୍ଡଳ ସଭାପତି ଜଗନ୍ନାଥ ବାରିକ, ଯୁବ ମୋର୍ଚା ଜିଲା ସମ୍ପାଦକ ଅବିନାଶ ସେଠୀଙ୍କ ସମେତ ସୁରେନ୍ଦ୍ର କାଣ୍ଡି, ଅନ୍ତର୍ଯ୍ୟାମୀ ଖଣ୍ଡେଇ, ଶିଲାରାଣୀ କାଣ୍ଡି, ବାବୁଲା କାଣ୍ଡି, ତାରିଣୀ ସେନାପତି, ଯୋଗେନ୍ଦ୍ର ବେହେରା, ମଣି ଚରଣ ଜେନା, ଅଭିନାଶ ସେନାପତି, ସୁଶାନ୍ତ କୁମାର ଜେନା, ଅମ୍ଲାନ ନାୟକ, ଦେବାଶିଷ ବେହେରା, ଆଲୋକ ଦାସ, ସୁଧାଂଶୁ ବେହେରା, ଅଧର ବେହେରା, ରମାକାନ୍ତ ନାୟକ, ରମାକାନ୍ତ ସାହୁ, କହ୍ନେଇ ଦାସ, ଦେବନି ପାତ୍ର, ସୁରେନ୍ଦ୍ର ଦାସ, ପ୍ରବୀର ନାୟକ, ରବୀନ୍ଦ୍ର ମଲ୍ଲିକ, ମଣି ଚରଣ ନାୟକ, ରୁଦ୍ର ନାରାୟଣ ଜେନା ଏବଂ ଚାନ୍ଦମଣୀ ତରେଇ ପ୍ରମୁଖଙ୍କ ସମେତ ବହୁ ସଂଖ୍ୟାରେ ଭାଜପା କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
