ମୁମ୍ବାଇ: ବଲିଉଡ୍ର ନାମୀ ଡ୍ୟାନ୍ସର ଭାବେ ପରିଚିତ ହୋଇଥିବା ନୋରା ଫତେହି ୨୯ ବର୍ଷ ବୟସରେ ପଦାର୍ପଣ କରିଛନ୍ତି । ଏବେ ଅଧିକାଂଶ ଦର୍ଶକ ନୋରାଙ୍କ ଡ୍ୟାନ୍ସର ଦିୱାନା ପାଲଟି ଯାଇଛନ୍ତି । ଫିଲ୍ମରେ ଆଇଟମ ସଙ୍ଗଠାରୁ ଆରମ୍ଭ କରି ରିୟଲିଟି ଶୋ’ର ଜଜେସ ଆସନରେ ବସି ସାରିଛନ୍ତି ନୋରା । ଫେବୃୟାରୀ ୬, ୧୯୯୨ରେ ସେ କାନାଡାରେ ଜନ୍ମ ଗ୍ରହଣ କରିଥିଲେ । ନୋରା ଏକାଧାରାରେ ଜଣେ ଅଭିନେତ୍ରୀ, ଡ୍ୟାନ୍ସର ଓ ମଡେଲ । ବିଶେଷ ଭାବେ ସେ ତାଙ୍କ ବେଲି ଡ୍ୟାନ୍ସ ପାଇଁ ବେଶ୍ ପରିଚିତ । ସେ ସୋସିଆଲ ମିଡିଆରେ ବି ଖୁବ୍ ଆକ୍ଟିଭ । ସେ ବଲିଉଡରେ ତାଙ୍କ କ୍ୟାରିୟର ଫିଲ୍ମ ‘ରୋର: ଟାଇଗର ଅଫ୍ ଦ ସୁନ୍ଦରବନ’ରୁ ଆରମ୍ଭ କରିଛନ୍ତି । ଏହାପରେ ତାଙ୍କୁ ଟଲିଉଡରେ ବି ସୁଯୋଗ ମିଳିଛି । ବିଗ୍ ବସ୍-୯ରେ ନୋରା ନଜର ଆସିଥିଲେ । ଏହାପରେ ସେ ହୋଇଥିଲେ ଫେମଶ । ଏହାପରେ ୨୦୧୬ରେ ରିୟଲିଟି ଶୋ’ ଝଲକ ଦିଖ ଲାଜା ତାଙ୍କୁ ଆଣି ଦେଇଥିଲା ଭିନ୍ନ ପରିଚୟ । ଏଥିରେ ତାଙ୍କ ଡ୍ୟାନ୍ସ ଟ୍ୟାଲେଣ୍ଟ ଦେଖିବାକୁ ମିଳିଥିଲା । ସେ ଇଂରାଜୀ ଓ ହିନ୍ଦୀ ବ୍ୟତିତ ଫ୍ରେଞ୍ଜ ଓ ଆରବି ଭାଷା କହିପାରନ୍ତି । ସେ ମାର୍ଶାଲ ଆର୍ଟ ବି ଜାଣନ୍ତି । ସେ ଅଭିନେତ୍ରୀ ଦିଶ।। ପାଟନୀଙ୍କ ଡ୍ୟାନ୍ସ ଟିଚର ଭାବେ କାମ କରିଛନ୍ତି । କ୍ରିକେଟରେ ରୁଚି ରଖୁଥିବା ନୋରା ସଚ୍ଚିନଙ୍କର ଜଣେ ବଡ ଫ୍ୟାନ ହୋଇଥିବା ବେଳେ ଯୁବରାଜଙ୍କର ଫ୍ରେଣ୍ଡ । ନୋରା ଯେତେବେଳେ କାନାଡାରୁ ଭାରତ ଆସିଥିଲେ ସେତେବେଳେ ସେ ମାତ୍ର ୫ହଜାର ଟଙ୍କା ନେଇ ଆସିଥିବା କୁହାଯାଏ । ହେଲେ ଏବେ ସେ କୋଟି ପତି ପାଲଟି ଗଲେଣି । ନିକଟରେ ତାଙ୍କର ଏକ ମ୍ୟୁଜିକ ଭିଢିଓ ରିଲିଜ ହୋଇଥିବା ବେଳେ ସେ ଆଗାମୀ ଦିନରେ ‘ଭୁଜ: ଦପୟାଇଡ ଅଫ୍ ଇଣ୍ଡିଆ’ରେ ନଜର ଆସିବେ ।
