ମୁମ୍ବାଇ: ଅଭିନେତ୍ରୀ ହଂସିକା ମୋଟୱାନୀ ଏବେ ନିଜ ବିବାହକୁ ନେଇ ରହୁଛନ୍ତି ଚର୍ଚ୍ଚାରେ । ଡିସେମ୍ବର ୪ରେ ସେ ସୋହେଲ କଥୁରିୟାଙ୍କୁ ବିବାହ କରିବାକୁ ଯାଉଛନ୍ତି । ପ୍ରି ୱେଡିଂ ଫଙ୍କସନ ଏବେ ଯୋରସୋରରେ ଚାଲିଛି । ହଂସିକା ବିବାହକୁ ନେଇ କେତେ ଏକ୍ସାଇଟେଡ ଅଛନ୍ତି ସୋସିଆଲ ମିଡିଆରେ ତାଙ୍କ ଫଟୋ ଦେଖିବା ପରେ ଏହା ସହଜରେ ଅନୁମାନ କରାଯାଇ ପାରୁଛି । ଏବେ ହଂସିକା ତାଙ୍କ ଇନଷ୍ଟାଗ୍ରାମରେ ବ୍ୟାଚେଲର ପାର୍ଟିର ଏକ ଭିଡିଓ ଶେୟାର କରିଛନ୍ତି । ଏଥିରୁ ସ୍ପଷ୍ଟ ବାରି ହେଉଛି କି ହଂସିକା ବିବାହକୁ ନେଇ କେତେ ଖୁସି ଅଛନ୍ତି । ଭିଡିଓରେ ହଂସିକା ଧଳା ରଙ୍ଗର ରେଶମ ଡ୍ରେସରେ ନଜର ଆସିଛନ୍ତି, ଯାହା ଉପରେ ଦୁହ୍ଲନ ଅର୍ଥାତ୍ ବ୍ରାଇଡ ଲେଖାଯାଇଛି । ଭିଡିଓରେ ଆରମ୍ଭରେ ‘ଦିନ ଶଗନା ଦା’ ଗୀତରୁ ଆରମ୍ଭ ହୋଇଛି । ଏଠାରେ ତାଙ୍କର ବ୍ରାଇସମେଡସ୍ କଷ୍ଟମାଇଜ୍ଡ ବ୍ଲାକ ଗାଉନରେ ନଜର ଆସିଛନ୍ତି । ପରେ ହଂସିକା ଧଳା ସିକ୍ୱିନ ବାଲା ମିନି ସ୍କଟ ଓ କ୍ରପ୍ଡ ଧଳା ରଙ୍ଗର ଶର୍ଟରେ ପାଟିରେ ପହଞ୍ଚୁଥିବା ଦେଖାଯାଇଛି । ଭିଡିଓରେ ଅଭିନେତ୍ରୀ ବାନ୍ଧବୀମାନଙ୍କ ସହ ମସ୍ତି ଭରା ଟ୍ରିପର ଝଲକରେ ଦେଖାଯାଇଛନ୍ତି । ବ୍ୟାଚେଲର ପାର୍ଟିରେ ବି ହଂସିକା ଭଲ ଟାଇମ କଟାଇଛନ୍ତି । ତେବେ ଏହି ପାଟଇର୍କୁ ତାଙ୍କ ବନ୍ଧୁମାନେ ହୋଷ୍ଟ କରିଥିଲେ ।
