ଗଙ୍ଗାବାଡ଼ରେ ସରକାରୀ ଯୋଜନା ସାତସପନ

ପାରଳାଖେମୁଣ୍ଡି,୧୩।୩ (ଡି.ଏନ୍‌.ଏ): ଗଜପତି ଜିଲା ଗୋଷାଣୀ ବ୍ଲକ ରମ୍ପା ପଞ୍ଚାୟତ ଅନ୍ତର୍ଗତ ଗଙ୍ଗାବାଡ ଗ୍ରାମ ଏବେ ବି ଅପହଞ୍ଚ ହୋଇପଡିଛି। ରାସ୍ତାଘାଟ ନ ଥିବାରୁ ନିଜ ନିଜ ପିଲାମାନଙ୍କୁ ଗ୍ରାମବାସୀ ପାଠପଢାରେ ଡୋରି ବାନ୍ଧିଛନ୍ତି। ବ୍ଲକର ଦୁର୍ଗମ ତଥା ଅପହଞ୍ଚ ଇଲାକା ଭାବେ ରମ୍ପା ପଞ୍ଚାୟତରେ ଏହି ଗଙ୍ଗାବାଡ ଗ୍ରାମ ରହିଛି । ୩୦ରୁ ଊର୍ଦ୍ଧ୍ୱ ଘର ଏବଂ ୧୬୦ରୁ ଊର୍ଦ୍ଧ୍ୱ ଜନସଂଖ୍ୟା ବିଶିଷ୍ଟ ଏହି ଗ୍ରାମରେ ସରକାରୀ ଯୋଜନା ପହଞ୍ଚିବା ଏକ ପ୍ରକାର କଷ୍ଟସାଧ୍ୟ ହେଉଛି। ଗ୍ରାମବାସୀମାନେ ମୁଖ୍ୟକରି ଜଙ୍ଗଲ ଜାତ ଦ୍ରବ୍ୟ କିମ୍ବା ଦିନ ମଜୁରିଆ ଭାବେ କାମ କରୁଛନ୍ତି। ଗ୍ରାମକୁ ମୁଖ୍ୟରାସ୍ତାଠାରୁ ରାସ୍ତାଘାଟ ନ ଥିବାରୁ ଲୋକେ ନିଜ ନିଜ ପିଲାଛୁଆଙ୍କୁ ପାଠ ପଢାରେ ଏକ ପ୍ରକାର ଡୋରି ବାନ୍ଧୁଛନ୍ତି। ଗ୍ରାମର ପିଲାମାନେ ଛେଳି ଚରାଇବା କିମ୍ବା ପରିବାରଜନଙ୍କୁ କାର୍ଯ୍ୟରେ ସହାୟତା କରୁଥିବାର ପ୍ରକାଶ କରିଛନ୍ତି। ପାଠପଢା ବିଷୟରେ ପଚାରିଲେ କହୁଛନ୍ତି ଯେ, ରାସ୍ତାଘାଟ ନ ଥିବା ଏବଂ ୭ରୁ ୮କିମି ରାସ୍ତା ଅତିକ୍ରାନ୍ତ କଲେ ବିଦ୍ୟାଳୟ ରହିଛି। ଆଉ ଏହି ବନଘେରା, ଘାଟି ସାଙ୍ଗକୁ କଦର୍ଯ୍ୟମୟ ରାସ୍ତାରେ ଚାଲି ଚାଲି ଯିବା ଅସମ୍ଭବ ଓ ସୁରକ୍ଷା ନଥିବାରୁ ପାଠ ପଢାରୁ ବାଦ୍‌ ପଡିଛୁ। ପରିଜନମାନେ ୭ରୁ୮ କିମି ଦୂରରେ ଥିବା ଦେଉଳା ଗ୍ରାମଠାରେ ଥିବା ବିଦ୍ୟାଳୟକୁ ଛାଡିବାକୁ ଅମଙ୍ଗ ହେଉଛନ୍ତି । ହାତଗଣତି ପିଲାମାନେ ବିଦ୍ୟାଳୟରେ ପଢୁଛନ୍ତି। ଦେଉଳା ଠାରେ ଥିବା ଛାତ୍ରାବାସରେ କେବଳ ଛାତ୍ରଙ୍କ ଲାଗି ହଷ୍ଟେଲ ସୁବିଧା ଅଛି, ହେଲେ ଛାତ୍ରୀମାନଙ୍କ ଲାଗି ହଷ୍ଟେଲ ନ ଥିବାରୁ ଗ୍ରାମର ପ୍ରାୟ ବାଳିକାମାନେ ପଢିବା ପାଇଁ ମନସ୍ତ କରିଥିଲେ ମଧ୍ୟ ପାହାଡିଆ ଅଙ୍କାବଙ୍କା ରାସ୍ତା ସାଙ୍ଗକୁ ଜଙ୍ଗଲି ଜନ୍ତୁଙ୍କୁ ଭୟ କରୁଛନ୍ତି। ଏପରି କାରଣ ଯୋଗୁ ଅଭିଭାବକମାନେ ପିଲାମାନଙ୍କୁ ଛାଡିବାକୁ ମଙ୍ଗୁନାହାନ୍ତି । ତଥାପି ଗ୍ରାମର ପ୍ରାୟ ୫ରୁ୬ଜଣ ବାଳିକା ଦୈନନ୍ଦିନ ଏହି ପାହାଡିଆ ତଥା ବନଘେରା ରାସ୍ତା ଦେଇ ପାଦଚଲାରେ ଦେଉଳାଠାରେ ଥିବା ବିଦ୍ୟାଳୟରେ ପଢୁଛନ୍ତି। ସେହିପରି କେତେକ ହାତଗଣତି ପିଲାମାନେ ଗୁରାଣ୍ଡିଠାରେ ଥିବା କଲେଜରେ ପଢୁଛନ୍ତି। ସେଠାରେ ମଧ୍ୟ କେବଳ ଛାତ୍ରଙ୍କ ଲାଗି ଛାତ୍ରାବାସ ରହିଛି । ଛାତ୍ରୀବାସ ନ ଥିବାରୁ କଲେଜରେ ଛାତ୍ରୀମାନଙ୍କ ସଂଖ୍ୟା ନଥିବାର ଜଣାପଡିଛି ।

ସୂଚନାଯୋଗ୍ୟ, ଗଙ୍ଗାବାଡ ଗ୍ରାମ ଦେଉଳା ଗ୍ରାମ ଠାରୁ ୭ରୁ୮କିମି ମଧ୍ୟରେ ରହିଛି । ଦେଉଳାଠାରୁ ଏହି ଗ୍ରାମକୁ ଯିବାକୁ ହେଲେ କେବଳ ବାଇକ ଛଡା ଅନ୍ୟ କୌଣସି ଯାନବାହନ ଯିବାର ପ୍ରଶ୍ନ ଉଠୁନି । ମାଟି ପଥୁରିଆ ରାସ୍ତା ସାଙ୍ଗକୁ ବିପଦପୂର୍ଣ୍ଣ ଘାଟି ରହିଛି । ଏନେଇ ସ୍ଥାନୀୟ ଜନପ୍ରତିନିଧିଙ୍କଠାରୁ ଆରମ୍ଭ କରି ଜନସାଧାରଣ ବାରମ୍ବାର ବ୍ଲକ ଓ ଜିଲ୍ଲା ପ୍ରଶାସନକୁ ଅବଗତ କରଇଛନ୍ତି । ହେଲେ ଫଳ ଶୂନ୍ୟ। ଗ୍ରାମବାସୀ କହିବା ମୁତାବକ, ଗ୍ରାମରେ ଜରୁରିକାଳୀନ ପରିସ୍ଥିତି ତଥା ବିଶେଷ କରି ପ୍ରସୂତିଙ୍କୁ ନେବା କିମ୍ବା ରୋଗୀଙ୍କୁ ନେବା ଆଣିବା ପାଇଁ ଦୋଳା ହିଁ ସାହା ଭରସା। ଯଦି କେହି ଗର୍ଭବତୀ ହୁଅନ୍ତି ଦେଉଳା ଗ୍ରାମରେ ଥିବା ସମ୍ପର୍କୀୟଙ୍କ ଘରେ ରହିଥାନ୍ତି । କାରଣ ଦେଉଳା ଗ୍ରାମଠାରୁ ଯାତାୟାତ କରିବାର ସୁବିଧା ସୁଯୋଗ ରହିଛି । ଦୁର୍ଗମ ଅଞ୍ଚଳରେ ରହିଥିବାରୁ ପ୍ରଶାସନିକ ଅଧିକାରୀମାନେ ପାଦ ପକାଇବା ତ ଦୂରର କଥା ଆଡଆଖିରେ ଦୃଷ୍ଟି ମଧ୍ୟ ପକାଉ ନାହାନ୍ତି। ଲିଖିତ ଭାବେ ସମସ୍ୟା ଜଣାଇଲେ ଅଧିକାରୀମାନେ କେବଳ ମୌଖିକ ଭାବେ ସମସ୍ୟା ଦୂରକରାଯିବ ବୋଲି ପ୍ରତିଶ୍ରୁତି ମିଳୁଥିବାର ଜଣାଇଛନ୍ତି। ସେହପରି ରାଶନ ଆଣିବାକୁ ହେଲେ ପ୍ରତ୍ୟେକ ମାସରେ ପଞ୍ଚାୟତ ସଦର ମହକୁମା ରମ୍ପା ଗ୍ରାମକୁ ଯିବାକୁ ପଡେ । ଏଠାକାର ଲୋକେ ସକାଳୁ ପାଦଚଲା ବନ ଘାଟି ରାସ୍ତା ପାର କରି ଦେଉଳା ଗ୍ରାମରେ ପହଞ୍ଚିଥାନ୍ତି। ପରେ ବିଭିନ୍ନ ଯାନବାହନ ସାହଯ୍ୟରେ ଏଗଁାରୁ ରମ୍ପାଠାରେ ପହଞ୍ଚି କାର୍ଯ୍ୟ ସମ୍ପାଦନ କରି ସଞ୍ଜ ସମୟରେ ଗ୍ରାମକୁ ଫେରିଥାନ୍ତି। ୨୦୧୮ରେ ତିତ୍‌ଲି ମହାବାତ୍ୟାରେ ଏହି ଗ୍ରାମରେ ବ୍ୟାପକ ଘର ନଷ୍ଟ ହୋଇଥିଲା । ଏହାକୁ ଲକ୍ଷ୍ୟକରି ଜିଲା ପ୍ରଶାସନ ଏକ ସମତୁଲ ସ୍ଥାନରେ ୮ଟି ବିଜୁ ପକ୍କାଘର ନିର୍ମାଣ କରିଛନ୍ତି। ହେଲେ କୌଣସି ଲୋକେ ବାସ କରୁ ନ ଥିବାର ଦେଖିବାକୁ ମିଳିଛି । ମୁଖ୍ୟ କରି ରାସ୍ତା ନ ଥିବାରୁ ଗ୍ରାମବାସୀ ଏକ ପ୍ରକାର ଅଭିଶପ୍ତ ଜୀବନ ବିତାଉଥିବାର ପ୍ରକାଶ କରିଛନ୍ତି । ସ୍ଥାନୀୟ ପ୍ରଶାସନ କିମ୍ବା ଜିଲା ପ୍ରଶାସନ ଗଙ୍ଗାବାଡ ପ୍ରତି ଦୃଷ୍ଟି ଦେଇ ସମସ୍ୟାର ସମାଧାନ କରିବାକୁ ଗ୍ରାମବାସୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମାଲେସିଆକୁ ୪-୧ରେ ହରାଇଲା ଭାରତ, ପଦାର୍ପଣ ମ୍ୟାଚ୍‌କୁ ସ୍ମରଣୀୟ କଲେ ଓଡ଼ିଆ ଝିଅ ପୂଜା

ଭୋପାଳ,୧୯।୧୧: ଡିଫେଣ୍ଡିଂ ଚାମ୍ପିୟନ ଭାରତ ଚଳିତ ମହିଳା ଏସିଆନ ଚାମ୍ପିୟନ୍ସ ଟ୍ରଫିରେ ବିଜୟ ସହ ଅଭିଯାନ ଆରମ୍ଭ କରିଛି। ଗୁରୁବାର ଖେଳାଯାଇଥିବା ପ୍ରଥମ ମ୍ୟାଚ୍‌ରେ ଭାରତ ୪-୧…

ଖେଳିବା ଥିଲା ସହଜ, ଏବେ ପ୍ରକୃତ ପରୀକ୍ଷା ଆରମ୍ଭ ହେବ, ଧୋନିଙ୍କ ମେଣ୍ଟର ହେବା ଉପରେ ସେହୱାଗ କହିଲେ…

ନୂଆଦିଲ୍ଲୀ,୧୯।୧୧: ମହେନ୍ଦ୍ର ସିଂହ ଧୋନି IPL 2027 ପାଇଁ ଚେନ୍ନାଇ ସୁପର କିଙ୍ଗ୍ସ (CSK) ର ମେଣ୍ଟର (ପରାମର୍ଶଦାତା) ହୋଇଛନ୍ତି। ମଙ୍ଗଳବାର (ନଭେମ୍ବର ୧୭) ଫ୍ରାଞ୍ଚାଇଜ ଘୋଷଣା…

ଅଭିନେତା ସୈଫ ଅଲ୍ଲୀ ଖାନଙ୍କୁ ହତ୍ୟା ଧମକ

ମୁମ୍ବାଇ, ୧୯ା୧୧: ବଲିଉଡ୍‌ ଅଭିନେତା ସୈଫ ଅଲ୍ଲୀ ଖାନଙ୍କୁ ମିଳିଛି ହତ୍ୟା ଧମକ। ହତ୍ୟା ଧମକ ପରେ ମୁମ୍ବାଇ ପୋଲିସ ତଦନ୍ତ ଆରମ୍ଭ କରିଛି। ଅଭିନେତାଙ୍କ ଫୋନକୁ…

ବାତ୍ୟା ‘ଅକ୍ୱାନ’ ମୁକାବିଲା: ଗୁଡାରି ବ୍ଲକରେ ୩ଟି ଅସ୍ଥାୟୀ ଆଶ୍ରୟସ୍ଥଳୀରେ ୫୯ ଜଣ ସ୍ଥାନାନ୍ତରିତ; ମା’ ଗୃହରେ ୩ ପ୍ରସୂତିଙ୍କ ସଫଳ ପ୍ରସବ

ଗୁଡାରି, ୧୯।୧୧ (ପ୍ରମୋଦ କୁମାର ପତି): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ପାଇଁ ଗୁଡାରି ବ୍ଲକ ପ୍ରଶାସନ ପକ୍ଷରୁ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଗୁରୁବାର…

Hong Kong Sixes 2026ରୁ ମିଳିଥିବା ସମସ୍ତ ଆୟକୁ ଏହି ସଂସ୍ଥାକୁ ଦାନ କରିଛି BCCI; ସମ୍ପାଦକ ଦେବଜିତ ସାଇକିଆ କହିଲେ ଏହାର କାରଣ

ନୂଆଦିଲ୍ଲୀ,୧୯।୧୧: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) ‘ହଂକଂ ସିକ୍ସେସ’ (Hong Kong Sixes) ଟୁର୍ଣ୍ଣାମେଣ୍ଟରୁ ମିଳିଥିବା ଆୟକୁ ଦାନ କରିବାକୁ ନିଷ୍ପତ୍ତି ନେଇଛି। ବୋର୍ଡ ଏହି…

ବାତ୍ୟା ‘ଅକ୍ୱାନ’ ପାଇଁ ସଜାଗ ଗଞ୍ଜାମ ଏନ୍‌ଏସି: ଥଇଥାନ ବ୍ୟକ୍ତିଙ୍କୁ କମ୍ବଳ ବାଣ୍ଟିଲେ ଇଓ, ୧୦୨ ଜଣଙ୍କୁ ଦିଆଯାଉଛି ରନ୍ଧା ଖାଦ୍ୟ

ଗଞ୍ଜାମ, ୧୯।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ବେଳକୁ ବେଳ ଉଗ୍ର ରୂପ ଧାରଣ କରୁଥିବା ବେଳେ ଆସନ୍ତାକାଲି ପୂର୍ବାହ୍ନରେ ଏହା ସ୍ଥଳଭାଗ ଛୁଇଁବ ବୋଲି…

କେନ୍ଦୁଝରରେ ଛୁଟି ଘୋଷଣା କଲେ ଜିଲାପାଳ

କେନ୍ଦୁଝର/ବଞ୍ଚୋ,୧୯।୧୧(ନରେଶ ପଟ୍ଟନାୟକ/ପ୍ରଦୋଷ ବିଶ୍ୱାଳ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ପ୍ରଭାବ ଏବଂ ଭାରତୀୟ ପାଣିପାଗ ବିଭାଗର ସତର୍କ ସୂଚନାକୁ ଦୃଷ୍ଟିରେ ରଖି କେନ୍ଦୁଝର ଜିଲା ପ୍ରଶାସନ ପକ୍ଷରୁ ଏକ…

କେନ୍ଦ୍ରାପଡ଼ାକୁ ରେଡ୍‌ ଓ୍ବାର୍ନିଂ: ରାଜକନିକାରେ ଆଶ୍ରୟସ୍ଥଳୀକୁ ଗଲେ ୩,୬୦୦ ଲୋକ, ଗ୍ରାଉଣ୍ଡ ଜିରୋରେ…

ରାଜକନିକା, ୧୯।୧୧ (ସଞ୍ଜୟ କୁମାର ଦାଶ): ବଙ୍ଗୋପସାଗରରେ ସୃଷ୍ଟି ହୋଇ ଭୀଷଣ ରୂପ ନେଇଥିବା ସମ୍ଭାବ୍ୟ ବାତ୍ୟା ‘ଅକ୍ୱାନ’ ଓଡ଼ିଶା ଉପକୂଳ ମୁହାଁ ହୋଇଛି। ଏହା ଆସନ୍ତାକାଲି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?