ସିମଲା,୩୧।୧: କୋଭିଡ୍ ସଂକ୍ରମଣ କମୁଥିବା ବେଳେ ହିମାଚଳପ୍ରଦେଶର ସରକାର ଫେବୃୟାରୀ ୩ରୁ ନବମରୁ ଦ୍ୱାଦଶ ଛାତ୍ରୀଛାତ୍ରଙ୍କ ପାଇଁ ସ୍କୁଲ୍ ଖୋଲିବାକୁ ନିଷ୍ପତ୍ତି ନେଇଛନ୍ତି। ସେହିପରି କୋଚିଂ କ୍ଲାସ, ଲାଇବ୍ରେରୀ, ଜିମ୍ ଏବଂ କ୍ଲବ୍ ଖୋଲିବାକୁ ମଧ୍ୟ ନିଷ୍ପତ୍ତି ନିଆଯାଇଛି। ତେବେ ସୋମବାର ସିିମଲାରେ ମୁଖ୍ୟମନ୍ତ୍ରୀ ଜୟ ରାମ ଠାକୁରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ଏହି ନିଷ୍ପତ୍ତି ନିଆଯାଇଛି। ତେବେ ରାତି ୧୦ ଟାରୁ ସକାଳ ୬ଟା ପର୍ଯ୍ୟନ୍ତ ରାଜ୍ୟବ୍ୟାପୀ କର୍ଫ୍ୟୁ ଜାରି ରହିବ।
ଅନ୍ୟପକ୍ଷରେ, ହିମାଚଳ ପ୍ରଦେଶ ସରକାର ବର୍ତ୍ତମାନ ବାହାଘର ପାଇଁ ସର୍ବାଧିକ ୫୦୦ ଲୋକ ଏବଂ ଇନଡୋର ଇଭେଣ୍ଟ ପାଇଁ ୨୫୦ ଜଣଙ୍କ ସମାବେଶକୁ ଅନୁମତି ଦେଇଛନ୍ତି। ତେବେ କୋଭିଡ୍ ପ୍ରୋଟୋକଲଗୁଡ଼ିକୁ ମାନିବା ଆବଶ୍ୟକ । ରାଜ୍ୟରେ ଥିବା ସରକାରୀ କାର୍ଯ୍ୟାଳୟଗୁଡ଼ିକ ବର୍ତ୍ତମାନ ଶତପ୍ରତିଶତ କ୍ଷମତା ସହିତ ସପ୍ତାହରେ ଛଅ ଦିନ କାର୍ଯ୍ୟ କରିବେ। ରାଜ୍ୟରେ କୋଭିଡ୍ ମାମଲା ବଢୁଥିବାରୁ ଏହାପୂର୍ବରୁ ସରକାରୀ କାର୍ଯ୍ୟାଳୟଗୁଡିକରେ ୫୦% କ୍ଷମତା ସହିତ ସପ୍ତାହରେ ପାଞ୍ଚ ଦିନ କାର୍ଯ୍ୟ କରିବାକୁ ନିର୍ଦ୍ଦେଶ ଦିଆଯାଇଥିଲା।
