ନୂଆଦିଲ୍ଲୀ, ୭ା୨: ଗତ କିଛିବର୍ଷ ହେବ ସୁନା ଆମଦାନୀ ଭାରତରେ ବୃଦ୍ଧି ପାଇଛି। ଏହାର ପ୍ରଭାବ ମଧ୍ୟ ବଜାର ଉପରେ ପଡୁଥିବା ଦେଖିବାକୁ ମିଳିଛି। ୨୦୨୧ରେ ସୁନା ବିନିମୟ ବାଣିଜ୍ୟ ପାଣ୍ଠି (ଇଟିଏଫ୍) ବଜାର ସପକ୍ଷରେ ରହିଥିଲା। ଏହାଦ୍ୱାରା ଦେଶର ମୁଦ୍ରାସ୍ଫୀତି ବୃଦ୍ଧି ସହ ବଜାର ମୂଲ୍ୟ ବୃଦ୍ଧିରେ ମଧ୍ୟ ସହାୟ ହୋଇଥିଲା। ଗତବର୍ଷ ଏହି ସେଗ୍ମେଣ୍ଟ ୪,୮୧୪ କୋଟି ଟଙ୍କାର ବଜାର ମୂଲ୍ୟକୁ ଆକର୍ଷିତ କରିଥିଲା। ଫଳରେ ୨୦୨୦ରେ ଦେଖାଯାଇଥିବା ୬,୬୫୭ କୋଟି ତୁଳନାରେ ଏହାର ପ୍ରବାହ କମ୍ ଥିଲା ବୋଲି ଆସୋସିଏଶନ୍ ଅଫ୍ ମ୍ୟୁଚୁଆଲ୍ ଫଣ୍ଡସ୍ ଅଫ୍ ଇଣ୍ଡିଆ (ଆମ୍ଫି) ପକ୍ଷରୁ ବିସ୍ତୃତ ସୂଚନା ଦିଆଯାଇଛି। ବିଶ୍ୱର ପୁନରୁଦ୍ଧାର ଏବଂ ଉନ୍ନତ ନିବେଶକଙ୍କ ମନୋବଳକୁ ଏହା ବଢ଼ାଇଥିଲା। ଏ ସମ୍ପର୍କରେ କ୍ୱାଣ୍ଟମ୍ ମ୍ୟୁଚୁଆଲ୍ ଫଣ୍ଡର ଏମ୍ଡି ଏବଂ ସିଇଓ, ଜିମି ପଟେଲ କହିଛନ୍ତି, ୨୦୨୨ରେ ଏହି ବର୍ଗର ଆଗ୍ରହ ବୃଦ୍ଧି ସହ ଷ୍ଟିକ୍ ମୁଦ୍ରାସ୍ଫୀତି ଏବଂ ଫେଡେରାଲ୍ ରିଜର୍ଭ ଏହାକୁ ଧରିବାକୁ ଚେଷ୍ଟା କରୁଥିବା ବେଳେ ଯାହା ସମ୍ଭବତଃ ଅଭିବୃଦ୍ଧି ଏବଂ ବଜାରକୁ ବାଧା ଦେଇପାରେ ବୋଲି ସେ କହିଛନ୍ତି। ଅପରପକ୍ଷରେ ମୁଦ୍ରାନୀତିର ସମନ୍ବିତ ସହଜତା ଏବଂ ବିଶ୍ୱର ସୁଧ ହାରର ନରମତା, ଯାହା ସୁନାକୁ ଆକର୍ଷଣୀୟ କରିଥିଲା। ସେହିଭଳି ୨୦୨୧ରେ ମୁଦ୍ରାସ୍ଫୀତିର ସୁଦୃଢ଼ତା ଏବଂ ବଜାର ମୂଲ୍ୟ ବୃଦ୍ଧି ହେତୁ ଗତବର୍ଷର ଚାହିଦା ସୁନା ସପକ୍ଷରେ ରହିଥିଲା ବୋଲି ପଟେଲ କହିଛନ୍ତି। ଅପରପକ୍ଷରେ ମର୍ନିଂଷ୍ଟାର ଇଣ୍ଡିଆର ଆସୋସିଏଟ୍ ଡାଇରେକ୍ଟର ମ୍ୟାନେଜର ରିସର୍ଚ୍ଚ ହିମାଂଶୁ ଶ୍ରୀବାସ୍ତବ କହିଛନ୍ତି, ସୁନା ଇଟିଏଫ୍ ବର୍ଷସାରା ନିବେଶକଙ୍କ ଦୃଷ୍ଟି ଆକର୍ଷଣ କରିବାରେ ଲାଗିଛି। ଫଳରେ ୨୦୨୧ ଜୁଲାଇରେ ପ୍ରାୟ ୬୧.୫ କୋଟି ଟଙ୍କା ରହିଥିଲା। ସୁନା ପାଣ୍ଠିର ପରିଚାଳନା ଅଧୀନରେ ସମ୍ପତ୍ତିକୁ ୩୦% ବୃଦ୍ଧି କରି ୧୮,୪୦୫ କୋଟି ଟଙ୍କାକୁ ପହଞ୍ଚତ୍ ପାରିଥିଲା। ୨୦୨୧ ଡିସେମ୍ବର ଶେଷ ବେଳକୁ ଏକ ବର୍ଷ ପୂର୍ବେ ୧୪,୧୭୪ କୋଟି ଟଙ୍କାକୁ ବୃଦ୍ଧି କରିବାରେ ଏହା ସାହାଯ୍ୟ କରିଥିଲା। ସୁନା, ଗତ କିଛିବର୍ଷ ମଧ୍ୟରେ ଏହାର ଚମତ୍କାର ପ୍ରଦର୍ଶନ ସହିତ ୨୦୨୧ରେ ନିବେଶକଙ୍କ ଆଗ୍ରହକୁ ଆକର୍ଷିତ କରିଛି। ଫଳରେ ସୁନା ଇଟିଏଫ୍ଗୁଡ଼ିକରେ ଫୋଲିଓ ସଂଖ୍ୟା ୨୦୨୦ ଡିସେମ୍ବରରେ ୮.୮୭ ଲକ୍ଷରୁ ୨୦୨୧ ଡିସେମ୍ବର ମଧ୍ୟରେ ୩୨.୦୯ ଲକ୍ଷକୁ ବୃଦ୍ଧି ପାଇଥିଲା। ତେବେ ଏହି ଶ୍ରେଣୀରେ କ୍ରମାଗତ ଭାବେ ୨୦୨୦ ନଭେମ୍ବରରେ ୧୪୧ କୋଟି, ୨୦୨୦ ଫେବୃୟାରୀରେ ୧୯୫ କୋଟି ଏବଂ ୨୦୨୧ ଜୁଲାଇରେ ୬୧.୫ କୋଟି ଟଙ୍କା ନିଟ୍ ଆଉଟ ଫ୍ଲୋ ହୋଇଛି। ନିବେଶକଙ୍କ ପୋର୍ଟଫୋଲିଓରେ ସୁନା ଏକ ରଣନୀତିକ ସମ୍ପତ୍ତି ଭାବରେ କାର୍ଯ୍ୟ କରିଥାଏ ବୋଲି ଶ୍ରୀବାସ୍ତବ କହିଛନ୍ତି।
