ଗ୍ଲୋବାଲ ଓ୍ବାର୍ମିଂ ଦାୟୀ: ବିଧାୟକ

ଭୁବନେଶ୍ୱର,୨୧ା୯ (ବ୍ୟୁରୋ):ଭୁବନେଶ୍ୱରର ମୁକୁଳା ଡ୍ରେନ୍‌୍‌ରେ ପଡ଼ି ନିଖୋଜ ହୋଇଯାଇଥିବା ଦଶମ ଶ୍ରେଣୀ ଛାତ୍ର ଜ୍ୟୋତିପ୍ରକାଶ ବେହେରାଙ୍କ ମୃତଦେହ ସୋମବାର ମିଳିଛି। ଏହି ଘଟଣାକୁ ନେଇ ରାଜ୍ୟବ୍ୟାପୀ ଆଲୋଡ଼ନ ସୃଷ୍ଟି ହୋଇଛି। ଭୁବନେଶ୍ୱର ମହାନଗର ନିଗମ (ବିଏମ୍‌ସି)ର ଅବହେଳାକୁ ସମସ୍ତେ ଦାୟୀ କରୁଛନ୍ତି। କିନ୍ତୁ ଭୁବନେଶ୍ୱରରେ ପ୍ରାୟ ୧୦ ବର୍ଷ ଧରି ମେୟର ରହିଥିବା ବର୍ତ୍ତମାନର ଭୁବନେଶ୍ୱର(ମଧ୍ୟ) ବିଧାୟକ ଅନନ୍ତ ନାରାୟଣ ଜେନା ଘଟଣାକୁ ଦୈବ ଦୁର୍ଘଟଣା କହି ପ୍ରସଙ୍ଗକୁ ହାଲୁକା କରିବା ପାଇଁ ଚେଷ୍ଟା କରିଛନ୍ତି। ଏପରି କି ସେ ଗ୍ଲୋବାଲ ଓ୍ବାର୍ମିଂକୁ ଦାୟୀ କରିବା ସହ ସେପ୍ଟେମ୍ବରରେ ବଡ଼ ବର୍ଷା ହେଉଛି ବୋଲି କହିଛନ୍ତି। ହେଲେ ମୁକୁଳା ଡ୍ରେନ୍‌ରେ ସ୍ଲାବ୍‌ ପକାଇବା ପାଇଁ ଗ୍ଲୋବାଲ ଓ୍ବାର୍ମିଂ କିଭଳି ବାଧକ ହେଲା ବୋଲି ସାଧାରଣରେ ବିଧାୟକଙ୍କୁ ପ୍ରଶ୍ନ ହେଉଛି।
ଅନନ୍ତ ୨୦୦୯ରୁ ଭୁବନେଶ୍ୱରର ୨ ଥର ମେୟର ଏବଂ ୨୦୧୯ରୁ ଭୁବନେଶ୍ୱର(ମଧ୍ୟ)ର ବିଧାୟକ। ସହରର ସମସ୍ତ ବିକାଶମୂଳକ କାର୍ଯ୍ୟ ତାଙ୍କ ମାଧ୍ୟମରେ ହୋଇଛି ବୋଲି ସେ ଅନେକ ସମୟରେ ଗଣମାଧ୍ୟମକୁ କହିବାର ରେକର୍ଡ ରହିଛି। ସହରରୁ ବର୍ଷାଜଳ ନିଷ୍କାସନ ପାଇଁ ରାଜ୍ୟ ସରକାର ବହୁ କୋଟି ଟଙ୍କା ବିଏମ୍‌ସି ଜରିଆରେ ଖର୍ଚ୍ଚ କରୁଛନ୍ତି। କେବଳ ଡ୍ରେନ୍‌ ପାଇଁ ୧୦୦୦ କୋଟି ଟଙ୍କା ରାଜ୍ୟ ସରକାର ଦେଇଛନ୍ତି ବୋଲି ଖୋଦ୍‌ ବିଧାୟକ କହିଥିଲେ। ଏଠାରେ ପ୍ରଶ୍ନ ଉଠୁଛି, ସହରର ଡ୍ରେନେଜ୍‌ ବ୍ୟବସ୍ଥାକୁ ସୁବ୍ୟବସ୍ଥିତ କରିବା ପାଇଁ ସରକାର ପର୍ଯ୍ୟାପ୍ତ ଅର୍ଥ ଯୋଗାଉଥିବାବେଳେ ସ୍ଥିତିରେ କୌଣସି ସୁଧାର ହେଉନାହିଁ କାହିଁକି। ଯୋଗାଯାଉଥିବା ଅର୍ଥ କେଉଁ ବାଟରେ ଖର୍ଚ୍ଚ ହୋଇଛି ସେନେଇ ସନ୍ଦେହ ପ୍ରକାଶ ପାଇଲାଣି।
ଉଲ୍ଲେଖଥାଉ କି, ୨୦୧୫ ଅଗଷ୍ଟ ୨୫ରେ ନୟାପଲ୍ଲୀ ଥାନା ମମ୍‌ତାଜ୍‌ ଅଲ୍ଲୀ ସ୍କୁଲ ନିକଟ ରାସ୍ତା ପାର୍ଶ୍ୱ ମୁକୁଳା ଡ୍ରେନ୍‌ରେ ଭାସି ୪ର୍ଥ ଶ୍ରେଣୀର ଛାତ୍ର ପୁପୁନ ବିଶ୍ୱାଳଙ୍କ ମୃତ୍ୟୁ ହୋଇଥିଲା। ସେହି ସମୟରେ ଅନନ୍ତ ବିଏମ୍‌ସି ମେୟର ଥିଲେ। ସେହି ଘଟଣା ପାଇଁ ଲୋକେ ବିଏମ୍‌ସିକୁ ଦାୟୀ କରିଥିବାବେଳେ ମେୟର ଭାବେ ସେ ଉତ୍ତରଦାୟୀ ଥିଲେ। ଇତିମଧ୍ୟରେ ୫ଜଣଙ୍କ ମୁକୁଳା ଡ୍ରେନ୍‌ରେ ମୃତ୍ୟୁ ଘଟିଲାଣି। ତେଣୁ ଅନନ୍ତଙ୍କ ଉପରୋକ୍ତ ମନ୍ତବ୍ୟ ଏକ ଦାୟିତ୍ୱହୀନତାର ପରିଚୟ ବୋଲି ଆଲୋଚନା ହେଉଛି। ମୋତେ ନ କହି ପୁଅକୁ ନିଅନି ଭୁବନେଶ୍ୱର ଏମ୍ସର ବ୍ୟବଚ୍ଛେଦ ଗୃହ ସମ୍ମୁଖରେ ଆମ୍ବୁଲାନ୍ସରେ ଜ୍ୟୋତିପ୍ରକାଶଙ୍କ ମୃତଦେହ ନେବାକୁ ପରିବାର ଲୋକ ଅପେକ୍ଷା କରି ଠିଆ ହୋଇଥିଲେ। ଏପରି କି କ୍ଷତିପୂରଣ ଦାବି କରି କଂଗ୍ରେସ କର୍ମୀ ବିକ୍ଷୋଭ କରିଥିଲେ। ହେଲେ ହଠାତ୍‌ ପଛପଟ ରାସ୍ତାରେ ଜ୍ୟୋତିଙ୍କୁ ଆଉ ଏକ ଆମ୍ବୁଲାନ୍ସରେ ନିଆଯାଇଥିଲା। ଫଳରେ ଜ୍ୟୋତିଙ୍କ ପରିବାର ଲୋକେ ଆମ୍ବୁଲାନ୍ସ ପଛରେ ଦୌଉଡ଼ିବା ଆରମ୍ଭ କରିଥିଲେ। ଏହାଦେଖି ଉପସ୍ଥିତ ଲୋକ ପିଛା କରି ଆମ୍ବୁଲାନ୍ସକୁ ଅଟକାଇଥିଲେ। ଡ୍ରାଇଭର ଯିବାକୁ ଉଦ୍ୟମ କରିବାରୁ ତାଙ୍କୁ ଉତ୍ତ୍ୟକ୍ତ ଲୋକ ମାଡ ମାରିଥିଲେ। କାହା ଇସାରାରେ ମୋତେ ନ କହି ନେଇଯାଉଛ ବୋଲି ଜ୍ୟୋତିପ୍ରକାଶଙ୍କ ବାପା ହୃଷୀକେଶ ଚିତ୍କାର କରିଥିଲେ। ଘଟଣାସ୍ଥଳରେ ତୁରନ୍ତ ପୋଲିସ ଓ ଅନ୍ୟ କେତେଜଣ ପହଞ୍ଚତ୍ ମୃତଦେହ ଥିବା ଆମ୍ବୁଲାନ୍ସକୁ ପଠାଇଦେଇଥିଲେ।


Enter your email to get our daily news in your inbox.

All Right Reserved By Dharitri.Com

୫୦ ହଲ୍‌ରେ ଏକସଙ୍ଗରେ ରିଲିଜ୍‌ ହେବ

ଭୁବନେଶ୍ୱର,୧।୧୧(ବ୍ୟୁରୋ):ପ୍ରଥମ କରି ରାଜଧାନୀର ବିଭିନ୍ନ ଛକରେ ବୁଲି ପ୍ରଚାର କରିଛି ଓଡ଼ିଆ ଚଳଚ୍ଚିତ୍ର ଟିମ୍‌। ଆସନ୍ତା ୪ ତାରିଖରେ ୫୦ଟି ହଲରେ ରିଲିଜ ହେବାକୁ ଥିବା...

ପାର୍କ ନିର୍ମାଣ ପାଇଁ ମାଟି ଖୋଳିଲା ବେଳେ ବାହାରିଲେ ମହାଦେବ, ଗାଁରେ ଚାଲିଛି ପୂଜାର୍ଚ୍ଚନା

ପଦ୍ମପୁର,୧୫ା୧୧(ଡି.ଏନ୍‌.ଏ.): ଭଦ୍ରକ ବ୍ଲକ ଅଧୀନ ଗୋରାମାଟିର ଲଦିଆପଦାଠାରେ ପାର୍କ ନିର୍ମାଣ ପାଇଁ ଟ୍ରାକ୍ଟର ମାଟି ଖୋଳିବା ବେଳେ ଗାଡ଼ି ବନ୍ଦ ହୋଇଯାଇଥିଲା। ସେଠାରେ ଲୋକମାନେ ଅଧିକ...

ଏମାର ମଠ ପରିସରରେ ଖନନ:ମିଳିଲା ଭଗ୍ନ ସିଂହ ମୂର୍ତ୍ତି

ପୁରୀ ଅଫିସ,୧୭।୫:ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଅଧୀନରେ ପୁରୀ ଏମାର ମଠ ପରିସର ଖନନ ବେଳେ ଭଗ୍ନ ସିଂହମୂର୍ତ୍ତି ମିଳିଛି। ପରିତ୍ୟକ୍ତ ଅବସ୍ଥାରେ ଖନନସ୍ଥଳୀରେ ଦୁଇଖଣ୍ଡ ହୋଇ...

ମେ ୫ ତାରିଖ ପର୍ଯ୍ୟନ୍ତ ତାତିରୁ ଆଶ୍ୱସ୍ତି

ଭୁବନେଶ୍ୱର, ୨୫।୪: ଖରା ତାତିରୁ ମିଳବ ଆଶ୍ୱସ୍ତି । ମେ ୫ ତାରିଖ ପର୍ଯ୍ୟନ୍ତ ଦିନର ତାପମାତ୍ରା ବଢ଼ିବନି । ବଙ୍ଗୋପସାଗର ସଂଲଗ୍ନ ଆନ୍ଧ୍ର ପ୍ରଦେଶ...

କଲ୍ୟାଣମଣ୍ଡପ, ସଭାଗୃହ ସମ୍ମୁଖରେ ପାର୍କିଂ କଟକଣା: ଯାଞ୍ଚ ହେବ ନଥିପତ୍ର, ସର୍ଭେ ଆରମ୍ଭ

ଭୁବନେଶ୍ୱର,୨୧।୧୧(ବ୍ୟୁରୋ): କଲ୍ୟାଣ ମଣ୍ଡପ ଓ ସଭାଗୃହ କରି ବ୍ୟବସାୟ କରୁଥିଲେ ମଧ୍ୟ ଆବଶ୍ୟକ ପାର୍କିଂ ସୁବିଧା ରଖାଯାଉନି। ଫଳରେ ଏଠାକୁ ଆସୁଥିବା ଲୋକେ ସମ୍ମୁଖ ରାସ୍ତାରେ...

ବୁଧବାରଠାରୁ ମାଟ୍ରିକ ପ୍ରାକ୍ଟିକାଲ ପରୀକ୍ଷା ଆରମ୍ଭ, ୨୮ ଯାଏ ଚାଲିବ

କଟକ ଅଫିସ,୧୪ା୨: ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଦଶମ ଶ୍ରେଣୀ ଧନ୍ଦାମୂଳକ ଶିକ୍ଷାର ଦ୍ୱିତୀୟ ସମ୍ମେଟିଭ ଆସେସ୍‌ମେଣ୍ଟ(ଏସ୍‌ଏ-୨) ପ୍ରାକ୍ଟିକାଲ ପରୀକ୍ଷା ବୁଧବାରଠାରୁ ଆରମ୍ଭ...

‘ସଂକ୍ରମଣ ବଢିଲେ ବି ହସ୍ପିଟାଲରେ ରୋଗୀଙ୍କ ସଂଖ୍ୟା କମ୍‌’

ଭୁବନେଶ୍ୱର,୧୨।୭(ବ୍ୟୁରୋ): କରୋନା ସ୍ଥିତିକୁ ନେଇ ପ୍ରତିକ୍ରିୟା ରଖିଛନ୍ତି ଜନ ସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର। ସେ କହିଛନ୍ତି, ବର୍ତ୍ତମାନ ଯେଉଁ ସଂକ୍ରମଣ ବଢ଼ୁଛି, ସେଥିରେ ଡାକ୍ତରଖାନା...

୧୨ରୁ ବଜେଟ ଅଧିବେଶନ, ନେଗେଟିଭ ରିପୋର୍ଟ ଥିଲେ ହିଁ ମିଳିବ ପ୍ରବେଶ ଅନୁମତି

ଭୁବନେଶ୍ୱର, ୯।୩(ବ୍ୟୁରୋ): ଆସନ୍ତା ୧୨ ତାରିଖରୁ ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆରମ୍ଭ ହେବ। ଏଥର ବିଧାନସଭା ବଜେଟ ଅଧିବେଶନ ପୂର୍ବରୁ ସବୁ ବିଧାୟକଙ୍କର କୋଭିଡ୍‌...

Advertisement
Archives

Model This Week