ନୂଆଦିଲ୍ଲୀ,୧୧।୪: କୃଷି ପ୍ରସଙ୍ଗକୁ ନେଇ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ(କେସିଆର୍) କେନ୍ଦ୍ରକୁ ଏକ ବଡ ଆହ୍ବାନ ଦେଇଛନ୍ତି। ମୁଖ୍ୟମନ୍ତ୍ରୀ କେସିଆର୍ ତୁରନ୍ତ ଏକ କୃଷି ନୀତି ଆଣିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କହିଛନ୍ତି। ନଚେତ ଭାଜପାକୁ କ୍ଷମତାରୁ ହଟାଇ ଦେବୁ ବୋଲି କେସିଆର୍ ଚେତାବନୀ ଦେଇଛନ୍ତି। ଚାଉଳ କ୍ରୟ ପ୍ରସଙ୍ଗରେ ନୂଆଦିଲ୍ଲୀରେ ଦଳୀୟ ନେତାଙ୍କ ସହ ବିକ୍ଷୋଭ ପ୍ରଦର୍ଶନ ବେଳେ ମୁଖ୍ୟମନ୍ତ୍ରୀ କେସିଆର୍ ଏଭଳି କହିଛନ୍ତି।
ଏପରିକି ସେ ପ୍ରଧାନମନ୍ତ୍ରୀ ଏବଂ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲଙ୍କୁ ଶସ୍ୟ କିଣିବାକୁ ନିବେଦନ କରିଛନ୍ତି। ଏନେଇ କେନ୍ଦ୍ରକୁ ୨୪ ଘଣ୍ଟା ସମୟ ଦେଇଛନ୍ତି। ଏହାର ନିଷ୍ପତ୍ତି ନ ନେଲେ ଆମେ ଆମର ନିଷ୍ପତ୍ତି ନେବୁ ବୋଲି କହିଛନ୍ତି। କେନ୍ଦ୍ର ଆଣିଥିବା ନୂତନ କୃଷି ଆଇନକୁ ବିରୋଧ କରାଯାଇଥିଲା। ପରେ ଏହାକୁ ପ୍ରତ୍ୟାହାର କରାଯାଇଥିଲା।
