ପିଆଇଏଲ୍‌ ପୂର୍ବରୁ ପ୍ରତିପକ୍ଷଙ୍କୁ ସମୟ ଦିଅ

ଭୁବନେଶ୍ୱର, ୪।୪(ବ୍ୟୁରୋ):  ଦିନକୁ ଦିନ ଉଚ୍ଚ ଅଦାଲତରେ ଜନସ୍ବାର୍ଥ ମାମଲା(ପିଆଇଏଲ୍‌)ର ସଂଖ୍ୟା ବଢ଼ିବାରେ ଲାଗିଛି। ବିଶେଷକରି ଅନେକ କ୍ଷେତ୍ରରେ ଆବେଦନକାରୀମାନେ କୌଣସି କର୍ତ୍ତୃପକ୍ଷଙ୍କ ନିକଟରେ ଦରଖାସ୍ତ କରିବା ପରେ ପ୍ରତିପକ୍ଷ ଏହାର କାର୍ଯ୍ୟକାରିତା ନେଇ କୌଣସି ନିଷ୍ପତ୍ତି ନେବା ପୂର୍ବରୁ ହାଇକୋର୍ଟରେ ଜନସ୍ବାର୍ଥ ମାମଲା ରୁଜୁ କରୁଛନ୍ତି। ତେଣୁ କୌଣସି ପ୍ରସଙ୍ଗରେ ଯଦି ସମ୍ପୃକ୍ତ କର୍ତ୍ତୃପକ୍ଷଙ୍କ ନିକଟରେ ଦରଖାସ୍ତ କରାଯାଉଛି, ତେବେ ପ୍ରତିପକ୍ଷଙ୍କୁ ଉକ୍ତ ଆବେଦନ ଉପରେ କୌଣସି ନିଷ୍ପତ୍ତି ନେବାକୁ ସର୍ବନିମ୍ନ ୨ମାସ ସମୟ ଦେବା ଆବଶ୍ୟକ ବୋଲି ମୁଖ୍ୟ ବିଚାରପତି ଏସ୍‌.ମୁରଲୀଧର ଏବଂ ବିଚାରପତି ବି.ପି. ରାଉତରାୟଙ୍କୁ ନେଇ ଗଠିତ ଖଣ୍ଡପୀଠ ଗତ ୩୦ତାରିଖରେ ଏକ ଆବେଦନର ଶୁଣାଣିବେଳେ କହିଛନ୍ତି।
ଆବେଦନକାରୀ ମଦନ ମୋହନ ସାହୁ ଅନୁଗୋଳ ଜିଲାପାଳଙ୍କ ବିରୋଧରେ କରିଥିବା ଜନସ୍ବାର୍ଥ ମାମଲାର ବିବରଣୀ ଅନୁସାରେ ଅନୁଗୋଳ ଜିଲା ପାଲଲହଡ଼ାରେ ଜଙ୍ଗଲ ଜମି ଉପରେ ଏକ ଗୃହ ନିର୍ମାଣକୁ ଆବେଦନକାରୀ ବିରୋଧ କରିଥିଲେ। ହେଲେ ଏହାକୁ ସ୍ଥାନୀୟ ସହରଗୁରୁଜଙ୍ଗ ବନ ସୁରକ୍ଷା ସମିତିର କୌଣସି ସଦସ୍ୟ ତାଙ୍କୁ ସହଯୋଗ କରି ନ ଥିଲେ। ତେଣୁ ସେ ଏ ସମ୍ପର୍କରେ ଅନୁଗୋଳ ଜିଲାପାଳଙ୍କ ନିକଟରେ ଗତ ଫେବୃୟାରୀ ୫ତାରିଖରେ ଏକ ଦରଖାସ୍ତ କରିଥିଲେ। ତେବେ ଏହି ଦରଖାସ୍ତ ଊପରେ ପ୍ରତିପକ୍ଷ ଜିଲାପାଳ କୌଣସି ନିଷ୍ପତ୍ତି ନେବାପୂର୍ବରୁ ମାତ୍ର ୪ଦିନ ଅର୍ଥାତ୍‌ ଫେବୃୟାରୀ ୯ତାରିଖରେ ଆବେଦନକାରୀ ଉଚ୍ଚ ଅଦାଲତଙ୍କ ଦ୍ୱାରସ୍ଥ ହୋଇଥିଲେ।
ଓଡ଼ିଶା ହାଇକୋର୍ଟ ପବ୍ଲିକ ଇଣ୍ଟ୍ରେଷ୍ଟ ଲିଟିଗେଶନ (ପିଆଇଏଲ୍‌) ରୁଲ୍‌ସ, ୨୦୧୦ର ଧାରା ୮ଅନୁସାରେ କୌଣସି ପିଆଇଏଲ୍‌ ରୁଜୁ କରିବା ପୂର୍ବରୁ ଆବେଦନକାରୀ ନିର୍ଦ୍ଦିଷ୍ଟ ବିଭାଗୀୟ ଅଧିକାରୀଙ୍କ ନିକଟରେ କାର୍ଯ୍ୟାନୁଷ୍ଠାନ ପାଇଁ ଆବେଦନ କରିବା ଆବଶ୍ୟକ। ସେହିପରି ଦଓ୍ବୋନୀ ସଂହିତାର ଦଫା ୮୦ ଅନୁସାରେ କୌଣସି ପିଆଇଏଲ୍‌ ରୁଜୁ ସମୟରେ ଏହାର ସବିଶେଷ ବିବରଣୀ ଏବଂ ପ୍ରତିପକ୍ଷଙ୍କ ନିକଟରେ ପୂର୍ବରୁ କରାଯାଇଥିବା ଦରଖାସ୍ତର ଜବାବ ଦାଖଲ କରିବା ଆବଶ୍ୟକ। ଜରୁରୀ ମାମଲା ଅର୍ଥାତ୍‌ ଯେଉଁଠାରେ ପ୍ରତିପକ୍ଷଙ୍କ ଉତ୍ତରକୁ ଅପେକ୍ଷା କଲେ ଅପୂରଣୀୟ କ୍ଷତି ହେବାର ସମ୍ଭାବନା ରହିଛି, ସେହି କ୍ଷେତ୍ରରେ ପ୍ରତିପକ୍ଷଙ୍କୁ କୌଣସି ପ୍ରାକ୍‌ ନୋଟିସ୍‌ ନ ଦେଇ ପିଆଇଏଲ୍‌ ଫାଇଲ କରାଯାଇପାରିବ। ରୁଲ୍‌ ୮ ଅନୁସାରେ ଯେତେବେଳେ କୋର୍ଟ ଅନୁଭବ କରିବେ ଯେ, ଦଫା ୮୦ ଅନୁଯାୟୀ କୌଣସି କର୍ତ୍ତୃପକ୍ଷଙ୍କ ନିକଟରେ ଆବେଦନ କରାଯାଇଛି, ସେଠାରେ ଆବେଦନକାରୀ ପ୍ରତିପକ୍ଷଙ୍କୁ କୌଣସି ନିଷ୍ପତ୍ତି ନେବାକୁ ସର୍ବନିମ୍ନ ୨ମାସ ସମୟ ଦେବା ଆବଶ୍ୟକ। ଏପରି କି ଯଦି ଆବେଦନକାରୀ ଜରୁରୀ ମନେକରିବେ ତେବେ ଉକ୍ତ ମାସ ମଧ୍ୟରେ ପ୍ରତିପକ୍ଷଙ୍କୁ ଆଉ ଏକ ରିମାଇଣ୍ଡର ଦେଇପାରିବେ ବୋଲି କୋର୍ଟ କହିଛନ୍ତି। ତେଣୁ ମଦନ ମୋହନ ଅନୁଗୋଳ ଜିଲାପାଳଙ୍କ ବିରୋଧରେ କରିଥିବା ମାମଲାରେ କୋର୍ଟ କୌଣସି ଚୂଡ଼ାନ୍ତ ରାୟ ପ୍ରକାଶ ନ କରି ଆବେଦନକାରୀଙ୍କୁ ଆଇନ ଅନୁଯାୟୀ ଆଉଥରେ ଆବେଦନ କରିବାକୁ କହିଛନ୍ତି।

Enter your email to get our daily news in your inbox.

All Right Reserved By Dharitri.Com

୧୬,୨୩୫ କୋଟିର ଚୂଡ଼ାନ୍ତ ରିପୋର୍ଟ

ଭୁବନେଶ୍ୱର,୨୩।୬(ବ୍ୟୁରୋ): ସାମୁଦ୍ରିକ ଝଡ଼ ‘ଅମ୍ଫନ୍‌’ ଯୋଗୁ ଉପକୂଳବର୍ତ୍ତୀ ଜିଲାରେ ହୋଇଥିବା କ୍ଷୟକ୍ଷତିର ଭରଣା ପାଇଁ ରାଜ୍ୟ ସରକାର ୧୬,୨୩୫ କୋଟି ଟଙ୍କାର ଚୂଡ଼ାନ୍ତ ରିପୋର୍ଟ କେନ୍ଦ୍ର...

ଗୁଞ୍ଜନ ଡ୍ୟାନ୍ସ ଏକାଡେମୀର ନୃତ୍ୟ, ସଙ୍ଗୀତ ଉତ୍ସବ ଉଦ୍‌ଘାଟିତ: ଜଗନ୍ନାଥ ମଙ୍ଗଳମ୍‌ରେ ମୁଗ୍ଧ ହେଲେ ଦର୍ଶକ

କଟକ ଅଫିସ,୨୩ା୧୧: ମଞ୍ଚରେ ହେଲା ପହଣ୍ଡି ବିଜେ ଆଉ ରଥଟଣା। ବାଜିଲା ‘ଚତର୍ଭୁଜ ଜଗନ୍ନାଥ କଣ୍ଠ ଶୋଭିତ କୌସ୍ତୁଭ’ ଗୀତ। ଜଗନ୍ନାଥ ମଙ୍ଗଳମ୍‌ ନୃତ୍ୟରେ ସୃଷ୍ଟି...

ଚୋରାମଦ ରୋକିବାକୁ କଡ଼ା ପଦକ୍ଷେପ

ଭୁବନେଶ୍ୱର, ୧୬।୭(ବ୍ୟୁରୋ): ଷୋଡଶ ବିଧାନସଭାର ପ୍ରଥମ ଅଧିବେଶନରେ ଗୃହରେ ବିଭିନ୍ନ ବିଭାଗର ଖର୍ଚ୍ଚ ଦାବି ଆଲୋଚନା ହୋଇଯାଇଛି। ସୋମବାର ଗୃହରେ ଅବକାରୀ ବିଭାଗ ପାଇଁ ୨୦୨୦...

ଶ୍ରୀମନ୍ଦିର ପାଇଁ ନେଗେଟିଭ୍‌ ରିପୋର୍ଟ ବାଧ୍ୟତାମୂଳକ

ପୁରୀ ଅଫିସ,୧୯।୪: ଶ୍ରୀମନ୍ଦିରର ବହୁ ସେବାୟତ ଓ କର୍ମଚାରୀ କରୋନାରେ ଆକ୍ରାନ୍ତ ହେବାପରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଦର୍ଶନ ଉପରେ କଟକଣା ଲଗାଯାଇଛି। ଏଥିସହ ନୂଆ...

ପୋଲିସ ପାଇଁ ୧୧ ହଜାର ଟଙ୍କା ଦେଲେ ୬ ବର୍ଷର ଶିଶୁ

ଭୁବନେଶ୍ୱର,୧୩ା୫(ବ୍ୟୁରୋ):କରୋନା ମୁକାବିଲାରେ ଆଗଧାଡ଼ିର ଯୋଦ୍ଧା ସାଜିଛନ୍ତି ପୋଲିସ କର୍ମଚାରୀ। ନିଜ ଜୀବନକୁ ବାଜି ଲଗାଇ କାର୍ଯ୍ୟ କରୁଛନ୍ତି। ଲୋକଙ୍କ ପାଇଁ ରାସ୍ତାରେ ଜଗୁଥିବାବେଳେ ଅମାନିଆଙ୍କୁ ଧରି...

ପୁଣି କରୋନା ନେଲା ୧୯ ଜୀବନ

ଭୁବନେଶ୍ୱର,୧୩।୫(ବ୍ୟୁରୋ): ରାଜ୍ୟରେ ଗୁରୁବାର କରୋନାରେ ୧୯ ଜଣ ଆଖି ବୁଜିଛନ୍ତି। ଏହା ସହିତ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୨୦୨୫୧ରେ ପହଞ୍ଚିଯାଇଛି। ସ୍ବାସ୍ଥ୍ୟ ଓ ପରିବାର...

ଚାଷୀଙ୍କ ବୀମାଭୁକ୍ତ ଅବଧି ୫ ପର୍ଯ୍ୟନ୍ତ ବଢ଼ିଲା

ଭୁବନେଶ୍ୱର,୩।୮(ବ୍ୟୁରୋ): ଚଳିତ ଖରିଫ୍‌ରେ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଚାଷୀମାନଙ୍କୁ ବୀମାଭୁକ୍ତ କରିବା ପାଇଁ ସମୟସୀମା ଆସନ୍ତା ୫ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି। ଯେଉଁ...

ସ୍କୁଲ୍‌ରେ ଅଡ୍‌-ଇଭିନ ବ୍ୟବସ୍ଥା ପାଇଁ ଯୋଜନା

ଭୁବନେଶ୍ୱର, ୯।୫(ବ୍ୟୁରୋ): କରୋନା ପାଇଁ ସାରା ଦେଶ ଏବେ ଲକ୍‌ଡାଉନ୍‌। ଦିନକୁ ଦିନ ସ୍ଥିତି ଜଟିଳ ହୋଇଚାଲିଥିବାବେଳେ ଇତିମଧ୍ୟରେ ଲକ୍‌ଡାଉନ୍‌ ଅବଧିକୁ ୩ଥର ବଢ଼ାଯାଇଛି। ଏପରି...

Advertisement
Archives

Model This Week