କୁହାଯାଏ, ଯେଉଁଠି ପରିଷ୍କାର ଥାଏ ସେଠି ଭଗବାନ ବାସ କରନ୍ତି। ତେଣୁ ଘରକୁ ସଜାଇବା ପୂର୍ବରୁ ପ୍ରଥମେ ଏହାକୁ ସଫା ଏବଂ ପରିଷ୍କାର ରଖନ୍ତୁ। ଅଦରକାରୀ ବର୍ଜ୍ୟବସ୍ତୁକୁ ବାହାରେ ଫିଙ୍ଗି ଦିଅନ୍ତୁ।
ଏବେ ବଜାରରେ ନୂଆ ନୂଆ ଆକାର ଓ ଆକୃତିର ଦୀପ ଉପଲବ୍ଧ। ଆପଣ ପୂଜାରେ ଏଭଳି ଦୀପ ଲଗାଇ ଘରକୁ ସଜାଇପାରିବେ।
ବିନା ରଙ୍ଗୋଲିରେ ଦୀପାବଳି ଫିକା ଲାଗିଥାଏ। ଚାଉଳ ଗୁଣ୍ଡ, ରଙ୍ଗ ବାଲି, ରଙ୍ଗିନ୍ ମୁରୁଜ, ଫୁଲ ଆଦିରେ ଘରର ପ୍ରବେଶ ଦ୍ୱାର ଓ ଅଗଣାକୁ ସଜାନ୍ତୁ, ଯାହା ଘରର ସୌନ୍ଦର୍ଯ୍ୟ ବୃଦ୍ଧି କରିବ।
ଡାଇନିଙ୍ଗ୍ ରୁମ୍ କିମ୍ବା ବେଡ଼୍ ରୁମ୍କୁ ଫ୍ଲୋଟିଙ୍ଗ୍ କ୍ୟାଣ୍ଡେଲ୍ ସହ ଫୁଲରେ ସଜାନ୍ତୁ। ଏହା ଆପଣଙ୍କୁ ଖୁସି ପ୍ରଦାନ କରିବ।
ଘରକୁ ଆଲୋକିତ କରିବା ପାଇଁ ବିଭିନ୍ନ ପ୍ରକାରର ଏଲ୍.ଇ.ଡି. ଲାଇଟ୍, ଲିଚୁ ଲାଇଟ୍ ଲଗାଇ ଅଧିକ ଆକର୍ଷଣୀୟ କରିପାରିବେ।
ବିଭିନ୍ନ ପ୍ରକାରର ଫୁଲଦାନୀ କିମ୍ବା ବ୍ରାଜଲ୍ ଲ୍ୟାମ୍ପ୍, ରଙ୍ଗିନ୍ ଲ୍ୟାମ୍ପ୍ ବି ଲଗାଇ ସଜାଇ ପାରିବେ। ମାଟି, କାଚ କିମ୍ବା ପିତ୍ତଳ ପାତ୍ରକୁ ସଜାଇ ସେଥିରେ ପାଣି ଏବଂ ଫୁଲ ଦେଇ ବି ଘରେ ରଖିପାରିବେ।
ଘରର ପ୍ରବେଶ ଦ୍ୱାରକୁ ଫୁଲମାଳ ଏବଂ ବେଲୁନ୍ରେ ସୁସଜ୍ଜିତ କରନ୍ତୁ। କାରଣ, ଘରକୁ ସୁନ୍ଦର ରଖିବା ଦ୍ୱାରା ଘରେ ଧନ ସମ୍ପତ୍ତି ବଢ଼ିଥାଏ ବୋଲି ବିଶ୍ୱାସ କରାଯାଏ। ବିଭିନ୍ନ ରଙ୍ଗିନ୍ ପେପର୍ରେ କ୍ରାଫ୍ଟ କରି ମଧ୍ୟ ଘରକୁ ସଜାଇପାରିବେ।
