ସୁନ୍ଦର ଚେହେରା ଯୋଗୁ ସହଜରେ ସାଥୀ ମିଳିବା କଥା ଅନେକ ଶୁଣିଥିବେ। ହେଲେ ବ୍ରିଟେନର ଜଣେ ଯୁବକ ଦେଖିବା ପାଇଁ ବହୁତ ହ୍ୟାଣ୍ଡସମ୍ ବୋଲି ତାଙ୍କୁ ଡେଟିଂ କରିବାକୁ ଝିଅ ମନା କରୁଛନ୍ତି । କଥାଟି ଆଶ୍ଚର୍ଯ୍ୟ ଲାଗିଲେ ହେଁ ସତ। ଯୁବକଜଣଙ୍କ ହେଲେ କାଲୁମ ଫ୍ଲାନାଗାନ୍। ତାଙ୍କୁ ଏବେ ୩୨ ବର୍ଷ। ପେସାରେ ସେ ଜଣେ ଗଣିତ ଶିକ୍ଷକ।
ଝିଅମାନେ ଚାହାନ୍ତି ପୁଅ ଦେଖିବାକୁ ହ୍ୟାଣ୍ଡସମ ହୋଇଥାଉ। ସେ ସମସ୍ତଙ୍କ ସହ ବ୍ୟବହାର ଠିକ୍ କରୁଥାଉ। ଭଲ ଚାକିରି କରିଥାଉ। ନିର୍ଡର ଏବଂ ପରୋପକାରୀ ହୋଇଥାଉ। କାଲୁମଙ୍କ ନିକଟରେ ସବୁକିଛି ଅଛି। ଏଥିପାଇଁ ଯୁବତୀମାନେ କିଛି ଗଡ଼ବଡ଼ ଥିବା ସନ୍ଦେହ କରି ଦୂରେଇ ଯାଉଛନ୍ତି ବୋଲି କାଲୁମ ଏକ ସାକ୍ଷାତକାରରେ କହିଛନ୍ତି।
କେବଳ ଏତିକି ନୁହେଁ କାଲୁମ ମିଛ କହୁଛନ୍ତି ବୋଲି ଯୁବତୀମାନେ ଭାବିଥାନ୍ତି। ଏଯାବତ ମାତ୍ର ଜଣେ ଯୁବତୀ ସବୁଠାରୁ ଅଧିକ ମାସ ତାଙ୍କ ସହ ଡେଟିଂ କରିଥିଲେ। ସେ ବି ୬ ମାସ। ଏହାଠାରୁ ଅଧିକ ସମୟ ତାଙ୍କ ସହ କେହି ରହିନାହାନ୍ତି। ଫଳରେ ସେ ଦୀର୍ଘ ୬ ବର୍ଷ ଧରି ଏକାକି ଅଛନ୍ତି।
କାଲୁମଙ୍କ ବନ୍ଧୁମାନେ ତାଙ୍କ ପାଇଁ ପାର୍ଟନର ଖୋଜୁଥାନ୍ତି। ହେଲେ ସେ ବ୍ୟକ୍ତିଗତ ଭାବେ ଯୁବତୀଙ୍କୁ ଭେଟି ପରସ୍ପରକୁ ଭଲଭାବେ ଜାଣିବାକୁ ଇଚ୍ଛା ପ୍ରକାଶ କରିଥାନ୍ତି। ଏହା ତାଙ୍କୁ ଅଡ଼ୁଆରେ ପକାଇଥାଏ। ଆଜିର ସମୟରେ ସବୁକିଛି ଅନ୍ଲାଇନ୍ରେ ହେଉଥିବା ବେଳେ ବୋଧହୁଏ ଅନ୍ଲାଇନ୍ ଡେଟିଂ ହିଁ ତାଙ୍କ ପାଇଁ ସର୍ବତ୍କୃଷ୍ଟ ରହିବ ବୋଲି ସେ ଚିନ୍ତା କରୁଥିବା ମଧ୍ୟ ପ୍ରକାଶ କରିଛନ୍ତି।
