ପୃଥିବୀର ସବୁଠୁ ଦାମୀ ମସଲା ଭାବେ ପରିଚିତ କେଶର କେବଳ ଖାଦ୍ୟର ସ୍ବାଦ ବଢ଼ାଇ ନ ଥାଏ ବରଂ ତ୍ୱଚାର ସୌନ୍ଦର୍ଯ୍ୟ ବୃଦ୍ଧି ପାଇଁ ମଧ୍ୟ ଏହା ବରଦାନ ସଦୃଶ। ଜାଣି ରଖନ୍ତୁ ଏହାକୁ ବ୍ୟବହାର କରିବାର ଟିପ୍ସ …
ଯଦି ଆପଣଙ୍କ ତ୍ୱଚା ସନ୍ବର୍ନ କିମ୍ବା ଅନ୍ୟାନ୍ୟ କାରଣରୁ କଳା ପଡୁଛି ତେବେ ଚନ୍ଦନ ପାଉଡର, କ୍ଷୀର ଏବଂ କେଶର ପ୍ୟାକ୍ ଆପଣଙ୍କ ପାଇଁ ଉପକାରୀ। ପ୍ରଥମେ କ୍ଲିଞ୍ଜରରେ ମୁହଁ ଏବଂ ବେକ ସଫା କରିବା ପରେ ଏହି ପ୍ୟାକ୍ ଲଗାଇ ୧୫ ମିନିଟ୍ ରଖନ୍ତୁ। ଏହାପରେ ପାଣିରେ ଧୀରେ ଧୀରେ ଅଙ୍ଗୁଳି ଟିପ ସାହାଯ୍ୟରେ ଘଷି ମୁହଁ ଧୋଇ ଦିଅନ୍ତୁ। ଏହାଦ୍ୱାରା ସ୍କିନ୍ ଟୋନ୍ ଲାଇଟ୍ ହେବା ସହ ଗ୍ଲୋ ବଢିଥାଏ।
ଅଳ୍ପ ତୁଳସୀପତ୍ର ଏବଂ କେଶରକୁ ପାଣିରେ ଭିଜାଇ ବାଟି ଦିଅନ୍ତୁ। ଏଥିରେ ଅଳ୍ପ ହଳଦୀ ମିଶାଇ ପ୍ୟାକ୍ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇବା ଦ୍ୱାରା କେଶରରେ ଥିବା ଆଣ୍ଟିଫଙ୍ଗାଲ୍, ତୁଳସୀର ଆଣ୍ଟିବ୍ୟାକ୍ଟେରିଆଲ୍ ଏବଂ ହଳଦୀର ଆଣ୍ଟିସେପ୍ଟିକ୍ ଗୁଣ ବ୍ରଣ, ଦାଗ ଏବଂ ଅନ୍ୟ ତ୍ୱଚା ଜନିତ ସମସ୍ୟା ଦୂର କରିବା ସହ ଏହାର ସୌନ୍ଦର୍ଯ୍ୟ ବୃଦ୍ଧି କରିବ।
ଗୋଲାପ ଜଳରେ କେଶରକୁ ମିଶାଇ ଟୋନର ଭାବେ ବ୍ୟବହାର କଲେ ମଧ୍ୟ ସ୍କିନ୍ ଟୋନ୍ ବଢିବା ସହ ଫ୍ରେଶ୍ ଲୁକ୍ ମିଳିଥାଏ।
ଶୀତଦିନେ କେଶର ଏବଂ ମହୁ ପ୍ୟାକ୍ ତ୍ୱଚାରେ ମସାଜ କଲେ ରକ୍ତ ସଞ୍ଚାଳନ ଠିକ୍ ଭାବେ ହେବା ତ୍ୱଚାକୁ ଏହା ମଶ୍ଚରାଇଜ କରି ରଖିଥାଏ। ଏହାଦ୍ୱାରା ଗ୍ଲୋ ମଧ୍ୟ ବଢ଼ିଥାଏ।
ଏକ କପ୍ରେ ଦୁଇ ଚାମଚ କ୍ଷୀର ଏବଂ ଅଳ୍ପ କେଶର ମିଶାଇ ଏକ ଘଣ୍ଟା ରଖିଦିଅନ୍ତୁ। ସେଥିରେ ଅଳ୍ପ ଲେମ୍ପୁ ରସ ମିଶାଇ ମୁହଁରେ ଲଗାନ୍ତୁ। ସପ୍ତାହକୁ ଥରେ କିମ୍ବା ଦୁଇଥର ଏହାକୁ ଲଗାଇଲେ ଟ୍ୟାନିଂ ସମସ୍ୟା ଦୂର ହୋଇଯିବ।
୪-୫ଟି ଆଲମଣ୍ଡକୁ ଭିଜାଇ ସକାଳେ ବାଟି ଦିଅନ୍ତୁ ଏବଂ ସେଥିରେ ଅଳ୍ପ କେଶର, ଆବଶ୍ୟକ ପରିମାଣରେ କ୍ଷୀର ମିଶାଇ ପ୍ୟାକ୍ ପ୍ରସ୍ତୁତ କରନ୍ତୁ। ଏହି ପ୍ୟାକ୍କୁ ମୁହଁରେ ଲଗାଇବା ଦ୍ୱାରା ସ୍କିନ୍ ଟୋନ୍ ସହ ଗ୍ଲୋ ମଧ୍ୟ ବଢ଼ିଥାଏ।
