ହରାରେ,୨୭।୭: ଜିମ୍ବାୱେ ଏବଂ ବାଂଲାଦେଶ ମଧ୍ୟରେ ଚାଲିଥିବା ଦ୍ୱିତୀୟ ଟି -୨୦ ଅନ୍ତର୍ଜାତୀୟ ମ୍ୟାଚ ସମୟରେ କ୍ୟାମେରାରେ ଏକ ଭୟାନକ ଘଟଣା ଦେଖିବାକୁ ମିଳିଥିଲା। ରହସ୍ୟମୟ ଭାବରେ ଷ୍ଟମ୍ପରୁ ବେଲ୍ ଆପଣା ଛାଏଁ ଖସିପଡିଥିଲା। ବାଂଲାଦେଶର ଇନିଂସର ୧୮ ତମ ଓଭରରେ ମହମ୍ମଦ ସୈଫୁଦ୍ଦିନ ଷ୍ଟ୍ରାଇକ ନେଉଥିବା ବେଳେ ଏହି ଘଟଣା ଘଟିଥିଲା। ତେନ୍ଦାଇ ଚତରା ତାଙ୍କର ପଞ୍ଚମ ବଲ ବୋଲିଂ କରୁଥିଲେ। ଏଭଳି ପରିସ୍ଥିତିରେ ସେ ଏକ ଭାଗ୍ୟଶାଳୀ ‘ସଫଳତା’ ପାଇଥିଲେ। ସୈଫୁଦ୍ଦିନ ଏକ ପୁଲ ସଟ ଖେଳିବାବେଳେ ଷ୍ଟମ୍ପରୁ ବେଲ୍ ଖସିପଡିଥିଲା। ଏହି ଅଜବ ପରିସ୍ଥିତିର ଅନୁସନ୍ଧାନ ପାଇଁ ଅମ୍ପାୟାରଙ୍କ ସହାୟତା ନିଆଯାଇଥିଲା। ଏହା ପରେ ଫୁଟେଜରେ ଏହା ଦେଖିବାକୁ ମିଳିଥିଲା ଯେ, ବେଲ୍ଗୁଡ଼ିକ ପବନରେ ଖସି ପଡିଛି। ରିପ୍ଲାଏରେ ଦେଖାଗଲା ଯେ ସୈଫୁଦ୍ଦିନ ଷ୍ଟମ୍ପଠାରୁ କିଛି ଇଞ୍ଚ ଦୂରରେ ଥିଲେ। ତେବେ ବେଲ୍ କିପରି ଖସିଗଲା ସେନେଇ ଏହି ରହସ୍ୟ ପ୍ରକାଶ ହୋଇପାରି ନାହିଁ।
ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ଏହି ଘଟଣା ଉପରେ ନିଜର ମତାମତ ଦେଇଛନ୍ତି। ତେବେ ଟୁଇରରେ ପ୍ରଶଂସକମାନେ ଏହି ଘଟଣାକୁ ଭୂତ ବୋଲି କହିଛନ୍ତି। ଏହି ମଜାଳିଆ ଭିଡିଓ ଶେୟାର କରିବାବେଳେ ପ୍ରଶଂସକମାନେ କହିଥିଲେ ଯେ ଭୂତ ନେଇଥିବା ପ୍ରଥମ ଉଇକେଟ।
First ever wicket taken by a ghost 😛😂 pic.twitter.com/9vG0BI50S4
— Mazher Arshad (@MazherArshad) July 24, 2021
