ଦାଉ ସାଧୁଛି ପାରାଦୀପ ଶିଳ୍ପାଞ୍ଚଳର ନିର୍ଗତ ବିଷାକ୍ତ ଗ୍ୟାସ୍‌: ମହାକାଳପଡ଼ା ଲୋକେ ଅଣନିଃଶ୍ୱାସୀ

ମହାକାଳପଡ଼ା,୭।୫(ଡି.ଏନ୍‌.ଏ.): ବାୟୁ ମଣ୍ଡଳରେ ତାପମାତ୍ରା ବୃଦ୍ଧି ପାଉଛି। ଅମ୍ଳଯାନ ସ୍ତର ହ୍ରାସ ପାଇବା ଦ୍ୱାରା ଜୀବଜଗତ ଉପରେ ପ୍ରଭାବ ପକାଉଛି। କେନ୍ଦ୍ରାପଡ଼ା ଜିଲା ଅଧୀନ ଉପକୂଳ ଅଞ୍ଚଳର ମହାକାଳପଡ଼ା ଆକାଶର ବାୟୁରେ ମିଶୁଛି କାରଖାନାର ନିର୍ଗତ ବିଷାକ୍ତ ଗ୍ୟାସ ଓ ସୁଉଚ୍ଚ ନିର୍ମିତ ଚିମିଣୀରୁ ବାହାରୁ ଥିବା ନିଆଁ , ଧୂଆଁ। ଉତ୍ତାପ ପ୍ରଭାବରେ ବାୟୁମଣ୍ଡଳ ଓଜନସ୍ତରରେ କଣା ସୃଷ୍ଟି ହେଉଛି। ଏଥିଯୋଗୁ ସୂର୍ଯ୍ୟକିରଣର ଅତିବାଇଗଣୀ ରଶ୍ମି ଓଜନ ସ୍ତର କଣା ଦେଇ ପୃଥିବୀପୃଷ୍ଠରେ ପଡୁଛି। ପ୍ରଭାବରେ ବିଭିନ୍ନ ପ୍ରକାରର ରୋଗ ସୃଷ୍ଟି ହେଉଛି। ମହାକାଳପଡ଼ା ନିକଟ ପାରାଦୀପରେ ଗଢ଼ିଉଠିଛି ୧୫ ବୃହତ୍‌ ଶିଳ୍ପ। କାରଖାନାରୁ ନିର୍ଗତ ବିଷାକ୍ତ ଗ୍ୟାସ, ନିଆଁ, ତୈଳାକ୍ତ ଧୂଆଁ, ସଲ୍‌ଫୁରିକ ଏସିଡ୍‌, ଫସ୍‌ଫରିକ ଏସିଡ୍‌, ନାଇଟ୍ରେଟ୍‌, ଆମୋନିଆ, ପଟାସ୍‌, ଅଙ୍ଗାରକାମ୍ଳ ଭଳି ଗ୍ୟାସ ନିର୍ଗତ ହୋଇ ବାୟୁରେ ମିଶିଛି। ଏଭଳି ପ୍ରଦୂଷଣ ଯୋଗୁ ଜଳଜୀବ, ମୃତ୍ତିକା, ଭୂତଳ ଜଳସ୍ତର ପ୍ରଭାବିତ ହେଉଛି। ମଣିଷଙ୍କ କ୍ଷେତ୍ରରେ ଫୁସ୍‌ଫୁସ୍‌, କର୍କଟ, ଆଜ୍‌ମା, ଚର୍ମ, ଆଖି ଆଦି ରୋଗ ଦେଖିବାକୁ ମିଳୁଛି। ଗର୍ଭବତୀ ମହିଳା ବାୟୁକୁ ଗ୍ରହଣ କଲା ପରେ ଗର୍ଭସ୍ଥ ଶିଶୁ ଉପରେ ମଧ୍ୟ ପ୍ରଭାବ ପଡୁଛି ବୋଲି ବୁଦ୍ଧିଜୀବୀ ଓ ସାଧାରଣ ଲୋକେ ଅଭିଯୋଗ କରିଛନ୍ତି।
ଏ ସମ୍ପର୍କରେ ବାବାଜୀ ବେହେରା, ତାରେଣୀ ମଣ୍ଡଳ, କୃପାସିନ୍ଧୁ ବାରିକ, ମମତାମୟୀ ରାଉତ, କାଦମ୍ବିନୀ ମଣ୍ଡଳ, ସୁକୁମାର ମିର୍ଦ୍ଧା, ପରିତୋଷ ବିଶ୍ୱାସ, ମନୀନ୍ଦ୍ର ମଣ୍ଡଳ, ସାରାଣୀ ମଣ୍ଡଳ, ଭବେନ ମଣ୍ଡଳ, କାଳନ୍ଦୀ ରାଉତ ପ୍ରଦୂଷଣକୁ ନେଇ ଚିନ୍ତାବ୍ୟକ୍ତ କରିଛନ୍ତି। ଖରାଦିନ ଗ୍ରୀଷ୍ମ ଦାଉରୁ ରକ୍ଷା ପାଇବାକୁ ମହାକାଳପଡ଼ାର ଦକ୍ଷିଣ ଦିଗରେ ଥିବା ପାରାଦୀପ ପଟରୁ ବିଷାକ୍ତ ଗନ୍ଧ ଆସୁଛି। ଫଳରେ ଏହି ଅଞ୍ଚଳର ଥିବା ଗ୍ରାମାଞ୍ଚଳର ଲୋକେ ମଧ୍ୟାହ୍ନରୁ ସା ପର୍ଯ୍ୟନ୍ତ ଗ୍ୟାସ୍‌ ଓ ଧୂଆଁ ଯୋଗୁ ଅଣନିଃଶ୍ୱାସୀ ହୋଇ ପଡୁଛନ୍ତି। ଲୋକଙ୍କୁ ବାଧ୍ୟ ହୋଇ ଖରାବେଳେ କବାଟ, ଝରକା ବନ୍ଦ କରିବାକୁ ପଡୁଛି। ଏହାର ପ୍ରଭାବରେ ବାଡି ବଗିଚାରେ ନଡ଼ିଆ, କାଜୁ, ପନିପରିବା ଆଦି ପତ୍ରରେ ବହଳ କଳାଗୁଣ୍ଡ ଜମା ହେଉଛି। ଗଛ ପତ୍ରରେ ତେଲିଆ ଆସ୍ତରଣ ଓ ଛିଦ୍ର ସୃଷ୍ଟି ହେଉଛି। ବ୍ଲକ ଅଞ୍ଚଳର ପଲ୍ଲୀଗଡ଼, କୋଚିଳା, କେନ୍ତିଆ, ରାଜେନ୍ଦ୍ରନଗର, ସରୁମୁହିଁ, ପେଟଛେଲ୍ଲା, ପିତାପାଟ, ନଳଗୋଠ, ରାମନଗର, ବାହାକୁଦ, ଖରିନାସି, ବତିଘର ଆଦି ଗାଁଗୁଡ଼ିକ କାରଖାନା ସଂଲଗ୍ନଠାରୁ କମ୍‌ ଦୂରରେ ଥିବାରୁ ପ୍ରଭାବ ଲୋକମାନଙ୍କ ଉପରେ ପଡୁଛି। ଅପରପକ୍ଷେ କାରଖାନାର ସିଏସ୍‌ଆର୍‌ ଫଣ୍ଡରୁ କ୍ଷତିଗ୍ରସ୍ତ ଅଞ୍ଚଳରେ ଖର୍ଚ୍ଚ କରିବାର ବ୍ୟବସ୍ଥା ରହିଛି। କ୍ଷତିଗ୍ରସ୍ତ ଅଞ୍ଚଳରେ ଶିଳ୍ପ ଆଇନ ଅନୁଯାୟୀ ସ୍ବାସ୍ଥ୍ୟସେବା, ପାନୀୟ ଜଳ, ଶିକ୍ଷା, ବୃକ୍ଷରୋପଣ ଆଦି ମୌଳିକ ସମସ୍ୟା ପୂରଣ ପାଇଁ ସ୍ବତନ୍ତ୍ର ଅର୍ଥ ରହିଛି। ହେଲେ ଅଧିକାରୀମାନେ ଅଣଦେଖା କରୁଛନ୍ତି। ୩ ସପ୍ତାହ ହେଲା ଖରାବେଳେ ଭାସି ଆସୁଥିବା ଦୁର୍ଗନ୍ଧରେ ନିଃଶ୍ୱାସ ନେବାରେ ଅସୁବିଧା ହେଉଛି ବୋଲି କୋଚିଳା ଗାଁର ଅନାଦି ସ୍ବାଇଁ କହିଛନ୍ତି। ଏ ସମ୍ପର୍କରେ ସେ ପାରାଦୀପ ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀଙ୍କୁ ଫୋନ୍‌ ଯୋଗେ ସେ ଅଭିଯୋଗ କରିଥିଲେ। ଏ ସଂକ୍ରାନ୍ତରେ ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ ଦିଲୀପ ଦାସଙ୍କୁ ପଚାରିବାରେ ପାରାଦୀପରୁ ଏଭଳି ଅଭିଯୋଗ ଆସିନାହିଁ। ପ୍ରଥମଥର ପାଇଁ ମହାକାଳପଡ଼ା ଅଞ୍ଚଳରୁ ପାଇଲି। ଏହାର ସ୍ଥିତିକୁ ନେଇ ଅନୁଧ୍ୟାନ କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଦଶମ ଶ୍ରେଣୀ ଛାତ୍ରୀଙ୍କୁ ଗଣବଳାତ୍କାର ମାମଲା:୨ ଜଣଙ୍କୁ ୨୦ ବର୍ଷ ଲେଖାଏ ସଶ୍ରମ କାରାଦଣ୍ଡ

ଫୁଲବାଣୀ ଅଫିସ, ୨୨ା୧:ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଗଣବଳାତ୍କାର ମାମଲାର ବିଚାର କରି ଫୁଲବାଣୀ ପୋକ୍‌ସୋ କୋର୍ଟ ସ୍ବତନ୍ତ୍ର ବିଚାରପତି ତଥା ଅତିରିକ୍ତ ଜିଲା ଦୌରାଜଜ୍‌...

ନୂଆ ଘରୋଇ ବସଷ୍ଟାଣ୍ଡରୁ ଗଡ଼ିଲା ବସ୍‌

ବରଗଡ଼ ଅଫିସ,୨୦।୭: ବରଗଡ଼ ନୂଆ ଘରୋଇ ବସଷ୍ଟାଣ୍ଡରୁ ବସ୍‌ ଚଳାଚଳ ଶୁଭାରମ୍ଭ ହୋଇଛି। ମଙ୍ଗଳବାର ଅନୁଷ୍ଠିତ ସମାରୋହରେ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ମୁଖ୍ୟ ଅତିଥିଭାବେ...

ଗୋବିନ୍ଦପୁର ବଡ଼ପୋଖରୀରେ ଗାଧୋଇବାକୁ ବାରଣ କଲେ ତହସିଲଦାର: ପୂରା ଗ୍ରାମ ବୁଲି କଲେ ଅନୁରୋଧ

ଶେରଗଡ଼,୨।୭(ଡି.ଏନ୍‌.ଏ.):ଗଞ୍ଜାମ ଜିଲାରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଏ ନେଇ ପ୍ରଶାସନ ପକ୍ଷରୁ କଡ଼ା ଆଭିମୁଖ୍ୟ ଗ୍ରହଣ କରାଯାଉଛି। ପ୍ରତିଦିନ ତହସିଲ...

ସ୍ତ୍ରୀ ଅଧିକାର ନ ମିଳିବାରୁ ହତ୍ୟା

ବାଲେଶ୍ୱର ଅଫିସ,୧୯।୧୨: ବାଲେଶ୍ୱର ଜିଲା ସହଦେବଖୁଣ୍ଟା ମଡେଲ ଥାନା ଅଧୀନ ଗୁଡ଼ିପଦା ଅଞ୍ଚଳରେ ବୁଧବାର ଭୋର୍‌ ସମୟରେ ଏକ ହତ୍ୟାକାଣ୍ଡ ଘଟିଛି। ଭାରତୀୟ ଖାଦ୍ୟ ନିଗମ...

ଏସ୍‌ସିବି ମେଡିକାଲରେ ଆବଶ୍ୟକ ପଡୁଛି ସ୍ବତନ୍ତ୍ର ନିଶ୍ଚେତକ

କଟକ ଅଫିସ,୨୨।୬: ଶଲ୍ୟ ବିଭାଗ କାଳକ୍ରମେ ସମ୍ପ୍ରସାରିତ ଓ ବିଭାଜିତ ହୋଇ ବିଭିନ୍ନ ପ୍ରକାରର ସୁପର୍‌ ସ୍ପେଶିଆଲିଟି ବିଭାଗ ସୃଷ୍ଟି ହୋଇଛି। ଫଳରେ ନ୍ୟୁରୋ ସର୍ଜରି...

ଜୁନ୍‌ ୧ରୁ କାର୍ଯ୍ୟକ୍ଷମ ହେବ ଏମ୍‌ସିସି

ଅନୁଗୋଳ ଅଫିସ, ୨୦।୫: ବହୁ ବିରୋଧ ପରେ ଅନୁଗୋଳ ସହରରେ ମାଇକ୍ରୋ କମ୍ପୋଷ୍ଟିଂ ସିଷ୍ଟମ(ଏମ୍‌ସିସି) ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ସହରର ଗୋଟିଏ ସ୍ଥାନରେ...

ରାଜ୍ୟ ଉପରେ ଦୋଷ ଲଦିଲା ରେଲଓ୍ବେ ବୋର୍ଡ

ଗୁଣପୁର,୧୭ା୨(ଡି.ଏନ୍‌.ଏ.):ଫେବୃୟାରୀ ୧ରେ ଉପସ୍ଥାପିତ ସାଧାରଣ ବଜେଟରେ ରାୟଗଡ଼ା ଜିଲା ଗୁଣପୁର-ଥେରୁବାଲି ରେଳପଥ ପାଇଁ ୧ହଜାର ଟଙ୍କା ମଞ୍ଜୁର ନେଇ ଘୋଷଣା କରିଥିଲେ। ଏହାକୁ ନେଇ ଅଞ୍ଚଳରେ...

ଦାରିଙ୍ଗବାଡ଼ିରେ ଶଟଡାଉନ ଦ୍ୱିତୀୟ ସପ୍ତାହ: ବେଧଡ଼କ ବ୍ୟବସାୟ ନେଇ ଜନଅସନ୍ତୋଷ

ଦାରିଙ୍ଗବାଡ଼ି,୧୨।୭(ଡି.ଏନ୍‌.ଏ.): କରୋନା ସଂକ୍ରମଣକୁ ପ୍ରତିହତ କରିବା ପାଇଁ ଜିଲାପ୍ରଶାସନର ନିର୍ଦ୍ଦେଶକ୍ରମେ କନ୍ଧମାଳ ଜିଲା ପ୍ରତି ଶନିବାର ଏବଂ ରବିବାର ଦୁଇଦିନ ଧରି ଶଟଡାଉନ ଘୋଷଣା କରାଯାଇଛି...

Advertisement


Archives

Model This Week