ଛତ୍ରପୁର,୧ା୭(ସନ୍ତୋଷ ପାଢୀ): ରାଜ୍ୟରେ ଗଞ୍ଜାମ ଜିଲାରେ ସର୍ବାଧିକ ସଡ଼କ ଦୁର୍ଘଟଣା ଘଟୁଛି। କିଛିବର୍ଷ ହେଲା ଏଥିଜନିତ ମୃତ୍ୟୁ ସଂଖ୍ୟା ଅଧିକ ରହୁଥିବା ଦେଖିବାକୁ ମିଳୁଛି ା ଏନେଇ ସୁପ୍ରିମକୋର୍ଟ ସଡକ ସୁରକ୍ଷା କମିଟି ଓ ରାଜ୍ୟ ସଡକ ସୁରକ୍ଷା କମିଟି ଚିନ୍ତା ପ୍ରକଟ କରିଛନ୍ତି ା ଦୁର୍ଘଟଣା କିଭଳି କମିପାରିବ ସେ ନେଇ ଗଞ୍ଜାମ ଜିଲାସ୍ତରରେ ସଡକ ସୁରକ୍ଷା କମିଟି ବୈଠକ ପ୍ରତି ମାସରେ ଅନୁଷ୍ଠିତ ହେଉଛି ା ଏହିକ୍ରମରେ ସଡକ ସୁରକ୍ଷା କମିଟି ବୈଠକ ଭିସିରେ ଜିଲାପାଳ ଦିବ୍ୟଜ୍ୟୋତି ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ା ସୁପ୍ରିମକୋର୍ଟ ସଡକ ସୁରକ୍ଷା କମିଟିଙ୍କ ନିର୍ଦ୍ଦେଶ ଅନୁସାରେ ସଡକ ଦୁର୍ଘଟଣା ସହ ଏଥିରେ ମୃତ୍ୟୁ ସଂଖ୍ୟା କିଭଳି କମାଯାଇ ପାରିବ ସେ ନେଇ ଜିଲାପାଳ ବୈଠକରେ ନିର୍ଦ୍ଦେଶ ଦେଇଛନ୍ତି। ତେବେ ପୂର୍ବ ବୈଠକଗୁଡିକରେ କମିଟିର ଅଧ୍ୟକ୍ଷ ତଥା ଜିଲାପାଳ ଓ କମିଟି ସଦସ୍ୟମାନେ ଯେଉଁସବୁ ପରାମର୍ଶ କିମ୍ବା ନିର୍ଦ୍ଦେଶ ଦେଉଛନ୍ତି ତାହା କାର୍ଯ୍ୟକାରୀ ହେଉ ନ ଥିବା ଜଣାପଡିଛି ା
ବ୍ରହ୍ମପୁର ଉପକଣ୍ଠ ହଳଦିଆପଦର ଅଞ୍ଚଳ ମରଣଯନ୍ତା ପାଲଟିଛି। ସେଠାରେ ଦୁର୍ଘଟଣା ସଂଖ୍ୟା ବୃଦ୍ଧି ପାଇବାରେ ଲାଗିଛି ା ଉକ୍ତ ଅଞ୍ଚଳରେ ୨ଟି ରାସ୍ତା ଏନଏଚଏଆଇ ଓ ଗୋଟିଏ ପିଡବ୍ଲ୍ୟୁଡି ରାସ୍ତା ରହିଛି ା ଏଥିରେ ଏନଏଚଏଆଇ ବିଶେଷ ବାଧକ ସାଜୁଥିବା ବୈଠକରେ ହୋଇଥିବା ଆଲୋଚନାରୁ ଜଣାପଡିଥିଲା ା ସୁପ୍ରିମକୋର୍ଟ ସଡକ ସୁରକ୍ଷା କମିଟି ଗତ ଫେବୃୟାରୀରେ ଗଞ୍ଜାମ ଜିଲା ଗସ୍ତରେ ଆସି କେଉଁଠି ଦୁର୍ଘଟଣା ଘଟୁଛି ତାହାର ଅନୁଧ୍ୟାନ କରିବା ସହ ପ୍ରତିକାର ପାଇଁ ପରାମର୍ଶ ଦେଇଥିଲେ ା ଆସନ୍ତା ଅଗଷ୍ଟ ମାସରେ ପୁଣି ଉକ୍ତ କମିଟି ଆସିବେ ା କ’ଣ ସବୁ ପଦକ୍ଷେପ ନିଆଯାଇଛି ତା’ ଉପରେ ରିପୋର୍ଟ ଦେବାକୁୂ ଗଞ୍ଜାମ ଓ ବ୍ରହ୍ମପୁର ଏସ୍ପି ଏବଂ ଗଞ୍ଜାମ, ଭଞ୍ଜନଗର ଆରଟିଓଙ୍କୁ ରିପୋର୍ଟ ଦାଖଲ କରିବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ। ଏନଏଚ୍ରେ କେଉଁ ସ୍ଥାନରେ କିଭଳି ଦୁର୍ଘଟଣା ବୃଦ୍ଧି ପାଉଛି ସେ ସମ୍ପର୍କରେ ଦୁଇ ଏସ୍ପି ପୃଥକ ଟିମ୍ ଗଠନ କରି ଅନୁଧ୍ୟାନ କରିବା ସହ ବୈଠକରେ ରିପୋର୍ଟ ଉପସ୍ଥାପନ କରିଥିଲେ ା ଛତ୍ରପୁର ବାଇପାସ୍ ଏନଏଚ୍ରେ ଫ୍ଲାଏ ଓଭର ବ୍ରିଜ୍ ନିର୍ମାଣ ଲାଗି ଟେଣ୍ଡର ସରିଛି । ଆସନ୍ତା ଅକ୍ଟୋବରରୁ ଏହାର କାମ ଆରମ୍ଭ ହେବ ା ଏହି କାର୍ଯ୍ୟ ନିର୍ଦ୍ଧାରିତ ସମୟରେ ସାରିବାକୁ ଜିଲାପାଳ ବୈଠକରେ ନିର୍ଦ୍ଦେଶ ଦେଇଛନ୍ତି। ସେହିପରି ତପ୍ତପାଣି ଘାଟି ଓ ସାନଘାଟିରେ ଦୁର୍ଘଟଣା ବଢୁଥିବାରୁ ଠିକ୍ ସ୍ଥାନରେ ସାଇନେଜ୍, ଲାଇଟ୍ ଲଗାଇବା ସହ ନିର୍ମାଣ ଜନିତ ତ୍ରୁଟି ସୁଧାରିବାକୁ ନିର୍ଦ୍ଦେଶ ଦିଆଯାଇଛି। ବ୍ରହ୍ମପୁର ମେଡିକାଲରେ ଟ୍ରମା କେୟାର ସେଣ୍ଟର ଥିବା ବେଳେ ଖଲ୍ଲିକୋଟ ଓ ଭଞ୍ଜନଗର ଠାରେ ଆଉ ଗୋଟିଏ ଲେଖାଏ ଟ୍ରମା କେୟାର ସେଣ୍ଟର ଖୋଲିବା ନେଇ ରାଜ୍ୟ ସରକାର ମଞ୍ଜୁରୀ ପ୍ରଦାନ କରିଛନ୍ତି ା ସେହିପରି ଜିଲାରେ ୧୦୮ ଆମ୍ବୁଲାନ୍ସ ସଂଖ୍ୟା ବୃଦ୍ଧି ଲାଗି ରାଜ୍ୟ ସରକାରଙ୍କୁ ପ୍ରସ୍ତାବ ଦେବାକୁ ନିଷ୍ପତ୍ତିି ହୋଇଛି ା ଗଞ୍ଜାମ ଏସପିଙ୍କ ଅଞ୍ଚଳରେ ଗତବର୍ଷ ୨୪୯ଟି ଦୁର୍ଘଟଣା ଘଟିବା ସହ ୧୨୮ ଜଣଙ୍କ ଜୀବନ ଯାଇଥିଲା ା ଚଳିତବର୍ଷ ୨୩୪ଟି ଦୁର୍ଘଟଣା ଘଟିବା ସହ ଏଥିରେ ୧୨୧ ଜୀବନ ଯାଇଥିବା ସୂଚନା ଦିଆଯାଇଛି ା ବିଭିନ୍ନ ଥାନା ଅଂଚଳରେ ଟ୍ରାଫିକ୍ ନିୟମ ସଚେତନତା ବୈଠକକୁ ତ୍ୱରାନ୍ବିତ କରିବା ଉପରେ ଗୁରୁତ୍ୱାରୋପ କରାଯାଇଥିଲା ା ହେଲମେଟ୍, ସିଟ୍ ବେଲ୍ଟ ଯାଞ୍ଚ ସହ ଡ୍ରିଙ୍କ ଓ ଡ୍ରାଇଭିଂ ଏନଫୋର୍ସମେଣ୍ଟକୁ କଡାକଡି କରିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି ା ବୈଠକରେ ଗଞ୍ଜାମ ଏସ୍ପି ଜଗମୋହନ ମୀନା, ବ୍ରହ୍ମପୁର ଏସ୍ପି ଶ୍ରବଣା ବିବେକ ଏମ୍, ଗଞ୍ଜାମ ଆରଟିଓ ମାନସ ରଞ୍ଜନ ସାହୁୂ, ଭଞ୍ଜନଗର ଆରଟିଓ ଶୁଭେନ୍ଦୁ ରାୟ, ଗଞ୍ଜାମ ଏମଭିଆଇ ରବୀନ୍ଦ୍ର ନାଥ ଜେନା, ଏନଏଚଏଆଇ ପିଡିଙ୍କ ସମେତ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ।
