ଦିଗପହଣ୍ଡି,୨୭|୬(ଅଶେଷ ନାଥ ମିଶ୍ର) ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଜକର ଗ୍ରାମ ନିକଟ ମା ‘ ରତ୍ନେଶ୍ୱରୀ ଶକ୍ତିପୀଠ ପରିସରରେ ଶୁକ୍ରବାର ନିଖିଳ ଓଡିଶା ଠିକାଦାର ମହାସଂଘ ଗଞ୍ଜାମ ଜିଲା ଶାଖା ପକ୍ଷରୁ ଆଲୋଚନା ସଭା ଅନୁଷ୍ଠିତ ହୋଇଯାଇଛି। ଦିଗପହଣ୍ଡି ବ୍ଳକ ଠିକାଦାର ସଂଘ ସଭାପତି ପ୍ରଶାନ୍ତ କୁମାର ପ୍ରଧାନଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଜିଲା ସଭାପତି ଉମାକାନ୍ତ ସାହୁ ଅଧ୍ୟକ୍ଷତା କରିଥିଲେ। ଜିଲା ଉପସଭାପତି ଗୋପାଳ ପଣ୍ଡା , ସମ୍ପାଦକ ଜି . ଗୋପାଳ ରାଓ ଦୋରାଙ୍କ ସମେତ ବିଭିନ୍ନ ବ୍ଲକ ସଂଘର କାର୍ଯ୍ୟକର୍ତ୍ତା ନୀଳାଞ୍ଚଳ ସାହୁ , ଲକ୍ଷ୍ମୀ ନାରାୟଣ ରେଡ୍ଡୀ , ମହେଶ୍ୱର ନାୟକ , ସଞ୍ଜୟ ରାଉତ , କାହ୍ନୁଚରଣ ଗୈାଡ , ଦେବରାଜ ଭୂୟାଁ , ଅଶୋକ ନାୟକ , ନୀଳାଞ୍ଚଳ ସାହୁ ପ୍ରମୁଖ ମଞ୍ଚାସିନ ଥିଲେ । ସଭାରେ ସାଙ୍ଗଠନିକ ଅଭିବୃଦ୍ଧି ଏବଂ ବିଭିନ୍ନ ପ୍ରସଙ୍ଗ ସମ୍ପର୍କରେ ବିସ୍ତୃତ ଆଲୋଚନା କରାଯାଇ ବିଧିବଦ୍ଧ ପ୍ରସ୍ତାବ ଗୃହୀତ କରାଯାଇଥିଲା ସଂଘର ଏକତା ବଜାୟ ରଖିବା ସହ ସମସ୍ତ ସରକାରୀ ଟେଣ୍ଡରକୁ କୈାଣସି ସଦସ୍ୟ ସଂଘର ନୀତି ବିରୋଧରେ ଯାଇ ଧାର୍ଯ୍ୟ ସିଡ୍ଯୁଲ ରେଟ ଠାରୁ କମ୍ ମୂଲ୍ୟରେ ଟେଣ୍ଡର କଟ୍ ନ କରିବା ଏବଂ ସଂଘ ପକ୍ଷରୁ ସରକାରଙ୍କୁ ଦିଆଯାଇଥିବା ୮ ଦଫା ଦାବି ସମ୍ପର୍କରେ ଆଲୋକପାତ କରାଯାଇଥିଲା । ସଭାରେ ଦିଗପହଣ୍ଡି ସଂଘ ଉପସଭାପତି ଅଶୋକ କୁମାର ସାହୁ , ପ୍ରଦୀପ କୁମାର ପଣ୍ଡା , କୋଷାଧ୍ୟକ୍ଷ ତୋଫାନ କୁମାର ସାହୁ , ନୀଳମାଧବ ଗୈାଡ , ଅଶୋକ ସ୍ବାଇଁ , ମନୋଜ ପଟ୍ଟନାୟକ , ଶ୍ରୀଧର ମେକାପ , ଗୋକୁଳ ସାହୁଙ୍କ ସମେତ ଧରାକୋଟ , ସାନଖେମୁଣ୍ଡି , ଶେରଗଡ଼ , ଆସିକା , ଦିଗପହଣ୍ଡି , ହିଞ୍ଜିଳି , ଚିକିଟି ବ୍ଲକ ଶାଖାର ବହୁ ଠିକାଦାର ଉପସ୍ଥିତ ରହି ସଭା ପରିଚାଳନାରେ ସହଯୋଗ କରିଥିଲେ ।
