ଗଞ୍ଜାମ,୨୮।୪(ବିଦ୍ୟାଧର ସାହୁ ): ଗଞ୍ଜାମ ସହର ବ୍ରାହ୍ମଣ ଢମଣା ସାହି ସ୍ଥିତ ବହୁ ପୁରାତନ ଧର୍ମ ଶାଳା ଜଗନ୍ନାଥ ମନ୍ଦିର ଅବସ୍ଥିତ। ଏବେ ଏହି ପୁରାତନ ଧର୍ମ ଶାଳା ମନ୍ଦିର ଅବହେଳିତ ଅବସ୍ଥାରେ। ମନ୍ଦିରର ଜାଗାକୁ କିଛି ବ୍ୟକ୍ତି ଜବରଦଖଲ କରି ପାଇଖାନା ଗାଧୁଆ ଘର କରି ଜାଗାକୁ ନିଜ ଅକ୍ତିଆରରେ ରଖିଥିବା ଅଭିଯୋଗ ହୋଇଛି । ଏହାକୁ ନେଇ ମଠ ମହନ୍ତ ବାସୁଦେବ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳୁ ନଥିବା ମହାନ୍ତ ଗଣମାଧ୍ୟମକୁ ସୂଚନା ଦେଇଛନ୍ତିl ପ୍ରକାଶ ଥାଉକି ଏହି ପୁରାତନ ମଠକୁ ଦୁଇ ହଜାର ମସିହାରେ ଗ୍ରାମର ବୁଦ୍ଧିଜୀବୀ ଓ ସ୍ବର୍ଗତ ରାମ ନାରାୟଣ ଦାସ ମହାରାଜଙ୍କ ପୌରାହିତ୍ୟରେ ମଠ ପୁନଃରୁଦ୍ଧାର ହୋଇଥଲା । ଏହି ମଠରେ ଚତୁର୍ଦ୍ଧା ମୂର୍ତ୍ତି ଜଗନ୍ନାଥ ବଳଭଦ୍ର ଓ ମା ସୁଭଦ୍ରାଙ୍କ ସହ ସୁଦର୍ଶନ ପୂଜାପାଉଛନ୍ତି । ବିଗ୍ରହମାନଙ୍କ ପ୍ରତିମୂର୍ତ୍ତି ମଧ୍ୟ ଭଗ୍ନ ଅବସ୍ଥାରେ ଥିବା ସେଗୁଡିକୁ କୁଶଳୀ କାରିଗରମାନଙ୍କ ଦ୍ୱାରା ନବ ନିର୍ମିତ କରାଯାଇଥିଲା । ମଠରେ କୌଣସି ଜମିଜମା ଥିଲେ ମଧ୍ୟ କିଛି ମହସିଲ ମିଳୁନଥିବା ଯୋଗୁ ନାହିଁ ନଥିବା ଅବସ୍ଥାରେ ମନ୍ଦିର ଚାଲୁଥିବା ମହନ୍ତ କହିଛନ୍ତି । ଏହିଭଳି ଅନେକ ପ୍ରତିମୂର୍ତ୍ତି ଭଗ୍ନ ହୋଇ ରହିଥିଲା, ମଠର ପୁନଃରୁଦ୍ଧାର ପରେ ସ୍ଥାନୀୟ ଅଞ୍ଚଳବାସୀଙ୍କ ସହଯୋଗ କ୍ରମେ ଧୀରେ ଧୀରେ ମନ୍ଦିରର ଉନ୍ନତି ଘଟିଥିବା ଦେଖିବାକୁ ମିଳିଥିଲା । ପୁଣି ୨୦୧୪ରେ ନବକଳେବରରେ ତତ୍କାଳୀନ ଗଞ୍ଜାମ ତହସିଲଦାର ଶକ୍ତି କାନ୍ତ ରାୟ ଓ ଗୋଷ୍ଠୀ ଉନ୍ନୟନ ଅଧିକାରୀ ଏନସି ଜୋତିରଞ୍ଜନ ନାୟକଙ୍କର ଉଦ୍ୟମରେ ନବ କଳେବର କାର୍ଯ୍ୟ ଆରମ୍ଭ ଓ ଶେଷ ହୋଇଥିଲା l ଏହାର କିଛି ଦିନ ପରେ ଠାକୁରଙ୍କ ମୁଖ୍ୟ ଆସ୍ଥାନଟି ସମ୍ପୂର୍ଣ ଭାଙ୍ଗି ରୁଜି ଚୁରମାର ହୋଇଯାଇଥିଲା ପରେ କିଛି ଭକ୍ତଙ୍କ ସହଯୋଗରେ ଭଗ୍ନ ମନ୍ଦିରର ଟିକେ ଅଳ୍ପ ଆଗକୁ ଏକ ଅସ୍ଥାୟୀ ମନ୍ଦିର ଗୃହ ତିଆରି କରାଗଲା । ସେହି ଅସ୍ଥାୟୀ ଗୃହରେ ମହାପ୍ରଭୁ ଚତୁର୍ଦ୍ଧା ମୂର୍ତ୍ତି ଦୀର୍ଘ ଏଗାର ବର୍ଷ ହେଲା ବିରାଜମାନ କରି ପୂଜା ପାଉଛନ୍ତି । ପୁଣି ୨୦୨୧ରେ ତତ୍କାଳୀନ ମଠ ମହନ୍ତ ରାମ ରାଣାୟଣ ଦାସଙ୍କ ଏକ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଥିଲା। ତାଙ୍କ ସ୍ଥାନରେ ବଲାଙ୍ଗୀର ଜିଲାରୁ ଆସିଥିବା ସାଧୁ ବାସୁଦେବ ମହାରାଜଙ୍କୁ ମହନ୍ତ ଗାଦିରେ ଶାଢୀ ବନ୍ଧା ଯାଇଥିଲା କିନ୍ତୁ ଆଜି ପର୍ଯ୍ୟନ୍ତ ନୂତନ ମନ୍ଦିର ନିର୍ମାଣ ହୋଇପାରୁନାହିଁ । ଏହା ହେଉଛି ଆମ ଗଞ୍ଜାମର ଦୁଃଖ ବୋଲି ମହନ୍ତ ବାସୁଦେବ ମହାରାଜ ପ୍ରକାଶ କରିଛନ୍ତି । କୌଣସି ଲୋକଙ୍କ ସହଯୋଗ ନାହିଁ ବୋଲି କ୍ଷଭୋ ପ୍ରକାଶ କରିଛନ୍ତି। ଏହି ପରିପେକ୍ଷୀରେ ଗଣମାଧ୍ୟମଙ୍କ ସହଯୋଗ କ୍ରମେ ଆଗାମୀ ଦିନରେ ଠାକୁରଙ୍କ ଜାଗାର ପରିସୀମା ନିର୍ଦ୍ଧାରଣ କରିବା ପାଇଁ ଗଞ୍ଜାମ ତହସିଲଦାରଙ୍କ ନିକଟରେ ଆବେଦନ କରାଯିବ ବୋଲି ମହାନ୍ତ କହିଛନ୍ତି।
