ବ୍ରହ୍ମପୁର ଅଫିସ,୨୨ା୧୦-ପୋଲିସ ବ୍ରହ୍ମପୁର ସହରରେ ବୁଧବାର ରାତିରେ ବିଭିନ୍ନ ସ୍ଥାନରେ ଚଢ଼ାଉ କରି ୩ ଜୁଆଆଡ୍ଡା ଠାବ କରିଛି। ଏଠାରୁ ୪୫ ଜୁଆଡ଼ିଙ୍କୁ ଗିରଫ କରାଯାଇଥିବାବେଳେ ମୋଟ ୧ଲକ୍ଷ ୮୯ହଜାର ୨୪୦ଟଙ୍କା ଜବତ କରାଯାଇଛି। ଟାଉନ୍ ଥାନା ପୋଲିସ ବୁଧବାର ରାତି ପ୍ରାୟ ସାଢ଼େ ୧୦ ଟାରେ ଧର୍ମନଗର ଅଞ୍ଚଳରେ ଚଢ଼ାଉ କରି ଏକ ଜୁଆଅଡ୍ଡାରୁ ୯ଜଣଙ୍କୁ ଗିରଫ କରି ୩୬ହଜାର ୨ଶହ ଟଙ୍କା ଜବତ କରିଥିଲା। ସେହିପରି ପୁଣିଥରେ ବିଳମ୍ବିତ ରାତିରେ କର୍ପୋରେଶନ୍ ରୋଡ୍ରେ ଚଢ଼ାଉକରି ୧୧ଜଣଙ୍କୁ ଗିରଫ କରି ୮୮ହଜାର ୪ଶହ ଟଙ୍କା ଜବତ କରିଥିଲା। ଅନ୍ୟପଟେ ବୈଦ୍ୟନାଥପୁର ଥାନା ପୋଲିସ ଏମ୍କେସିଜି ମେଡିକାଲ କ୍ୟାମ୍ପସ୍ରେ ଚଢ଼ାଉ କରି ୨୫ ଜୁଆଡ଼ିଙ୍କୁ ଗିରଫ କରିଛି। ସେମାନଙ୍କ ନିକଟରୁ ୬୪ହଜାର ୬୪୦ଟଙ୍କା ଜବତ ହୋଇଥିବା ବେଳେ ୨୦ ମୋବାଇଲ୍ ଓ ୮ବାଇକ୍ ଜବତ ହୋଇଛି। ଗିରଫ ସମସ୍ତ ୪୫ ଜୁଆଡିଙ୍କୁ ଧାରା ୪୧ ସିଆରପିସି ଅନୁସାରେ ଥାନାରୁ ଜାମିନରେ ଛଡ଼ାଯାଇଥିବା ପୋଲିସ କହିଛି।
