କୋରାପୁଟ/ଜୟପୁର, ୧୨।୩(ସ୍ବ.ପ୍ର./ନି.ପ୍ର.): କୋରାପୁଟ-ବିଶାଖାପାଟଣା ମଧ୍ୟରେ ପାଡୁଆ ଷ୍ଟେଶନର ଭେଜା ଗ୍ରାମ ନିକଟରେ ଏକ ମାଲବାହୀ ଟ୍ରେନ୍ ଲାଇନଚ୍ୟୁତ ହୋଇଛି। ଏହା ପରେ ଉକ୍ତ ରୁଟ୍ରେ ସମସ୍ତ ଟ୍ରେନ୍ ଚଳାଚଳ ବ୍ୟାହତ ହୋଇଥିଲା। ଲାଇନ୍ କ୍ଲିଅର କରାଯାଇ ୧୧ଘଣ୍ଟା ପରେ ଉକ୍ତ ରୁଟ୍ରେ ଟ୍ରେନ୍ ଚଳାଚଳ ସ୍ବାଭାବିକ ହୋଇଥିଲା।
ସୂଚନାନୁଯାୟୀ, ଶୁକ୍ରବାର ଭୋରରୁ କୋରାପୁଟ ଜିଲାର ପାଡୁଆ ଷ୍ଟେଶନ ନିକଟ ଭେଜା ଗ୍ରାମରେ ଛତିଶଗଡ଼ର କିରଣ୍ଡଲରୁ ଲୁହାପଥର ନେଇ ବିଶାଖାପାଟଣା ଯାଉଥିବା ଏକ ମାଲବାହୀ ଟ୍ରେନ୍ କୌଣସି କାରଣରୁ ଲାଇନଚ୍ୟୁତ ହୋଇଯାଇଥିଲା। ଏଥିରେ ଟ୍ରେନ୍ର ୬ଟି ବଗି ଧାରଣାରୁ ବାହାରି ଯାଇଥିଲା। ଏଥିଯୋଗୁ ଏହି ରୁଟ୍ରେ ଯାଉଥିବା ସମସ୍ତ ଟ୍ରେନ୍ ଚଳାଚଳ ଦୀର୍ଘ ସମୟ ଧରି ବନ୍ଦ ରହିଥିଲା। ଖବରପାଇ ପାଡୁଆ ଷ୍ଟେଶନ ଓ କୋରାପୁଟରୁ ଏକ ଯାନ୍ତ୍ରିକ ଟିମ ଘଟଣାସ୍ଥଳରେ ପହଞ୍ଚତ୍ଥିଲେ। ଦୀର୍ଘ ୧୧ ଘଣ୍ଟା ପରିଶ୍ରମ ପରେ ଅପରାହ୍ନରେ ୧ଟାରେ ଏହି ଲାଇନରେ ଟ୍ରେନ୍ ଚଳାଚଳ ଆରମ୍ଭ ହୋଇଥିବା କୋରାପୁଟ ଷ୍ଟେଶନ ମ୍ୟାନେଜର ଏନ୍.କେ. ଭିତରେ ସୂଚନା ଦେଇଛନ୍ତି।
