ଦିନତମାମ ପରିଶ୍ରମ ଅନୁସାରେ ଆମକୁ ବିଶ୍ରାମର ଆବଶ୍ୟକତା ରହିଛି। ତେଣୁ ଜଣେ ବ୍ୟକ୍ତି ରାତିରେ ଅତିକମ୍ରେ ୬-୭ ଘଣ୍ଟା ଶୋଇବା ନିହାତି ଦରକାର। ହେଲେ ଅନେକ ଏପରି ସମୟ ନିର୍ଘଣ୍ଟକୁ ଅନୁସରଣ କରିପାରି ନ ଥା’ନ୍ତି। ତେବେ ଏପରି କେତେକ ଖାଦ୍ୟ ରହିଛି, ଯାହା ସୁନିଦ୍ରା ପାଇଁ ସହାୟକ ହୋଇଥାଏ। ଜାଣନ୍ତୁ ସେ ସମ୍ପର୍କରେ…
ଚେରି : ଏହି ସୁସ୍ବାଦୁ ଫଳ ଆମକୁ ସୁନିଦ୍ରା ପାଇଁ ସାହାଯ୍ୟ କରିଥାଏ। ଚେରିରେ ମେଲାଟୋନିନ୍ ଭରପୂର ଭାବରେ ଥାଏ। ଏହା ଶରୀରର ଆଭ୍ୟନ୍ତରୀଣ ପ୍ରକ୍ରିୟା ନିୟନ୍ତ୍ରଣ କରିବା ସହ ନିଦ ଆସିବାରେ ସାହାଯ୍ୟ କରେ। ଚେରି ଜୁସ୍ ମଧ୍ୟ ଏ କ୍ଷେତ୍ରରେ ବେଶ୍ ଉପକାରୀ ସାବ୍ୟସ୍ତ ହୋଇଥାଏ ବୋଲି ଲଣ୍ଡନ ୟୁନିଭର୍ସିଟିର ପୁଷ୍ଟିବିଜ୍ଞାନୀମାନେ ଏକ ଗବେଷଣାରୁ ଜାଣିପାରିଛନ୍ତି।
ଆଲ୍ମଣ୍ଡ : ଭଲ ନିଦ ପାଇଁ ଆଲ୍ମଣ୍ଡକୁ ଖାଦ୍ୟ ତାଲିକାରେ ସାମିଲ କରନ୍ତୁ। ଏଥିରେ ଥିବା ମ୍ୟାଗ୍ନେସିୟମ ଭଲ ନିଦ ହେବାରେ ସାହାଯ୍ୟ କରେ। ଅନ୍ୟପକ୍ଷରେ ଏଥିରେ ଆଣ୍ଟି ଷ୍ଟ୍ରେସ୍ ଗୁଣ ଅଛି। ନିଜର ବ୍ରେକଫାଷ୍ଟରେ ଆଲ୍ମଣ୍ଡକୁ ସାମିଲ କରନ୍ତୁ। କ୍ଷୀର ପିଇବା ସମୟରେ ଖାଲି କ୍ଷୀର ନ ପିଇ ବାଦାମ କ୍ଷୀର ପିଅନ୍ତୁ।
ଓଟସ୍: ଓଟସ୍ରେ ପୋଟାସିୟମ ସହ ଭରପୂର ମାତ୍ରାରେ ମ୍ୟାଗ୍ନେସିୟମ ରହିଛି। ଏହାକୁ ନିୟମିତ ଖାଇଲେ ତାହା ନିଦ୍ରାହୀନତା ସମସ୍ୟାକୁ କେତେକାଂଶରେ ଦୂର କରିଥାଏ। ଏହାସହ ଓଟସ୍ରେ ଟ୍ରାଇପଟୋଫୋନ୍ ନାମକ ତତ୍ତ୍ୱ ରହିଛି, ଯାହା ଭଲ ନିଦ ହେବାରେ ସାହାଯ୍ୟ କରେ।
