ନୂଆଦିଲ୍ଲୀ,୧୫ା୭: ଇଣ୍ଡିଗୋ ବିମାନର ଇଞ୍ଜିନ୍ ଏକ ସେକେଣ୍ଡ ପାଇଁ ଥରିବାରୁ ଦିଲ୍ଲୀରୁ-ବଡ଼ଦୋରା ଯାଉଥିବା ବିମାନକୁ ଜୟପୁର ଡାଇଭର୍ଟ କରାଯାଇଛି। ଯାତ୍ରୀମାନଙ୍କ ପାଇଁ ଏକ ବିକଳ୍ପ ବିମାନର ମଧ୍ୟ ବ୍ୟବସ୍ଥା କରାଯାଇଥିଲା।
ଇଣ୍ଡିଗୋ ମୁଖପାତ୍ର କହିଛନ୍ତି, ଦିଲ୍ଲୀରୁ ବଡ଼ଦୋରା ଯାଉଥିବା ଇଣ୍ଡିଗୋ ବିମାନ ୬ଇ-୮୫୯ ଜୁଲାଇ ୧୪ରେ ଜୟପୁର ପଠାଯାଇଛି। ମଝି ଆକାଶରେ ପାଇଲଟଙ୍କୁ ଏକ ଚେତାବନୀ ବାର୍ତ୍ତା ଦିଆଯାଇଥିଲା। ସତର୍କତା ଅବଲମ୍ବନ କରି ପାଇଲଟ ଅଧିକ ଅନୁସନ୍ଧାନ ପାଇଁ ବିମାନକୁ ଜୟପୁର ପଠାଇ ଦେଇଛନ୍ତି।
ବେସାମରିକ ବିମାନ ଚଳାଚଳ ମହାନିର୍ଦ୍ଦେଶକ (ଡିଜିସିଏ) କହିଛନ୍ତି, ସେ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି।
ଅନ୍ୟପକ୍ଷରେ କରୋନା ମହାମାରୀ ହେତୁ ବହୁ ସଂଖ୍ୟକ ବିମାନ ରକ୍ଷଣାବେକ୍ଷଣ ଟେକ୍ନିସିଆନ ସ୍ବଳ୍ପ ବେତନକୁ ବିରୋଧ କରି ଛୁଟି ନେଇଛନ୍ତି। ବିମାନ ପ୍ରୋଜେକ୍ଟ ଏବେ କଠିନ ସମୟ ଦେଇ ଗତି କରୁଛି। କମର୍ଚାରୀଙ୍କ ସହ କଥାବାର୍ତ୍ତା ଜାରି ରହିଥିବା ବିମାନ ଚଳାଚଳ ମହାନିର୍ଦ୍ଦେଶକ କହିଛନ୍ତି।
