ମାଲକାନଗିରି,୨୪ା୬(ଡି.ଏନ୍.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡରେ ପୋଲିସ ଏବଂ ସିଆରପିଏଫ-୧୫୧ବାଟାଲିୟନ ପକ୍ଷରୁ ସର୍ଚ୍ଚ ଅପରେଶନ ବେଳେ ଜାରପାଲି ଜଙ୍ଗଲରୁ ୫ ଜଣ ମାଓବାଦୀ ଧରାପଡିଛନ୍ତି। ସେମାନଙ୍କ ମଧ୍ୟରେ ୨ ଜଣ ନାବାଳକ ଥିବା ଜଣାପଡିଛି। ଅନ୍ୟ ୩ ଜଣ ହେଲେ କୁଞ୍ଜାମ ଯୋଗ, କରିମ ଭୀମା ଓ ଲେକମ ଭୀମା। ଖବରରୁ ଜଣାପଡିଛି ବିଜାପୁର ଜିଲା ପାମେଡ ଥାନା ଅଞ୍ଚଳରେ ଥିବା ଏହି ଜଙ୍ଗଲରେ ମାଓବାଦୀ ଦମନ ନେଇ ସର୍ଚ୍ଚ ଅପରେଶନ ଜାରି ରହିଥିଲା। ଯବାନଙ୍କୁ ଦେଖି ମାଓବାଦୀମାନେ ନିଜ ବାଇକ୍ ଛାଡି ପଳାଇବାକୁ ଉଦ୍ୟମ କରିଥିଲେ। ତେବେ ଯବାନମାନେ ସମ୍ପୃକ୍ତ ମାଓବାଦୀଙ୍କୁ କାବୁ କରି ଧରିଥିଲେ। ସେମାନଙ୍କ ନିକଟରୁ ଦୁଇଟି ବାଇକ୍, ବିସ୍ଫୋରକ ସାମଗ୍ରୀ, ୧୦୦ଟି ଜେଲାଟିନ୍, ୨ଟି ବଡ ଜେଲାଟିନ୍, ୩୫ ମିଟର ତାର, ୨୦ କିଲୋ ୟୁରିଆ ଏବଂ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।
