ଉଡୁପି,୧୦ ।୫: କର୍ନାଟକର ଉଡୁପିରେ ମାଲପେ ବିଚରେ ହୋଇଥିବା ରାଜ୍ୟର ପ୍ରଥମ ଭାସମାନ ପୋଲ ସମୁଦ୍ରରେ ଧୋଇ ଯାଇଛି । ୩ ଦିନ ପୂର୍ବରୁ ଅର୍ଥାତ୍ ୬ ମେ’କୁ ଏହି ପୋଲର ଉଦଘାଟନ ହୋଇଥିଲା । ଏହି ପୋଲ ୧୦୦ ମିଟର ଲମ୍ବା ଓ ୩ ମିଟର ଚଉଡା ଥିଲା । ଏହାକୁ ନିର୍ମାଣ କରିବା ପାଇଁ ପାଖାପାଖି ୮୦ ଲକ୍ଷ ଟଙ୍କା ବ୍ୟୟ କରାଯାଇଥିଲା । କୁହାଯାଉଛି କି ରବିବାର ଆସିଥିବା ବାତ୍ୟାରେ ପୋଲ ଆଶିଂକ ଭାବେ ଧୋଇ ଯାଇଥିଲା । ଏହାପରେ ପୋଲ ଉପରେ ଚଳାଚଳକୁ ବନ୍ଦ କରାଯାଇଥିଲା । ସୂଚନାଯୋଗ୍ୟ, ପର୍ଯ୍ୟଟନ ଶିଳ୍ପର ଉନ୍ନତି ପାଇଁ ୮୦ ଲକ୍ଷ ଟଙ୍କାରେ ଏହି ପୋଲ ନିର୍ମାଣ କରାଯାଇଥିଲା । ଏଥିରେ ମାତ୍ର ୧୫ ମିନିଟ ପର୍ଯ୍ୟନ୍ତ ପର୍ଯ୍ୟଟକଙ୍କୁ ରହିବାକୁ ଅନୁମତି ଦିଆଯାଉଥିଲା । ୩ ଦିନ ପୂର୍ବେ ବିଧାୟକ ରଘୁପତି ଭଟ୍ଟ ଏହାର ଉଦଘାଟନ କରିଥିଲେ । ତେବେ କର୍ନାଟକରେ ଆସିଥିବା ଘୂର୍ଣ୍ଣିବାତ୍ୟା ଯୋଗୁ ପୋଲଟି ଧୋଇଯାଇଥିବା କୁହାଯାଉଛି । ବେଙ୍ଗାଲୁରୁରେ ପ୍ରବଳ ବର୍ଷା ସାଙ୍ଗକୁ ପବନ ବହିବାରୁ କିଛି ପରିମାଣର କ୍ଷୟକ୍ଷତି ହୋଇଥିବା କୁହାଯାଉଛି ।
