ସୋସିଆଲ ମିଡିଆରେ ବନ୍ୟଜନ୍ତୁଙ୍କ ଅନେକ ଭିଡିଓ ଭାଇରାଲ ହେଉଛି। କେତେବେଳେ ମାଙ୍କଡ ମୁହଁରେ କନା ଗୁଡାଇ ବୁଲୁଛି ତ ଆଉବେଳେ ବାଘ ମଣିଷ ଭିତରେ ଥିବା ଭଲ ପାଇବାର ସମ୍ପର୍କ ଦେଖିବାକୁ ମିଳୁଛି। ବର୍ତ୍ତମାନ ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ଯାହା ଲୋକଙ୍କ ମନକୁ ବେଶ ଛୁଇଁଛି। ଏହି ଭିଡିଓରେ ଦୁଇ ହାତୀ ଛୁଆ ଲଢେଇ କରୁଥିବା ଦେଖିବାକୁ ମିଳିଛି।
ଭାରତୀୟ ବନବିଭାଗ ଅଧିକାରୀ ସୁଧା ରମଣ ଏହି ଭିଡିଓଟିକୁ ନିଜ ଟୁଇଟର ହ୍ୟାଣ୍ଡେଲରେ ଶେୟାର କରିଛନ୍ତି। ସେ ଟୁଇଟରରେ ଉଲ୍ଲେଖ କରିଛନ୍ତି, ପ୍ରକୃତ ବନ୍ଧୁମାନଙ୍କୁ ସମର୍ପିତ, ଯେଉଁମାନେ ସର୍ବଦା ଆମ ପାଖରେ ଛିଡା ହୁଅନ୍ତି।
Dedicated to the true friends who stand always by our side. The emotions in this video will melt your heart. #Elephants #Shared pic.twitter.com/naEP0ubC1L
— Sudha Ramen IFS 🇮🇳 (@SudhaRamenIFS) July 12, 2020
ଭିଡିଓରେ, ଦୁଇଟି ହାତୀ ଛୁଆ ଖେଳୁଥିବା ଦେଖିବାକୁ ମିଳିଛି। ଗୋଟିଏ ଛୁଆ ହାତୀ ଅନ୍ୟଟିକୁ ନିଜ ଶୁଣ୍ଢରେ ହଇରାଣ କରୁଛି। ଅନ୍ୟ ଛୁଆ ହାତୀଟି କାଠର ଅନ୍ୟପାର୍ଶ୍ୱରେ ଛିଡା ହୋଇଛି। କିଛି ସମୟ ପରେ ୨ୟ ହାତୀଟି ମଧ୍ୟ କାଠ ସାମ୍ନାକୁ ଆସି ପ୍ରଥମ ହାତୀକୁ ହଇରାଣ କରୁଥିବା ଦେଖିବାକୁ ମିଳିଛି। ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।
