କେନ୍ଦୁଝର,୧୬।୭(ସ୍ବ.ପ୍ର.): କେନ୍ଦୁଝର ଜିଲାରେ ଗୁରୁବାର ୧୦ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୨ ଜଣ କ୍ୱାରାଣ୍ଟଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୮ ଜଣ ସ୍ଥାନୀୟ ଅଞ୍ଚଳର ରହିଛନ୍ତି। ସେମାନେ ପୂର୍ବରୁ କରନା ରୋଗୀଙ୍କ ସଂସ୍ପର୍ଶରେ ଆସିଥବା ଜଣାପଡ଼ିଛି। ସେଥିରୁ ୪ଜଣ ବଡ଼ବିଲରେ ପୂର୍ବରୁ ସଂକ୍ରମିତ ଲୋକାଲ କଣ୍ଟାକ୍ଟ ଥିବା ବେଳେ ଜଣେ ହାଟଡ଼ିହି ବ୍ଲକର ଲୋକାଲ କଣ୍ଟାକ୍ଟ ଅଛନ୍ତି। ଯିଏ ଭୁବନେଶ୍ୱରରେ ଚିକିତ୍ସାଧୀନ ଥିବା ଜଣାପଡିଛି। କେନ୍ଦୁଝର ପୌରପାଳିକ ଅଞ୍ଚଳରେ ପୂର୍ବରୁ ସଂକ୍ରମିତ ଜଣେ ଲୋକାଲ କଣ୍ଟାକ୍ଟ ସଂସ୍ପର୍ଶରେ ଆସି ୩ ଜଣ ଆକ୍ରାନ୍ତ ହୋଇଛନ୍ତି। ଅନ୍ୟ ୨ ଜଣ ତେଲକୋଇ ଓ ଚମ୍ପୁଆ ବ୍ଲକ ଅଞ୍ଚଳରେ ଥିବା ଅସ୍ଥାୟୀ ସ୍ବାସ୍ଥ୍ୟ କନ୍ଦ୍ରରେ ଥିଲେ ବୋଲି ଜଣାପଡିଛି ।
ଏହାକୁ ମିଶାଇ ଜିଲାରେ କରୋନା ଆକ୍ରନ୍ତଙ୍କ ସଂଖ୍ୟା ୩୫୫ରେ ପହଞ୍ଚି ଥିବା ବେଳେ ୨୫୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ୧୦୧ ଜଣ କୋଭିଡ-୧୯ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
