Posted inଖେଳ

ବାସନ୍ଦ ଉଠାଇଲା ଫିଫା

ଜୁରିଚ୍‌,୨୭ା୮: ପ୍ରଶାସକ କମିଟି (ସିଏଓ)କୁ ସୁପ୍ରିମକୋର୍ଟ କ୍ଷମତାଶୂନ୍ୟ କରିଦେବା ପରେ ବିଶ୍ୱ ଫୁଟ୍‌ବଲ ପରିଚାଳନା ସଂସ୍ଥା (ଫିଫା) ଶୁକ୍ରବାର ସର୍ବଭାରତୀୟ ଫୁଟ୍‌ବଲ ମହାସଂଘ (ଏଆଇଏଫ୍‌ଏଫ୍‌) ଉପରୁ ବାସନ୍ଦ ଉଠାଇ ଦେଇଛି। ଫଳରେ ଅକ୍ଟୋବରରେ ଭାରତରେ ୧୭ବର୍ଷରୁ କମ୍‌ ମହିଳା ଫୁଟ୍‌ବଲ ବିଶ୍ୱକପ୍‌ ଆୟୋଜନ ନେଇ ସୃଷ୍ଟ ବାଧା ହଟିଛି। ତୃତୀୟ ପକ୍ଷର ଅଯଥା ହସ୍ତକ୍ଷେପ କାରଣରୁ ଫିଫା ଅଗଷ୍ଟ ୧୫ରେ ଏଆଇଏଫ୍‌ଏଫ୍‌କୁ ସସ୍‌ପେଣ୍ଡ କରିଥିଲା। ଭାରତୀୟ ଫୁଟ୍‌ବଲ ମହାସଂଘ ଏହାର ଦୀର୍ଘ ୮୫ ବର୍ଷ ଇତିହାସରେ ପ୍ରଥମ ଥର ଏଭଳି ଦଣ୍ଡିତ ହୋଇଥିଲା। ଫିଫା କାଉନ୍‌ସିଲ ବ୍ୟୁରୋ ଏହାର ୧୧ ଦିନ ପରେ ଶୁକ୍ରବାର ଏହି ଦଣ୍ଡାଦେଶକୁ ପ୍ରତ୍ୟାହାର କରିଛି। ଏଆଇଏଫ୍‌ଏଫ୍‌ କାର୍ଯ୍ୟନିର୍ବାହୀ କମିଟି ଦାୟିତ୍ୱରେ କୋର୍ଟଙ୍କ ଦ୍ୱାରା ନିଯୁକ୍ତ ପ୍ରଶାସକ କମିଟି ରହିଥିଲା। କୋର୍ଟଙ୍କ ନିର୍ଦ୍ଦେଶକ୍ରମେ ଏହାକୁ ବହିଷ୍କାର କରାଯିବା ଏବଂ ଏଆଇଏଫ୍‌ଏଫ୍‌ ପ୍ରଶାସନ ଏଆଇଏଫ୍‌ଏଫ୍‌ର ଦୈନନ୍ଦିନ ବ୍ୟାପାର ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ପାଇବା ନିଶ୍ଚିତ ହେବା ପରେ ଫିଫା ଏହି ନିଷ୍ପତ୍ତି ନେଇଛି। ଫଳସ୍ବରୂପ ଯୋଜନା ଅନୁସାରେ ଭାରତ (ଭୁବନେଶ୍ୱର ସମେତ ୩ ଭେନ୍ୟୁ)ରେ ଆସନ୍ତା ଅକ୍ଟୋବର ୧୧ରୁ ୩୦ ପର୍ଯ୍ୟନ୍ତ ୧୭ ବର୍ଷରୁ କମ୍‌ ଫିଫା ମହିଳା ବିଶ୍ୱକପ୍‌ ଆୟୋଜନ ହୋଇପାରିବ। ଫିଫା କହିଛି ଏସିଆନ ଫୁଟ୍‌ବଲ କାଉନ୍‌ସିଲ (ଏଏଫ୍‌ସି) ପରିସ୍ଥିତି ଉପରେ ନଜର ରଖିବ। ଏଆଇଏଫ୍‌ଏଫ୍‌ କିପରି ଠିକଣା ସମୟରେ ନିର୍ବାଚନ କରିପାରିବ ସେ ଦିଗରେ ଆବଶ୍ୟକ ସହାୟତା କରିବ। ସୂଚନାଯୋଗ୍ୟ, ସସ୍‌ପେଣ୍ଡ ଆଦେଶର ପୁନଃ ବିଚାର ପାଇଁ ଏଆଇଏଫ୍‌ଏଫ୍‌ର କାର୍ଯ୍ୟନିର୍ବାହୀ ସାଧାରଣ ସମ୍ପାଦକ ସୁନନ୍ଦୋ ଧର୍‌ ମଙ୍ଗଳବାର ଫିଫାର ସେକ୍ରେଟାରି ଜେନେରାଲ ଫାତମା ସାମୋରାଙ୍କୁ ଅନୁରୋଧ କରିଥିଲେ। ଫିଫା ସହିତ ଆଲୋଚନା ପରେ କ୍ରୀଡ଼ା ମନ୍ତ୍ରଣାଳୟ କୋର୍ଟଙ୍କୁ ତାଙ୍କ ମେ’ ୧୮ ଓ ଅଗଷ୍ଟ ୩ ନିର୍ଦ୍ଦେଶନାମାରେ ପରିବର୍ତ୍ତନ କରିବା ଲାଗି ନିବେଦନ କରିଥିଲା।
ସୁପ୍ରିମକୋର୍ଟ ଇତିମଧ୍ୟରେ ଏଆଇଏଫ୍‌ଏଫ୍‌ ପରିଚାଳନା ଦାୟିତ୍ୱରୁ ପ୍ରଶାସକ କମିଟିକୁ ହଟାଇ ଦେଇଥିବା ଏକ ଚିଠି ମାଧ୍ୟମରେ ଧର୍‌ ଜଣାଇଥିଲେ। ସର୍ବୋଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶକ୍ରମେ ପୂର୍ବତନ ସୁପ୍ରିମକୋର୍ଟ ବିଚାରପତି ଏ.ଆର୍‌. ଡାଭେଙ୍କ ଅଧ୍ୟକ୍ଷତାରେ ଗଠିତ ପ୍ରଶାସକ କମିଟି ଗତ ମେ’ ୧୮ରୁ ଏଆଇଏଫ୍‌ଏଫ୍‌ ପରିଚାଳନା ଦାୟିତ୍ୱ ନେବା ପରେ ମହାସଂଘର ସଭାପତି ପ୍ରଫୁଲ୍ଲ ପଟେଲଙ୍କୁ ବହିଷ୍କାର କରିଥିଲା। ପ୍ରଶାସକ କମିଟିର ଅନ୍ୟ ଦୁଇଜଣ ସଦସ୍ୟ ଥିଲେ ପୂର୍ବତନ ନିର୍ବାଚନ କମିଶନର ଏସ୍‌. ଓ୍ବାଇ. କୁରେଶୀ ଓ ଭାରତୀୟ ଫୁଟ୍‌ବଲ ଦଳର ପୂର୍ବତନ ଅଧିନାୟକ ଭାସ୍କର ଗାଙ୍ଗୁଲି। ସୁପ୍ରିମକୋର୍ଟ ତାଙ୍କ ରୁଲିଂରେ ଅଗଷ୍ଟ୨୮ରେ ହେବାକୁଥିବା ଏଆଇଏଫ୍‌ଏଫ୍‌ କର୍ମକର୍ତ୍ତା ନିର୍ବାଚନକୁ ସେପ୍ଟେମ୍ବର ୨କୁ ଘୁଞ୍ଚାଇ ଦେଇଛନ୍ତି। ଇଲେକ୍ଟୋରାଲ କଲେଜରେ ପରିବର୍ତ୍ତନ ସହ ସାନି ପ୍ରାର୍ଥତ୍ପତ୍ର ଦାଖଲ ପ୍ରକ୍ରିୟା ଆରମ୍ଭ କରିବା ଲାଗି କୋର୍ଟ ନିର୍ଦ୍ଦେଶ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତର ବିଜୟରେ ଏହି ୬ ଖେଳାଳି ହେଲେ ହିରୋ

ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଚତୁର୍ଥ ତଥା ଅନ୍ତିମ ଟେଷ୍ଟ ଭାରତ ଐତିହାସିକ ବିଜୟ ହାସଲ କରିଛି। ଏହି ଐତିହାସିକ ବିଜୟ ପରେ ଦେଶରେ...

ଆଇପିଏଲ ବିଶ୍ୱକପ୍‌ ପ୍ରସ୍ତୁତିରେ ସହାୟକ ହେବ: ବାଉଚର

କରାଚି,୩।୪(ପି.ଟି.): ପାକିସ୍ତାନ ବିପକ୍ଷ ସିରିଜ ନ ଖେଳି କେତେଜଣ ଦକ୍ଷିଣ ଆଫ୍ରିକା କ୍ରିକେଟର ଆଇପିଏଲ୍‌ ଖେଳିବାକୁ ଯାଉଛନ୍ତି। ତେବେ ଏଥିରେ ଦକ୍ଷିଣ ଆଫ୍ରିକା ହେଡ୍‌ କୋଚ୍‌...

ଗୋଟିଏ ଓଭରରେ ୫ ଉଇକେଟ ନେଲେ ଭାରତୀୟ ପେସର

ନୂଆଦିଲ୍ଲୀ,୨୯।୧୧- ଚଳିତ ସୟଦ ମୁସ୍ତାକ ଅଲି ଟି୨୦ ଟୁର୍ନାମେଣ୍ଟର ପ୍ରଥମ ସେମିଫାଇନାଲ ହରିୟାଣା ଓ କର୍ନାଟକ ମଧ୍ୟରେ ସୁରଟଠାରେ ଅନୁଷ୍ଠିତ ହୋଇଯାଇଛି। ଏହି ମ୍ୟାଚ୍‌ରେ ପୂର୍ବତନ...

ପାକିସ୍ତାନରେ ଖେଳାଯିବା ପିଏସ୍‌ଏଲ-୫

ନୂଆଦିଲ୍ଲି,୨୯।୭(ପିଟି)- ପାକିସ୍ତାନ ସୁପର ଲିଗ୍‌ (ପିଏସ୍‌ଏଲ)ର ୫ମ ସଂସ୍କରଣ ସମ୍ପୂର୍ଣ୍ଣ ଭାବେ ପାକିସ୍ତାନରେ ଖେଳାଯିବ ବୋଲି ପିସିବି ସୂତ୍ରରୁ ଜଣାପଡ଼ିଛି। ଏହି ଲିଗ୍‌ ଆସନ୍ତା ବର୍ଷ...

ଫର୍ମୁଲାଓ୍ବାନ ମୋଟର ରେସିଂ

୨୦୧୯ ଫର୍ମୁଲାଓ୍ବାନ ମୋଟର ରେସିଂରେ ମର୍ସିଡିଜ୍‌ର ବ୍ରିଟିଶ୍‌ ଡ୍ରାଇଭର ଲୁଇସ ହାମିଲଟନ ସବୁଠାରୁ ପ୍ରଭାବୀ ପ୍ରଦର୍ଶନ କରିଛନ୍ତି। ହ୍ୟାଟ୍ରିକ ଟାଇଟଲ ଅର୍ଜନ କରିବା ସହ ସେ...

ଗାଭାସ୍କରଙ୍କ ଆଇପିଏଲ ଏକାଦଶର ଅଧିନାୟକ ଧୋନୀ

ନୂଆଦିଲ୍ଲୀ, ୮।୪(ପି.ଟି.)-ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୪ତମ ସଂସ୍କରଣ ପୂର୍ବରୁ କିମ୍ବଦନ୍ତୀ ଭାରତୀୟ ଟେଷ୍ଟ ଓପନର ସୁନୀଲ ଗାଭାସ୍କର ସର୍ବକାଳୀନ ଆଇପିଏଲ ଏକାଦଶ ଚୟନ କରିଛନ୍ତି।...

ରାଷ୍ଟ୍ରପତିଙ୍କ ସହ ରାତ୍ରଭୋଜନ କଲେ ଧୋନୀ

ରାଞ୍ଚି,୩୦।୯:ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସହ ରାତ୍ର ଭୋଜନ କରିଛନ୍ତି। ସ୍ତ୍ରୀ ସାକ୍ଷୀ ଏବଂ ଝିଅ...

ବିନା ଦର୍ଶକରେ ଇଣ୍ଡିଆ ଓପନ୍‌ ବ୍ୟାଡମିଣ୍ଟନ ଖେଳାଯିବ

ନୂଆଦିଲ୍ଲୀ, ୧୪।୪(ପି.ଟି): ଆସନ୍ତା ମେ ୧୧ରୁ ୧୬ ତାରିଖ ମଧ୍ୟରେ ରୁଦ୍ଧ ଦ୍ୱାରରେ ଇଣ୍ଡିଆ ଓପନ ସୁପର ୫୦୦ ଇଭେଣ୍ଟ ଆୟୋଜନ ହେବ। ଅଲିମ୍ପିକ୍‌ ଚାମ୍ପିୟନ...

Advertisement
Archives

Model This Week